Fapea Korin 9:5 - Buka Blahi Ka Cheke Holo

⁵ Eghume te ghathoni iara na, iara na toredi thilo mae thabusigna igre mala kulu ari ka ghotilo ame ari nga ghehati eghu, mala tarabana unha teke nhaꞌa chekehi ghotilo ra. Ghehati laseni te tufa ghotilo ra naugna ghotilo thofno magnahaghei te tufa ka namha, theome naugna te huhuruni ghehati ka ghotilo.

Fapea Korin 9:5 ပူးပေါင်းရင်းမြစ်များ

Ululahu Samuel 25:27

Iara atha mei keha glepo ka iagho funei maladi nou mae soldia iagho gre.

Jenesis 33:11

Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.

Filipae 4:17

Nu iara theome magnahaghei te fiti hata thotogho kolho ka ghotilo. Theo. Iara magnahaghei ghami ghotilo nga te mala hata u taba biꞌo te mei funu ka God na.

Fapea Korin 8:6

Mae Taetus neke fufunu gloku igne ke lamnami ghotilo mala salo keha sileni ka namha. Eghume ghehati toreni mana mala loku fahui gloku igne.

Ululahu Korin 16:2

Leuleghu narane Sade na ghotilo te gnafa na mala lilisei fadelei keha sileni nihai teke thokeni ghotilo ka nomi gloku na mala theome ke salo ghotilo ke leghugna te posa ari iara ka ghotilo na eghu.

Fapea Kings 5:15

Mae Naman baludi nogna mae gloku re neke figri ka mae nogna profet God. Mae Naman tei ne kegra ke ulugna mana ne cheke eghu, “Tutuani fara, gognarona iara laseni, nomi God ghotilo maemi Israel kolho te tutuani na. Eghume, iara magnahaghei nigho iagho te hata namha ikoi igne.”

Ululahu Samuel 30:26

Kate pulo mei mare Siklag, mae Devet ne atha keha glepo teke uludi ka magra na ne fei nodi kheragna te baubatu ka nohi Juda ne cheke eghu ka mare, “Igne nomi namha ghotilo na vido glepo teke atha ghehati ka nogna naoka Lord ra.”

Jajis 1:15

Aonu naꞌa ne cheke eghu, “Mama, kokhoni ghau iara. Vido glose ke mata namono nagou teke snakre mei iagho ka ghepa ia thono moja fara. Iara magnahaghei nigho iagho te snakre mei ka ghepa keha vido glose te au khoꞌu tagna.” Kmagna na ne snakre lao ka repa vido glose te au phei seu tagna na, keha na au ke holo eghuteuna keha na ke paka.

Fapea Korin 9:3

Nu iara kuru ari hatimare mae thabusigna ka ghotilo. Iara theome magnahagheni cheke fahaehaghe teke eni iara eimi ghotilo igne te fiti cheke kolho na. Nu iara magnahaghe ghami ghotilo te tarabana fakeli te mala totogho, jateula teke chekenihi iara ka ghotilo ia eghu.

Fapea Korin 9:6

Ghathoni igne, ihei te theome joꞌu fakmana na, mana ginauna theome hata kmana gano kolho. Ihei te joꞌu fakmana na, mana ginauna jaola hata kmana gano.