Fapea Kronikols 13:12 - Buka Blahi Ka Cheke Holo

¹² God na au balumi ghehati! Mana ngala nomi lida ghehati na. Nomi pris ghehati gre ginauna tarabana mala kufli trampet mala kilo mei ghami ghehati mala magri ghami ghotilo. Ghotilo maemi Israel, ghotilo thosei magrini Lord nodi God kuꞌemi ghotilo tifa ra! Ghotilo theome tangomana nate uluni magra na!”

Fapea Kronikols 13:12 ပူးပေါင်းရင်းမြစ်များ

Mae Khuru 5:39

Nu jame teke funu ka God na, ghotilo ginauna theome tangomana te lhotidire. Na eghunu magra ghotilo ka thegna God eghu.” Hatimare mae mala fate ne leghuni unha te chekeni mae Gamalio na.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Profet Sekaraea 10:5

Mae igre ginauna na jateula mae nheta ka magra te tapla sorudi mae naoka re ke lamna chopu ra eghu. Eghuteuna naugna iara Lord na toghodi mare, mare ginauna uludi mae naoka re eghuteuna famamajadi iheire te chari ka hose.

Hibru 2:10

God, mae ihei teke vuavuhadi gobigna lepo igre, neke cheke fakelini mana. Mana nabagna te snakreni mae Thugna Jisas Kraes mala au papara. Naugna kate au papara mana igne, God neke fagnafani nogna gloku thegna na ka mae Jisas Kraes, mae ihei tahati te kiloni “Mae mala baubatu ghita kau thofno karha.” God tusu ranghini mae Jisas gloku igne mala tangomana te hata fapulo goro thugna mala au balugna kligna.

Profet Esikiel 17:9

“Maegna ka nauthoglu. Iagho cheke ka naiknore te iara Lord God te cheke eghu igne: Ba, gaju grep igne ginauna kotu ba theo? Theo kolho! Gaghata ululahu igne ginauna rathu koko gaju grep igne, eghuteuna hata sisignare, eghuteuna kato koko gregegnare, eghuteuna lilisei meu mala gnagha. Mana theome magnahaghei narheta, ba kmana mae nheta mala rathu koko.

Profet Jeremaea 50:24

“Ghotilo naiknomi Babilonia! Iara tarabanahi kaisei phighoro mala fakhale ghami ghotilo, nu ghotilo theome laseni aheva te au phighoro igne. Uve, iara ginauna atha ghami ghotilo, naugna ghotilo ne figri tagru ghau iara.

Profet Jeremaea 2:37

Eghuteuna ghotilo ginauna mamaja nomi nei diꞌanagnafami eghu kate jifla kokoni ghotilo vido igne, naugna iara theome magnahaghei ghami ghotilo. Eghuteuna kantri Ijep te rouronuni ghotilo igne ginauna theome tangomana te togho ghami ghotilo na.”

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Profet Isaia 45:9

Tore! Kokhoni ghami fara ghotilo iheire te fapholai balugna God mae ihei teke vuavuha ghami ghotilo ra! Ghotilo jateula kaisei vido suspen tela phosahi ra eghu, la jateula keha vido suspen tela kokohi ka chara ra eghu. Ba? Glose teke horo suspen mana igne tangomana te ghusna eghu ka mae teke hohorogna na, “Unha site eni iagho ignea teuna?” Ba? Glepo igne tangomana te cheke eghu ka mana na, “Iagho theome lase horo suspen kolho teuna?”

Profet Isaia 8:10

Ghotilo tangomana te salofodu mala roghe poru te mala eni unha te magnahagheni ghotilo na. Nu ginauna na theo nafugna kolho, naugna God na au balumi ghehati.

Nodi Khoje Hatimare Mae Jiu 20:7

Keha naiknore rouronu ka armi, kehare rouronu ka chariot, nei kehare rouronu ka jata. Nu tahati na rouronu ka nogna nolaghi noda God.

Thoutonu Eigna Mae Job 40:9

Ba, iagho nheta jateula iara eghu? Iagho tangomana te cheke fabiꞌo jateula iara te naoglagu na te jateula fila teu igne?

Thoutonu Eigna Mae Job 9:4

God na thofno lalase fara, eghuteuna mana nolaghi fara. Eghuteuna theo kaisei naikno te tangomana te kegra haghe te uluni mana na.

Fapea Kronikols 24:20

Aonu Tharunga gna God na ne mei ka Pris Sekaraea thugna Pris Jehoada. Eghuteuna mana tei ne kegra ka kaisei vido aheva naiknore te tangomana te filoni mana na, aonu mana ne cheke eghu ka mare, “God ne cheke eghu, ‘Naugna unha si ghotilo te theome leghudi nogu cheke iara grea? Ghotilo ginauna na theome au ka nakarha te keli! Naugna ghotilo ne lisa koko ghau iara Lord, eghuteuna iara ginauna jaola lisa koko ghami ghotilo!’ ”

Diutronomi 28:29

Fari hotei naublatha na, ghotilo ginauna ngafa khame tafri jateula mae te dofu ra eghu, eghuteuna ghotilo ginauna na theome tangomana te thafoni nabrou aheva te magnahaghei tei ghotilo tagna na. Eghuteuna gobigna lepo te edi ghotilo re ginauna theome keli. Leuleghu fata na nomi naoka ghotilo igre ginauna cheke fapari ghami, chaghi ghami nei blau ghami, eghuteuna theo kaisei naikno nate fakarhi ghami ghotilo na.

Diutronomi 20:4

Naugna Lord nomi God ghotilo na ginauna tei balumi ghotilo mala magra balumi ghotilo ka nomi naoka re, eghuteuna mana ginauna togho ghami ghotilo mala uluni ghotilo magra tuana.’

Naba 31:6

Mae Moses ne kuru teidi mare mala tei ka magra na. Aonu mae Moses jaola ne vahini mae pris Finehas, thugna mae pris Eleasa na mala tei baludi mare. Mae Finehas gne mala atha tei keha glepo te blahire baludi keha trampet ka magra na.

Naba 23:21

Iagho na theome filoni kaisei glepo te thokedi kokhologna mae Jekob ginauna. Eghuteuna theo kaisei hoholo te ginau thokedi naiknodi Israel gre. Lord na nodi God mare, eghuteuna leuleghu fata mana au baludi mare. Leuleghu fata na mare eha eigna God ngala nodi king mare na.

Naba 14:41

Nu mae Moses ne cheke eghu ka mare, “Tore! Ne unha site theome leghudi ghotilo nogna cheke Lord grea? Ghotilo theome tangomana te uluni mana na!

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Fapea Kronikols 32:8

Mana au nogna nolaghi, nu nogna nolaghi mana tuana mei funugna ka naikno kolho. Nu tahati au tada nogna nolaghi Lord noda God. Mana ginauna magra ranghi ghita mala uluni tahati magra igne.” Aonu nogna cheke King Hesekaea igne ne farerheta gaoghathodi mare re.