Fapea Korin 8:2 - Buka Blahi Ka Cheke Holo

² Kmana puhi biꞌo fara te fariuriudihi mare na, eghuteuna mare kuma fara. Nu neuba ngau, mare neke gleale'a fara te toghodi keha naiknore.

Fapea Korin 8:2 ပူးပေါင်းရင်းမြစ်များ

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Proveb 11:25

Ihei te tufa kmana glepo te mala toghodi keha naiknore, mana ginauna dedei salaꞌui. Te toghodi iagho keha naiknore, mare ginauna na jaola togho nigho iagho.

Diutronomi 15:4

Ghotilo mala thofno leghuni Lord, nomi God, eghuteuna ghotilo leghudi cheke te gnafa te tusu ari iara ka ghotilo gognaro igre. Jame te leghudi ghotilo unha te chekedi iara ka ghotilo igre na, Lord ginauna tangomana te fablahi ghami ghotilo ka glose teke tusu ari mala khotogna ghotilo teku igne. Eghuteuna ginauna theo kaisei ka ghotilo nate kuma na. Eghuteuna jame te leghudi ghotilo cheke igre na, Lord ginauna fablahi ghami ghotilo jateula teke nhaꞌa chekeni hi mana ia eghu. Eghume naiknodi keha kantri are ginauna tore kaoni ka ghotilo, nu ghotilo thosei tei kaoni ka ihei nga. Keha kantri are ginauna au ke parigna nomi nolaghi ghotilo na, nu theo kaisei ka keha kantri are nate au nodi nolaghi ke klignami ghotilo ginauna.

Thakle 2:9

Iara lase ghami ghotilo te au ka puhi biꞌo nei ghotilo kuma fara. Nu ghotilo jaola dedei fara, naugna God ne togho ghami ghotilo mala leghuni thegna! Eghuteuna iara jaola laseni nodi cheke naikno te cheke fadiꞌa ghami ghotilo re. Mare te chekeni na mare mae Jiu mala leghuni God fabrahu eghu, nu mare theome thofno mae Jiu tutuani eghu. Mare au ka tothoghei te kilo fnaknoni Satan.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Fapea Korin 9:13

Nomi gloku te keli ghotilo igre ginauna thakle ka naikno te kmanare, eghuteuna mare ginauna cheke fakelini God eigna nomi gloku na. Naugna ghotilo ne thofno leghuni nogna Nonomho te Keli Kraes te cheke eigna ghotilo na. Jaola mare ginauna cheke fakelini God naugna ghotilo neke toghodi mare nei toghodi fara keha naiknore.

Ululahu Tesalonika 1:6

Eghuteuna ghotilo mala filo leghu ka ghehati nei ka noda Lord. Eigna neubane au papara fara, ghotilo hatini Nonomho te Keli na balu gleale'a te mei ka mae Tharunga te Blahi.

Letas Teke Riso Tei Mae Pol Ka Khiloau Rom 12:8

Jame te hata tahati u khokofakasai te mala fakeli nagnafadi naiknore, tahati mala eni tuana. Eghuteuna jame te hata tahati u khokofakasai te mala toghodi naiknore ka thua nafnata glepo na, tahati mala eni tuana ka puhi te keli. Jame te hata tahati u khokofakasai te mala batudi naiknore, tahati mala loku brana ranghidi. Eghuteuna jame te hata tahati u khokofakasai te mala kokhonidi nei keli ranghidi teu naiknore, tahati mala eni tuana balu gleale'a.

Ululahu Tesalonika 2:14

Uve kheraguro, ghotilo filo leghudi naikno khiloau te au ka namono Judia. Ghotilo neke au papara ka kherami themi, jateula naikno khiloau teke au papara ka hatimare mae Jiu.

Fapea Korin 9:11

God ginauna togho ghami mala dedei ghotilo ka glepo te kmana, naba ghotilo tangomana te tufa fabrahu kmana glepo na. Eghuteuna kmana naikno ginauna cheke fakelini ka God eigna sileni teke salo ghotilo te hata te tei ghehati ka mare igne.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Matiu 20:15

Iara tangomana te eni unha iara te magnahaghei ka nogu sileni thegu re. Ba iagho goghotu naugna te keli iara ranghidi naikno tuare sia?’ ”

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Fapea Korin 2:9

Iara neke riso ari kaisei letas ka ghotilo tifei naugna iara neke magnahaghei fariuriu ghami ghotilo mala laseni te leghudi koba ghotilo unha te chekedi iara ka ghotilo ra.