Fapea Kronikols 13:11 - Buka Blahi Ka Cheke Holo

¹¹ Leuleghu narane, fei hamerane nei fei grafi, mare gahu insens mala ei fafara te thofno krono fara mala tufru soruni Lord. Mare hata bret mala lilisei ka Tevo blahi na mala tusu lao ka Lord, eghuteuna leuleghu narane fei grafi na, mare fakasa juta ka mala nanhaꞌa ka glepo te mala lilisei juta teke horo ka gol. Ghehati edi gobigna lepo te chekedi Lord, nu ghotilo tei kokonihi mana.

Fapea Kronikols 13:11 ပူးပေါင်းရင်းမြစ်များ

Fapea Kronikols 2:4

Uve, iara gognarona tarabana mala horo kaisei Sugablahi mala tarai nei tufru soruni eghu Lord nogu God, nei mala gahu insens te famane sisiri keligna fara. Eghuteuna ghehati ginauna fafara bret blahi na ka Lord leuleghu narane, hamerane nei grafi, ka narane Sabat, nei ka Gaghamu Khafa, nei ka keha nogna narane blahi God. Ghehati ginauna gahu fafara ka Sugablahi igne mala ghatho tahuni Lord. Eghuteuna ghehati ginauna eni igne fabrahu leghuni unha teke chekeni Lord.

Eksodas 29:38

Lord ne cheke eghu ka mae Moses, “Leuleghu narane na ghotilo falelehe phei sua sipu te kaisei finogha di teu kolho mala fafara ke kligna olta.

Luku 1:9

Mare leghui nodi kastom mae prisire ne lalahu khale mala laseni mae ihei nate ruma haghe ka Sugablahi nogna Lord na, mala gahu insens ke kligna te olta. Aonu, mare neke vahini mae Sekaraea eghuteuna mana ne ruma suga ne eni igne.

Profet Esikiel 48:11

Vido glose igne ginauna lisa fadelei maladi mae pris te karha mei ke leghu ka vikegna Pris Sadok. Naugna mare loku fakeli ranghi ghau iara, eghuteuna mare theome tei baludi keha vikegna Israel te tei fajafra jateula te edi keha mae Livaet igre eghu.

Profet Esikiel 44:15

Lord God ne cheke eghu, “Neuba naiknodi Israel igre ne tei koko ghau iara, hatimare mae Livaet teke karha mei ke leghu ka vikegna Sadok igre faꞌuve ghau iara te mala loku ka nogu Sugablahi iara na. Mare loku ranghi ghau iara jateula pris eghu. Mare mala mei namo ka iara mala hata mei fafara ka nogu Sugablahi iara na. Mare mala hata mei garofadi nei dadaradi eghu buluka mala fafara mei ka iara. Tutuani, iara Lord God neke chekeni igne.

Profet Esikiel 44:8

Gloku jame teke edi kolho ghotilo ka nogu glepo blahi iara re, ghotilo snakredi mae phosa igre te mala edi re.

Naba 16:46

Eghuteuna Moses ne cheke eghu ka Eron, “Ei! Lord na la diꞌatagnahi! Kaisei fogra te diꞌa la falehedi naiknore! Iagho faghose tei hata nou dis ia, eghuteuna hata khaꞌaghi mala lilisei balu insens mala hata tei ka mare, mala fafara ka Lord mala hata fadelei mana nakhibodi re.”

Naba 16:6

Uve, Kora, igne unha te mala eni iagho baludi kheramu are gognaro na: Hamerane nathui na, ghotilo ginauna atha nomi dis re, eghuteuna nhaꞌa lao khaꞌaghi nei insens eghuteuna atha tei ke ulugna Lord. Eghuteuna tahati ginauna filodi mae ihei ka tahati teke vahidi Lord re. Ghotilo mae vikegna Livae gre, pukuni salaꞌu fara!”

Naba 9:19

Eghuteuna neubane au fabrahu neu gromno na ke kligna gna suga thapuale na, mare jaola au fabrahu ka namono tuana, ne theome tangomana te jifla na.

Jenesis 26:5

Iara ginauna eni igne naugna mae kmamu iagho Ebraham ia neke nomhidi nogu cheke iara re nei leghudi nogu vetula te gnafa iara gre neku. Naugna igne iara ginauna na fablahi nigho iagho.”

Fapea Kronikols 13:10

“Nu ghehati gne, Lord na te nomi God ghehati na, eghuteuna ghehati theome tei kokoni mana. Nomi pris ghehati gre mei ka vikegna mae Eron, eghuteuna mare tarai nei tufru soruni eghu Lord kolho. Eghuteuna mae Livaet gre kolho te toghodi mare na.

Naba 1:53

Nu vikegna mae Livae gne te mala au faligohoni Suga Thapuale te Blahi igne, mala fiofiloni nei reireghini eghu, mala theome tangomana kaisei naikno te mei goigonini na. Ka puhi igne, iara ginauna theome diꞌatagu ka naiknodi Israel.”

Fapea Kronikols 2:3

Eghuteuna mae Solomon riso tei ka mae Haeram, king gna namono biꞌo Taea. Mana ne cheke eghu ka letas igne, “Iara magnahaghei nigho iagho te togho ghau iara jateula te sughu edi iagho ka mae kmagu iara Devet tifa ra eghu, iagho neke toghoni mana neke famei thaba gaju sida ka mana neke horo nogna suga ra.

Fapea Kronikols 4:20

Nabotho juta, baludi glepo te gnokro ke klignadi. Aonu mare ne lilisei nabotho juta igre au ke ulugna Chogho te Thofno Blahi Fara na leghuni unha te chekeni ka Vetula na.