Fapea Kronikols 14:11 - Buka Blahi Ka Cheke Holo

¹¹ Aonu King Asa ne tarai ka Lord nogna God. Mana ne tarai eghu, “Lord, theo kaisei jateula iagho teuna. Iagho ngala tangomana te togho ghami ghehati mae te glaꞌe fara gre, eigna ghehati theome naba te magra ka mae te nheta fara igre. Iagho togho ghami ghehati gognarogne. Lord, iagho nomi God ghehati, ghehati rouronu kolho ka iagho. Soldia igre kmana fara, nu ghehati mei ka vido igne mala magridi mare ka nanghamu iagho. Lord, iagho nomi God ghehati, iagho thosei snakreni mae tuana mala ulu ghami ghehati.”

Fapea Kronikols 14:11 ပူးပေါင်းရင်းမြစ်များ

Profet Jeremaea 1:19

Mare ginauna diꞌatadi fara ka iagho, nu mare ginauna na theome tangomana te tapla fapari nigho iagho na. Naugna iara ginauna na au balumu iagho mala reireghi fakeli nigho. Igne chekegna Lord!”

Nodi Khoje Hatimare Mae Jiu 22:5

Mare neke tanhi ka iagho, eghuteuna iagho neke fakarhidi ka khamedi nodi naokare. Mare neke fatutuani nigho, eghuteuna iagho neke toghodi mare.

Nodi Khoje Hatimare Mae Jiu 20:7

Keha naiknore rouronu ka armi, kehare rouronu ka chariot, nei kehare rouronu ka jata. Nu tahati na rouronu ka nogna nolaghi noda God.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Fapea Kronikols 13:14

Kate filoni armigna Juda te mei armigna Israel te mei magra ke ulu nei ke leghu teuna, mare ne tarai ka Lord. Aonu hatimare mae pris ne kufli trampet re.

Mae Khuru 2:21

Aonu ihei te tore ka nanghagna Lord na, iara ginauna na fakarhidi.’

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.

Fapea Kronikols 13:18

Hatimare maedi Juda ne uluni armigna Israel, naugna mare ne fatutuani ni Lord nodi God kuꞌedi tifa ra.

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Nodi Khoje Hatimare Mae Jiu 120:1

Kate au teu iara ka hoholo na, iara ne ehani Lord God, aonu mana ne cheke tughu ka iara.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Nodi Khoje Hatimare Mae Jiu 37:5

Lisa lao nakarhamu na ka khamegna Lord. Fatutuani heta ka mana, eghuteuna mana ginauna na togho nigho iagho.

Ululahu Kronikols 5:20

Eghuteuna mae soldia igre ne toreni God mala toghodi ka magra igne. Aonu God ne toghodi mare, naugna mare ne fatutuani ni mana. God ne lisa lao ka khamedi mare vikegna mae Hagri igre, nei iheire te gnafa teke balugna mana re.

Fapea Kronikols 32:8

Mana au nogna nolaghi, nu nogna nolaghi mana tuana mei funugna ka naikno kolho. Nu tahati au tada nogna nolaghi Lord noda God. Mana ginauna magra ranghi ghita mala uluni tahati magra igne.” Aonu nogna cheke King Hesekaea igne ne farerheta gaoghathodi mare re.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Nodi Khoje Hatimare Mae Jiu 18:6

Kate au diꞌanagnafa na iara eha fabiꞌo ka nogu God mala togho ghau. Mana au neku ka sugagna na neke nomhini naoglagu iara na.

Nodi Khoje Hatimare Mae Jiu 9:19

Lord, mei sagho! Thosei snakredi naikno ne nhetahi thedi teu te figri tagru nigho are mala filodi tathamu nei foflomu teu iagho re. Iagho fakegradi ke ulumu mae bongihehe are mala fate falehedi.

Eksodas 14:10

Kate filoni hatimare mae Israel mae king gna Ijep na te mei balugna nogna tothoghei soldia na, naiknore ne thono mhaghu nodi fara ne toreni Lord mala toghodi mana.

Jone 14:1

Mae Jisas ne cheke eghu ka nogna mae fanomhore, “Thosei nanga nomi nei diꞌanagnafami eghu. Fatutuani ni God nei fatutuani ghau la iara.

Profet Sekaraea 2:8

Ke leghu na, Lord mae ihei te au nolaghi fateote'o igne neke vahi ghau iara mala tei toutonu eigna nonomho igne ka kantri te goigonidi nogu naikno iara igre. Mana neke cheke eghu, “Iheire te goigoni ghami ghotilo nogu naikno iara igre, mare jateula te goigoni ni thofno famane nogu glepo iara ra eghu.

Profet Isaia 2:22

Ghotilo thosei au nomi grouronu kaisei phile ka naikno, naugna mare theome au raugha lehe kolho. Mare theo nafudi kolho eghuteuna theome tangomana nate togho ghami ghotilo.

Nodi Khoje Hatimare Mae Jiu 34:6

Iara gne theo ihei nga te kokhoni ghau na, nu kate tore iara na, Lord nomhi ghau iara ne togho ghau iara ne atha fadeleidi puhigu iara re.

Jajis 7:7

Lord ne cheke eghu ka Gidion, “Iara ginauna hata thilo gobi mae igre, eghuteuna iara ginauna togho ghami ghotilo mala uluni ghotilo armigna Midian ka magra. Nu iagho chekedi keha mae igre mala ke figri ka namono.”

