Fapea Kronikols 14:10 - Buka Blahi Ka Cheke Holo

¹⁰ King Asa balugna nogna armi na tei ne magrini Sera. Mare te gnafa na tarabana mala magra ka glogu Sefata rhegna namono Merasa.

Fapea Kronikols 14:10 ပူးပေါင်းရင်းမြစ်များ

Jajis 1:17

Aonu vikegna Juda baludi vikegna Simion igre tei ne magra ka naiknodi Kenan te au ka namono Sefat. Mare ne thofno goigoni ne nako namono igne jateula te fafara ka God eghu, eghuteuna ke leghugna te goigoni te gnafa namono igne, mare ne kiloni namono igne Homa. Gaoghathogna “Homa” teu igne, “Goigoni nei nako mala fafara ka God.”

Josua 19:4

nei Eltolad, nei Betul, nei Homa,

Fapea Kronikols 14:9

Aonu kaisei mae biꞌogna Kus nanghagna na Sera, mana mei ne posa ka namono Maresa jare Juda. Mana mei balugna kaisei mola soldia, nei thilo gobi chariot mala magra.

Fapea Kronikols 14:11

Aonu King Asa ne tarai ka Lord nogna God. Mana ne tarai eghu, “Lord, theo kaisei jateula iagho teuna. Iagho ngala tangomana te togho ghami ghehati mae te glaꞌe fara gre, eigna ghehati theome naba te magra ka mae te nheta fara igre. Iagho togho ghami ghehati gognarogne. Lord, iagho nomi God ghehati, ghehati rouronu kolho ka iagho. Soldia igre kmana fara, nu ghehati mei ka vido igne mala magridi mare ka nanghamu iagho. Lord, iagho nomi God ghehati, iagho thosei snakreni mae tuana mala ulu ghami ghehati.”

Diutronomi 20:1

Mae Moses ne cheke eghu, “Kate tei ghotilo te magra ka nomi naokare, ghotilo jame filodi kmana hose nei kmana chariot mala magra, nei kmana soldia salaꞌu ghami ghotilo. Nu ghotilo thosei mhaghudi mare, naugna Lord nomi God, mae ihei teke hata fajifla ghami ghotilo Ijep ia ginauna au balumi ghotilo.

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Ululahu Samuel 17:45

Nu mae Devet ne eha eghu tei ka mana, “Uve, iagho mei balu jata nei naflahi eghu mala falehe ghau iara. Nu iara na ari magra ka iagho ka nanghagna Lord mae ihei te au nolaghi fateote'o. Armi gna Israel igne nogna God mae ihei te cheke faparini iagho igne.

Fapea Kronikols 13:18

Hatimare maedi Juda ne uluni armigna Israel, naugna mare ne fatutuani ni Lord nodi God kuꞌedi tifa ra.

Fapea Kronikols 26:7

Ka narane tuare, God ne toghoni mana mala uludi mana ka magra naiknodi Filistia, nei naiknodi Arab te au ka namono Gua-Baal nei naiknodi Meun.

Fapea Kronikols 32:8

Mana au nogna nolaghi, nu nogna nolaghi mana tuana mei funugna ka naikno kolho. Nu tahati au tada nogna nolaghi Lord noda God. Mana ginauna magra ranghi ghita mala uluni tahati magra igne.” Aonu nogna cheke King Hesekaea igne ne farerheta gaoghathodi mare re.

Fapea Kronikols 32:20

Aonu King Hesekaea ghe Profet Isaia thugna Amoj, phiamare tarai ka God ne eha fabiꞌo haghe kligna mala toghodi.

Nodi Khoje Hatimare Mae Jiu 9:20

Lord, falalase sagho nou nolaghi na mala mhaghu nodi mare. Eigna mare theome tangomana te ulu nigho na, naugna mare khogla naikno kolho. Mare theo kaisei nodi nolaghi.

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.

Nodi Khoje Hatimare Mae Jiu 31:15

Nakarhagu iara na au ka khamemu iagho na kolho. Hata fajifla ghau ka khamedi hatimare mae naoka te au faligoho ghau teu iara igre eigna mare magnahaghei te falehe ghau iara.