Fapea Kronikols 12:3 - Buka Blahi Ka Cheke Holo

³ Ka narane tuare, King Sisak au kaisei thogha phei gobi chariot mala magra, nei namno salei thogha soldia ka hose. Mae soldia te mei balugna mana funu Ijep igre theome tangomana te kahadi, soldia igre maedi Libia, Suki nei Kus.

Fapea Kronikols 12:3 ပူးပေါင်းရင်းမြစ်များ

Profet Nahum 3:9

Mae ka namono biꞌo igne neke funei frunidi phei kantri Itiopia ghe Ijep. Eghuteuna nodi nolaghi naiknodi Thebes igre thono rheta fara. Phei kantri Put ghe Libia igre neke fofodu fakeli fara ka mare.

Fapea Kronikols 16:8

Iagho laseni, armigna Kus, nei armigna Libia, phei armi igre biꞌo fara eghuteuna au nodi kmana chariot nei kmana soldia mala chari ka hose eghu mala magra ka ghotilo. Nu naugna iagho neke fatutuanini Lord, eghuteuna mana neke togho nigho iagho neke tangomana iagho teke uludi mare na.

Profet Daniel 11:43

Mana ginauna hata kmana silva nei gol nei keha glepo te keli fara eghu ka kantri Ijep. Eghuteuna maedi ka phei kantri Libia ghe Etiopia ginauna toghoni mana.

Thakle 9:16

Te nomhini iara ka mare na, tothoghei mae soldia te gnokro ka hose na mare kaikaliti mala tei ka magra, mare thokeni phei gobi mola.

Profet Esikiel 30:5

Ginauna soldia kantri Itiopia, nei Libia, nei Lidia, nei Arebia, nei Kub, eghuteuna keha naiknore jaola magnahaghei te toghodi mala magra balugna armi na, mare ginauna kafe lehe gnafa ka magra baludi maedi Ijep.

Profet Isaia 43:3

Tutuani, iara Lord nomi God te Blahi ghotilo mae Israel, iara nate fakarhi ghami ghotilo na. Iara ginauna snakre lao kantri Ijep, Kus nei Seba teu igre ka khamedi nomi naoka ghotilore mala jateula teke foli fajifla ghami eghu ghotilo, mala tangomana ghotilo te snagla te jifla ka khamedi mare na.

Fapea Kronikols 14:12

Aonu King Asa hata armigna Juda igne ne tei magra ka armigna Kus, aonu Lord ne toghoni Juda mala uluni mare magra igne. Eghuteuna soldia di Kus igre ne kafe rikha.

Fapea Kronikols 14:9

Aonu kaisei mae biꞌogna Kus nanghagna na Sera, mana mei ne posa ka namono Maresa jare Juda. Mana mei balugna kaisei mola soldia, nei thilo gobi chariot mala magra.

Fapea Samuel 10:18

Nu armi gna Israel igne ne ngolhi fapulodi mare. Ka narane igne, nogna armi mae Devet igne ne aknu falehe fitu gobi soldia gna Aram te saghe ka chariot, eghuteuna fati thogha soldia te saghe ka hose. Eghuteuna mare jaola ne faleheni mae Sobak, nodi komanda maedi Aram.

Ululahu Samuel 13:5

Aonu mae soldia di Filistia igre ne kafe mei mala magra ka naiknodi Israel. Mare au thilo thogha chariot mala magra, eghuteuna namno thogha soldia mala chari ka hose, eghuteuna keha mae soldia langau eghu, mare kmana fara jateula nusu ka gratha ra eghu. Mare tei ne au ka namono Mikmas ke maghati Bet-Aven.

Jajis 6:5

Mare mei balu nodi buluka, nei sipu, nei dongki, nei tharaknadi. Aonu naikno nei nodi kamel teu mare igre ne jateula gnata nei galho teu te theome tangomana kaisei naikno te kahadi ra neu ne thafru vido te gnafare. Vido te gnafa aheva te tei mare tagna na, mare na goigonini fara.

Jajis 4:13

mana ne kaikaliti nheva gobi chariot mala magra baludi nogna mae soldiare, eghuteuna mana ne kuru teidi Haroset-Ha-Goeim mala tei ka khoꞌu biꞌo Kison.

Fapea Kings 7:6

Naugna Lord neke snakredi maedi Siria gre neke nomhini kaisei naogla te jateula naogla gna armi biꞌo balu hose nei chariot teu igne. Aonu mare ne cheke eghu fari thedi, “King gna Israel gne, mana jame neke folidi mae Hit nei king gna Ijep mala mei magri ghita tahati!”

Fapea Kronikols 14:8

King Asa au thilo gobi thogha soldia di Juda ka nogna armi na. Mare pala goru nei greoreo biꞌo mala tafra jata. Eghuteuna phei gobi nhana salei thogha soldia di Benjamin, mare hata phaloho nei greoreo ikodi. Armigna Juda nei armigna Benjamin, mare te gnafa na kafe mae nheta mala magra.