Fapea Kronikols 10:4 - Buka Blahi Ka Cheke Holo

⁴ “Kmamu iagho King Solomon ia neke nhaꞌa mei glepo tahu ke klignami ghehati neke para ghami fara ghehati. Jame te keli na iagho roi fafeofeo soru katha ikoi glepo te tahu igne ka ghehati, mala theome kmusa fara ghehati, jame te eghu iagho na, ghehati ginauna au ke parigna nou nolaghi iagho mala loku ranghi nigho iagho.”

Fapea Kronikols 10:4 ပူးပေါင်းရင်းမြစ်များ

Ululahu Kings 12:4

“Filo sagho. Kmamu iagho King Solomon ia neke huhuru ghami ghehati mala loku heta fara. Jame te roi fablagna ari iagho katha vido ikoi ka gobigna lepo te tahu ghami ghehati igre na, ghehati ginauna au ke parigna nou nolaghi iagho.”

Ululahu Jone 5:3

Namhani God, gaoghathogna na leghudi nogna vetula, eghuteuna nogna vetulare theome ninhigrana ranghi ghita.

Matiu 23:4

Hatimare lilisei kmana vetula te ninhigrana ke klignami ghotilo. Nu mare thedi na ginauna theome tangomana te fariuriu leghuni kaisei vetula ka igre.

Profet Isaia 47:6

Tifa na iara diꞌatagu fara ka nogu naiknore naugna mare ne theome leghuni puhigu iara na. Iara neke nhaꞌa sorudi ke parigna nou nolaghi iagho, nu iagho neke goigonidi kolho, eghuteuna iagho neke theome kokhonidi kolho naiknore. Neubane mae khuekuꞌe mare, iagho paradi fara.

Ululahu Kings 9:22

Nu mae Solomon neke theome nhaꞌa lao gloku jateula sneka eghu ka naiknodi Israel, mare loku jateula nogna soldia, ofisa, komanda gna armi, mae biꞌo ka gavman, nei mae kapten ka chariot nei mae kapten te saghe ka hose.

Ululahu Kings 5:15

Eghuteuna mae Solomon jaola hata nhanasalei thogha mae mala kato thina ka thogele ro. Eghuteuna fitusalei thogha mae mala pala.

Ululahu Kings 4:25

Ka narane te King Solomon igre, naiknodi Juda nei Jerusalem teu igre ne au ka pharikeli, funu ka namono Dan ke raru tei posa mhata namono Bereseba. Mare te gnafa na au fakeli ka ghedi nagare thedire, aheva mare te joꞌu grep nei fig.

Ululahu Kings 4:20

Ka narane te funei King Solomon igre naiknodi Israel nei naiknodi Juda teu igre vuragha kmana fara jateula nusu ka geri thongna ra eghu theome tangomana te kahadire. Leuleghu narane na mare ghamu nei koꞌu eghu balu glealeꞌa.

Eksodas 2:23

Kmana finogha salaꞌu ke leghudi igre, king gna Ijep na ne lehe. Nu vikegna Israel igne ne diꞌanagnafadi fara fabrahu ka gloku biꞌo te edi mare re. Leuleghu fata na mare tanhi ka God, naugna mare magnahagheni fara God te toghodi. Eghuteuna nodi tharai mare na tei thoke ka God.

Ululahu Kings 5:13

King Solomon ne hata tolufulu thogha maedi Israel, eghuteuna huhurudi mare mala eni gloku igne.

Fapea Kronikols 10:3

Aonu vike te au ke mata igne ne kilo meini mae Jeroboam mala tei mare mala filoni King Rehoboam. Eghuteuna mae Jeroboam baludi mae Israel te gnafa igre ne cheke eghu ka King Rehoboam,

Fapea Kronikols 10:5

Mae Rehoboam ne cheke eghu ka mare, “Ghotilo ke pulo mei ka fatilo narane gno.” Aonu naiknore neke figri neke pulo.