Fapea Kronikols 14:1 - Buka Blahi Ka Cheke Holo

¹ Eghuteuna kate lehe Abaeja na, mare ne giugiluni mana ka bekudi hatimare mae king ka nogna Namono biꞌo King Devet. Eghuteuna mae Asa thugna mana na neke funei fruni tughuni mana. Ka narane King Asa te funei fruni Juda, kantri Juda au ka pharikeli nabagna nabotho finogha.

Fapea Kronikols 14:1 ပူးပေါင်းရင်းမြစ်များ

Fapea Kronikols 9:31

Kate lehe mana na, mare ne giugiluni mana ka bekudi kuꞌegna ra ka nogna Namono biꞌo King Devet. Eghuteuna thugna mana Rehoboam hata sapegna mana na neke king.

Ululahu Kronikols 3:10

King te karha mei ka vikegna king Solomon: mae Rehoboam thugna mae Solomon, eghuteuna mae Abaeja na thugna Rehoboam, eghuteuna mae Asa na thugna mae Abaeja, eghuteuna mae Jehosafat na thugna mae Asa, eghuteuna mae Jehoram na thugna mae Jehosafat,

Ululahu Kings 14:31

Kate lehe King Rehoboam na, mare ne giugiluni mana ka bekudi king tifa ka nogna namono biꞌo King Devet. Nanghagna idogna mana na, Nama, ka vikegna mae Amon. Aonu mae Abaeja thugna mae Rehoboam teke king tughuni mana na.

Ululahu Kings 2:10

Aonu kate lehe mae Devet na, mare ne giugiluni mana Jerusalem.

Fapea Kronikols 14:2

Asa edi unha glepo te keli nei doglo teure ka tathagna Lord nogna God.

Josua 23:1

Kmana finogha ke leghu, Lord ne tusu ranghidi naiknodi Israel pharikeli baludi nodi naoka fateote'o te au faligohodi teu. Ka narane tuare, Josua la thofno kuekuꞌe farahi.

Fapea Kronikols 21:12

Profet Elija fatei kaisei letas ka King Jehoram. Mana ne cheke eghu, “Lord nogna God kuꞌemu iagho Devet ia, mana ne cheke eghu ka iagho, ‘Kmamu iagho King Jehosafat, ghe kuꞌemu iagho King Asa ra, phiamare neke leghuni puhi te keli na, nu iagho theome leghuni puhi te keli na.

Fapea Kronikols 31:20

King Hesekaea mana edi glepo te doglo heva heva ka kantri Juda. Mana edi glepo te keli igre naugna mana ghatho tahuni Lord nogna God.