Fapea Kronikols 10:15 - Buka Blahi Ka Cheke Holo

¹⁵ Aonu mae Rehoboam ne tirogna fanomho ka nodi cheke mare re. Mana neke eni igne naugna Lord magnahaghei te thoke mei tutuani nogna cheke na. Cheke igne Profet Ahaeja maegna Saelo neke cheke ka Jeroboam tifa na.

Fapea Kronikols 10:15 ပူးပေါင်းရင်းမြစ်များ

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Profet Isaia 19:14

Lord magnahaghedi mare te cheke ka naiknore, nu nodi cheke mae igre theome doglo kolho. Naugna phaꞌudi mae igre theome doglo, eghuteuna mae igre jateula mae te koꞌu te salaꞌu te thuru ke klignadi gluꞌadi thedi ra eghu kolho.

Mae Khuru 4:28

Iagho la kulu ghathonihi unha te mala eni na, naugna iagho au nolaghi biꞌo. Eghuteuna naikno igre ne fathokeni ngala nou gaoghatho iagho na, ne horoghoto fara ka unha teke magnahagheni iagho na.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Ululahu Kings 22:20

Eghuteuna Lord ne ghusna eghu ka mare, ‘Ihei nate tei chaghini King Ehab te mala tei te magra Ramot-Gilead te mala lehe jare na?’ “Eghuteuna engel igre ne chekedi keha soasopai gaoghatho.

Ululahu Kings 12:24

Igne unha te chekeni Lord na: ‘Ghotilo thosei tei magridi thabusimi ghotilo Israel ra. Ghotilo ke kafe pulo ka namono, naugna iara neke eni puhi igne.’ ” Aonu mare leghuni cheke igne neke figri ka namono, jateula te chekeni Lord ka mae Semaea igne neu.

Ululahu Kings 12:15

Aonu King Rehoboam ne theome fanomho ka nodi cheke naiknore. Naugna Lord magnahaghei te mei tutuani nogna cheke na, unha teke chekeni mae Profet Ahaeja maegna Saelo ka mae Jeroboam.

Jajis 14:4

Ka narane tuare, Filistia funei fruni ni Israel. Tutuani, unha te eni Samson igne naugna Lord magnahaghei te goigoni ni Filistia. Nu idogna nei kmagna teu mana igre theome laseni igne.

Jone 19:24

Mae soldiare ne cheke eghu fari thedi, “Tahati jame neke theome tufa phoko igne. Nu tahati jame neke lalahu khale mala laseni mae ihei nate atha na.” Cheke igre ne horoghoto kau gaoghathogna unha teke risoni kaisei mae profet tifa, “Mare ne tufa nogu pohe iara na farihoteidi thedi nei lalahu khale nogu phoko iara na.” Eghume, hatimare mae soldiare neke eni igne.

Fapea Kronikols 9:29

Keha glepo teke edi King Solomon funu ka narane te funei fruni mana te mei posa ka narane leghu lahu na, mare rioriso sukha ka thilo buka te kilodi, nogna Grioriso Profet Natan, nei nogna Cheke Profet Ahaeja maegna Saelo, nei nogna Mifi Profet Ido eigna King Jeroboam thugna mae Nebat.

Diutronomi 2:30

Nu King Sihon ne theome snakre ghita tahati te tei salaꞌu ka nogna namono na, naugna Lord neke eni gaoghathogna king mala patugama. Lord neke eni igne mala tangomana tahati te uluni King Sihon.

Fapea Kronikols 10:14

ne leghudi nodi cheke mae advaesa majaghani igre. Mana ne cheke eghu, “Kmagu iara na neke para ghami ghotilo ka gloku biꞌo, nu iara ginauna nake para ghami fara ghotilo ka gloku ke biꞌo laoi. Mana neke puri ghami ghotilo ka khodo, nu iara ginauna nake puri ghami ghotilo ka aean.”

Fapea Kronikols 11:4

Lord ne cheke eghu: Ghotilo thosei tei magridi thabusimi ghotilo are. Ghotilo ke kafe pulo ka namono, naugna iara ngala teke eni glepo igne!” Aonu mare ne leghuni nogna cheke Lord igne ne theome tei magra ka Jeroboam.

Fapea Kronikols 22:7

Ka narane te tei King Ahasaea te sighoni King Joram igne, Lord ne vahini narane igne mala goigoni ni mae Ahasaea. Aonu Lord ne vahini Jehu thugna mae Nimsi mala aknu falehe vikegna King Ehab. Kate au teu King Ahasaea balugna King Joram igne, phei king igre tei ne thafoni Jehu.

Fapea Samuel 17:14

Aonu mae Absalom baludi mae soldia di Israel gre ne nomhini igne ne cheke eghu, “Nogna cheke mae Husae igne thofno keli fara salaꞌuni nogna cheke mae Ahitofel tuana.” Mare ghaoghatho eghu naugna Lord la au nogna gaoghathohi te mala goigoni ni nogna gaoghatho keli mae Ahitofel igne mala thoke mei puhi biꞌo ka mae Absalom.