Fapea Kronikols 13:3 - Buka Blahi Ka Cheke Holo

³ King Abaeja ne vavahi fati gobi thogha soldia te keli mala tei ka magra. Eghuteuna King Jeroboam hata nhana gobi thogha soldia te nheta mala magra ka mae Abaeja.

Fapea Kronikols 13:3 ပူးပေါင်းရင်းမြစ်များ

Fapea Kronikols 11:1

Kate mei Jerusalem, Rehoboam ne kilodi kaisei gobi nhana salei thogha nogna soldia te rheta lahu ka vikegna Juda nei ka vikegna Benjamin mala tei magra ka vikegna Israel te au ke raru, mala ke pulo mei naikno igre mala ke au ke parigna nogna nolaghi na.

Ululahu Kronikols 21:5

Aonu mae Joab ne tei ripot ka king khaputudi mae iheire nabadi te mala tei ka magra na: Israel na kaisei mola, kaisei gobi thogha mae te lase magra, eghuteuna Juda na fati gobi fitusalei thogha mae te lase magra.

Ululahu Kings 15:7

Keha glepo teke eni King Abaeja na, mare neke rioriso soru ka Buka Eidi Glepo Teke Edi Hatimare Mae King Di Juda.

Fapea Kronikols 13:2

Mana king Jerusalem nabagna thilo finogha. Idogna na Maka thugna gaꞌase mae Uriel maegna Gibea. Gognarona kaisei magra biꞌo farihoteidi nodi armi King Abaeja ghe King Jeroboam.

Fapea Kronikols 13:4

Aonu mae Abaeja ne kegra haghe ke kligna thogele Semaraem, ka thogele te au ka nohigna Efrem, ne eha eghu fabiꞌo, “Iagho mae Jeroboam nei ghotilo maemi Israel, ghotilo fanomho mei ka iara!