Fapea Korin 9:15 - Buka Blahi Ka Cheke Holo

¹⁵ Tahati mala cheke fakelini God eigna nogna namha ranghi ghita te theo ihei tangomana te ruthini!

Fapea Korin 9:15 ပူးပေါင်းရင်းမြစ်များ

Fapea Korin 2:14

Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Letas Teke Riso Tei Mae Pol Ka Khiloau Rom 8:32

God neke theome lhotini thofno Thugna na, nu mana neke snakreni mala lehe eida tahati hui. Ba, te eghu na, mana ginauna jaola khogla tusu mei kolho gobigna lepore ka tahati mala au balugna Kraes? Uve, mana tangomana te eni igne.

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Ululahu Korin 15:57

Nu tahati cheke fakelini God, eigna mana te tapla soruni u glehe na ranghi ghita naugna ka nogna gloku noda Lord Jisas Kraes!

Thakle 4:9

Glepo te karha igre ne koje ranghini mae ihei te gnokro teu ka nogna sape nafnakno mae King na, mae ihei te karha tifa tifa. Mare ne koje eghu, “Ghehati pala hagheni nanghamu na, fafnakno nigho, nei cheke fakeli nigho! Iagho au nolaghi ke klignadi gobigna lepo te gnafa ka nauthoglu igne!”

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Fapea Korin 9:11

God ginauna togho ghami mala dedei ghotilo ka glepo te kmana, naba ghotilo tangomana te tufa fabrahu kmana glepo na. Eghuteuna kmana naikno ginauna cheke fakelini ka God eigna sileni teke salo ghotilo te hata te tei ghehati ka mare igne.

Letas Teke Riso Tei Mae Pol Ka Khiloau Rom 5:15

Nu phiamare theome kaisei nanaba, naugna nakhibogna mae Adam na theome jateula khokofakasai teke tusu mei God ka tahati igne eghu. Neuba kmana naikno ne lehe ka nakhibogna mae Adam, tutuani fara kmana naikno na hatani u thofno karha te theo ka huigna na naugna nogna khokofakasai kaisei mae Jisas Kraes. Naugna nogna namha nei nogna khokofakasai teu God re glepo biꞌo fara uluni tulao nakhibogna mae Adam na.

Jone 1:16

Tutuani fara, mae igne thofno mae keli fara, naugna mana ne edi fabrahu glepo te kelire ranghi ghita tahati hui.

Nodi Khoje Hatimare Mae Jiu 30:12

Nogu Lord, iara gognaro na theome tangomana te fofotho foflogu na. Iara ginauna na koje mala kilo fafnakno nigho. Iara ginauna tegio nigho fabrahu tifa tifa.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Ululahu Kronikols 16:8

Tahati mala tegio Lord! Uve, tahati mala cheke fabiꞌoni nanghagna mana na! Eghuteuna tahati mala cheke ka naiknodi keha kantri are unha te edi God re.

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Nodi Khoje Hatimare Mae Jiu 92:1

Lord God, iagho thofno God te nolaghi fara, thofno keli fara te cheke fakeli nigho iara na. Uve, thofno keli fara te cheke fakeli nigho iara ka khoje na.

Nodi Khoje Hatimare Mae Jiu 30:4

Tahati nogna naikno Lord te ghatho tahuni mana ra, tahati koje kilofnaknoni mana. Mana mae blahi. Tahati ghathodi glepo teke edi mana ra, nei tegioni eghu mana.

Ululahu Kronikols 16:35

Tahati eha eghu, “Iagho nomi God ghehati, iagho God mala fakarha naikno. Fakarhi ghami nei hata fadelei ghami eghu ka khamedi naikno bongihehe gre. Hata fapulo ghami ka namonomi ra. Te eghu na, ghehati ginauna tangomana te tegio nigho, eghuteuna ghehati tangomana te cheke fakelini nanghamu te blahi.

Luku 2:38

Uve, kau narane te cheke teu ngala mae Simion tuana, naꞌa kegra neu jare ne funu cheke fakelini God. Naꞌa jaola toutonu eigna mae Jisas ka iheire te kafe ofoni teu God te mala mei fakarhidi naiknodi Israel.

Fapea Korin 9:14

Eghuteuna kate tarai na, mare ginauna ghatho ghami ghotilo balu namha biꞌo. Naugna mare ginauna filo glani u khokofakasai teke tusu ranghi ghami God igne.