Fapea Korin 8:12 - Buka Blahi Ka Cheke Holo

¹² Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.

Fapea Korin 8:12 ပူးပေါင်းရင်းမြစ်များ

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Eksodas 35:29

Nalhaꞌu te gnafa nei gaꞌase te gnafadi Israel, iheire te magnahaghei toghoni gloku teke chekeni Lord ka Moses, mare atha ne mei glepo igre ne tusu lao kolho ka Lord.

Ululahu Pita 4:10

God neke tusu ari ka ghotilo soasopai khokofakasai te mala edi nogna glokure. Eghume ghotilo loku fakeli ka khokofakasai igre mala fari totoghoi ka kmana nafnata puhi.

Eksodas 35:5

Tahati gnafa mala fafara ka Lord. Ihei te magnahaghei fafara ka Lord, mana tangomana te tusu lao: “gol, silva, bras,

Eksodas 25:2

“Chekedi naiknodi Israel ra mala atha mei nodi fafara re ka iara. Eghuteuna iagho atha mei unha te magnahaghei totogho mare ka nafnata gaoghatho te keli.

Luku 16:10

“Mae ihei te loku fakeli ka glepo te ikoi na, mana jaola na loku fakeli ka glepo te biꞌo na. Eghuteuna mae ihei te theome loku fakeli ka glepo te ikoi na, mana eghu la na theome loku fakeli ka glepo te biꞌo na.

Proveb 19:22

Naiknore magnahaghedi keha naiknore te mala thofno leghuni unha teke nhaꞌa cheke ni na. Tutuani, jame te mae keli mae te kuma na, mana ginauna uluni mae te chaichaghi na.

Fapea Kronikols 6:8

Eghuteuna Lord neke cheke eghu ka mana, ‘Thofno keli fara te magnahaghei horo iagho kaisei Sugablahi te mala tufru soru ghau iara na,

Fapea Korin 8:11

Aonu unha te eni ghotilo na horoghoto ka unha teke magnahaghei eni fara ghotilo na kate fufunu gloku tifa na. Ghotilo mala tufa ka iheire te kuma lelheghu ka nihai te au ka ghotilo na.

Fapea Korin 8:13

Iara theome magnahaghei toghodi keha naiknore eghuteuna jaola fakokhoana ghami ghotilo, nu iara magnahaghei te kaisei nanaba te gnafa ngala naiknore.

Fapea Korin 8:19

Jaola, khiloau gre neke vavahi mae igne mala tei balumi ghehati kate tusu laogna ghehati sileni teke salo igne. Ghehati eni gloku igne mala kilo fafnaknoni Lord nei mala falalaseni ghehati te magnahagheni fara te toghodi keha kherada te au kuma ka khiloau gne.

Eksodas 35:24

Eghuteuna iheire fateo te au silva nei bras mare jaola atha mei mala fafara ka Lord malagna gloku igne. Eghuteuna iheire te au thaba gaju akesia naba te mala eni ka gloku igne, mare jaola atha mei.

Matiu 25:17

Ke jaola ngau mae teke hata phia duku na. Mana tei ne loku neke tangomana teke horo haghe keha phei duku sileni.

Matiu 25:22

“Mae teke hata phei duku silenire ne mei ka mae funei na. Mana ne cheke eghu, ‘Mae funei, filo sagho! Iagho neke tusu mei phei duku sileni mala reireghi iara. Aonu iara neke loku ka nou phei duku sileni iagho ra neke horo haghe keha phei.’