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Levitikas 26:8

Glima mae ka ghotilo kolho nate ngolhi fajifladi kaisei gobi naoka! Eghuteuna kaisei gobi mae kolho ka ghotilo na ginauna ngolhi fajifladi nabotho thogha naoka! Nomi naoka ghotilo igre ginauna kafe lehe ka nomi naflahi mala magra ghotilo re.

Mae Khuru 9:4

Mae Sol ne khoko soru pari ne nomhini kaisei naogla ne cheke eghu ka mana, “Sol, Sol! Naugna unha sagho te para ghau iara gnea?”

Mae Khuru 3:16

Ka nogna nolaghi mae Jisas na ghepa neke fakelini mae teke lehe ghahegna te kafe filoni nei laseni teu ghotilo igne. Uve, tutuani fara, ghepa fatutuani ni mae Jisas, eghuteuna ka nanghagna mae Jisas ghepa fakelini mae igne. Eghuteuna ghotilo kafe filoni te eni igne!

Nodi Khoje Hatimare Mae Jiu 20:5

Eghume, kate uluni iagho magra na, ghehati ginauna eha fabiꞌo balu glealeꞌa. Eghuteuna ghehati na ghathoni igne mala pala hagheni kligna nanghagna noda God. Ghehati na toreni noda Lord mala tusu ranghi nigho gobigna lepo te toredi iagho re.

Fapea Kronikols 32:20

Aonu King Hesekaea ghe Profet Isaia thugna Amoj, phiamare tarai ka God ne eha fabiꞌo haghe kligna mala toghodi.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Profet Isaia 26:13

Lord! Iagho nomi God ghehati! Keha fata, keha mae funei delei te funei fruni ghami na, nu ghehati ghatho tahuni kolho nanghamu iagho na.

Fapea Kronikols 18:31

Aonu kate filoni King Jehosafat igne, nogna komanda king gna Siria igre gaoghathodi mare na ne king gna Israel neu nodini ne tei magra ka mana. Nu King Jehosafat ne eha fabiꞌo ka Lord, eghuteuna Lord ne toghoni mana. God brue teidi mare ne tei kokoni mana.

Fapea Kronikols 13:12

God na au balumi ghehati! Mana ngala nomi lida ghehati na. Nomi pris ghehati gre ginauna tarabana mala kufli trampet mala kilo mei ghami ghehati mala magri ghami ghotilo. Ghotilo maemi Israel, ghotilo thosei magrini Lord nodi God kuꞌemi ghotilo tifa ra! Ghotilo theome tangomana nate uluni magra na!”

Diutronomi 32:27

Nu iara laseni jame te eni iara igne na, nomi naoka ghotilore ginauna cheke fadiꞌa eghu ghau iara, “Ghehati neke uludi naiknodi Israel ka nomi nolaghi themi, Lord neke theome togho ghami ghehati neke uludi mare!” ’

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Ululahu Samuel 17:47

Eghuteuna mae te gnafa te filo teu igre ginauna laseni Lord na theome rouronu ka naflahi ba jata te mala reireghidi nogna naiknore. Nu mana au nogna nolaghi te mala toghodi nogna naiknore te mala uluni magra na. Eghuteuna mana ginauna na kafe lisa mei ghami ghotilo hui ka khamemi ghehati maemi Israel.”

Ululahu Kings 8:44

“Glahu chekedi iagho nou naiknore mala tei magra ka nodi naokare ka keha vidore. Kate tei na, mare ginauna kulu tei ka namono biꞌo teke vahini iagho na, nei ka Sugablahi teke horo iara mala tarai ka iagho teku na.

Fapea Kronikols 14:10

King Asa balugna nogna armi na tei ne magrini Sera. Mare te gnafa na tarabana mala magra ka glogu Sefata rhegna namono Merasa.

Fapea Kronikols 16:7

Ka narane igre, Profet Hanani tei ne filoni King Asa, ne cheke eghu ka mana, “Naugna iagho ne theome fatutuani Lord nou God, nu iagho fatutuanini kolho king gna Siria, eghume iagho ginauna thoke nigho puhi biꞌo naugna nogna armi king gna Siria igne na rikha nigho.

Fapea Kronikols 25:8

Jau iagho gaoghathomu na, mare ginauna togho nigho mala nheta ka magra eghu, nu neuba iagho ne theome mhaghu ka magra, God ginauna koko soru nigho ke uludi nou naokare. God ngala te au nolaghi te mala togho nigho ba theo.”

Profet Isaia 10:20

Ka narane igne, keha naiknodi Israel kolho nate karha na. Eghuteuna naiknore ginauna theome rouronu ka king gna Asiria, mae ihei te thono paradi fara mare igne. Nu mare ginauna na rouronu kolho ka Lord nodi God te Blahi mae Israel.

Fapea Kronikols 13:15

Aonu hatimare mae soldia di Juda ne eha fabiꞌo mala tei ka magra. Kate eha eghu mare na, God ne toghoni King Abaeja nei armigna Juda mala tangomana mare te ngolhi teini Jeroboam nei armigna Israel.

Fapea Kronikols 20:32

Mana edi kmana glepo te doglo ka tathagna Lord jateula teke edi kmagna King Asa tifa ra neu.

Fapea Kronikols 26:7

Ka narane tuare, God ne toghoni mana mala uludi mana ka magra naiknodi Filistia, nei naiknodi Arab te au ka namono Gua-Baal nei naiknodi Meun.

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.

Nodi Khoje Hatimare Mae Jiu 22:6

Nu gognaro na iara theome jateula naikno eghu, nu ka gaoghathodi naiknore iara gne jateula madukhe eghu kolho. Naiknore diꞌa tadi fara ka iara, mare tirodi ghau iara.