Fapea Kronikols 10:2 - Buka Blahi Ka Cheke Holo

² Kate nomhini mae Jeroboam eigna King Rehoboam igne, mana neke pulo mei funugna Ijep. Tifa na mana rikha neke tei naugna mana neke mhaghuni King Solomon.

Fapea Kronikols 10:2 ပူးပေါင်းရင်းမြစ်များ

Ululahu Kings 11:40

Ke leghugna igne, King Solomon ne magnahaghei te faleheni mae Jeroboam, nu mana rikha ne tei ka King Sisak Ijep, mana au neu jare ne ghilei lehe King Solomon.

Ululahu Kings 12:2

Kate nomhini mae Jeroboam thugna mae Nebat thoutonu eigna King Rehoboam igne, mana ne theome jifla Ijep. Naugna mana rikhani King Solomon neke tei au jare.

Ululahu Kings 11:28

Ka narane igre, mae Jeroboam gne kaisei famane mae majaghani, nei kaisei mae lase loku eghu. Eghuteuna kate filoni King Solomon igne, mana ne vahini mae Jeroboam mala nodi mae funei hatimare mae gloku ka vikedi mae Manase ghe mae Efrem.

Ululahu Kings 11:26

Eghuteuna kaisei nogna ofisa King Solomon, mana jaola ne naoka ranghini mae Solomon. Mae igne nanghagna na mae Jeroboam, thugna mae Nebat maegna Sereda, vikegna mae Efrem, eghuteuna idogna na Serua, kaisei thau glehe kokoi.

Fapea Kronikols 10:3

Aonu vike te au ke mata igne ne kilo meini mae Jeroboam mala tei mare mala filoni King Rehoboam. Eghuteuna mae Jeroboam baludi mae Israel te gnafa igre ne cheke eghu ka King Rehoboam,

Fapea Kronikols 9:29

Keha glepo teke edi King Solomon funu ka narane te funei fruni mana te mei posa ka narane leghu lahu na, mare rioriso sukha ka thilo buka te kilodi, nogna Grioriso Profet Natan, nei nogna Cheke Profet Ahaeja maegna Saelo, nei nogna Mifi Profet Ido eigna King Jeroboam thugna mae Nebat.