Fapea Kronikols 12:12 - Buka Blahi Ka Cheke Holo

¹² Naugna King Rehoboam te nhaꞌa faparini thegna na, Lord na theome diꞌatagna fara ka mana theome goigonini Juda. Eghume, ka narane igre naiknodi Juda gre ne leghuni puhi te keli na.

Fapea Kronikols 12:12 ပူးပေါင်းရင်းမြစ်များ

Fapea Kronikols 19:3

Neuba, iagho eni unha glepo te keli na. Iagho neke kato soru mumuju gna god gaꞌase Asera, eghuteuna iagho thofno toreni God mala togho nigho.”

Ululahu Kings 14:13

Naiknodi Israel igre ginauna tanhi, nei giugilui ni mana. Tuana ngala ka tharaknagna King Jeroboam te giugilu mare na, naugna Lord, nodi God maedi Israel, ne kelitagna ka mae sua igne.

Ululahu Pita 5:6

Eghume ghotilo nhaꞌa fapari ghami themi mala au ke pari khamegna God te nolaghi fara. Kate thoke mei thofno narane na, mana ginauna na nhaꞌa haghe ghami ghotilo.

Lamentations 3:42

“Ghehati tapla jafra ka nakhibo, eghuteuna ghehati theome keli ranghi nigho, nu iagho theome koko fadeleidi la ngau nakhibomi ghehati gre.

Lamentations 3:33

Mana theome glealeꞌa kate filoni te paradi naiknore ba te thokedi puhi biꞌo.

Lamentations 3:22

Nogna namha Lord na theo ka khusu gna. Puhi te kokhoni ghita nei keli ranghi ghita teu mana igne au fabrahu tifa tifa.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Profet Isaia 6:13

Neubane phei, ba thiloi naikno te au na, iara ginauna na jaola goigonidi. Neuba, nogu naikno blahi majaghani iara igre ne jateula gaju majaghani te seseke haghe ka pesigna teke kato soruhi ra neu.”

Jenesis 18:24

Jame glima fulu naikno te keli te au ka namono biꞌo igne, iagho ginauna na falelehe naikno te keli tuare baludi keha naikno te diꞌa gre? Nabagna na iagho jame thosei roꞌeni namono igne mala theome lehe glima fulu naikno te keli igre.

Fapea Kronikols 12:11

Eghuteuna leuleghu fata na king tei ka nogna Sugablahi Lord na, mae sekiuriti igre mare pala greoreo igre mala reireghini mana, eghuteuna ke leghu mare ke lisei fapulo ka nodi chogho na.