Fapea Korin 8:10 - Buka Blahi Ka Cheke Holo

¹⁰ Igne unha te ghathoni iara jame te mala eni ghotilo na. Te keli na ghotilo jame edi fahui unha teke kulu ghathoni ghotilo ka finogha te aria. Naugna ghotilo naikno ulu lahu te sasaꞌa tufa sileni te mala toghodi iheire te kuma nei ghotilo jaola naikno ulu lahu teke tufa na.

Fapea Korin 8:10 ပူးပေါင်းရင်းမြစ်များ

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Fapea Korin 9:2

Iara laseni, eigna ghotilo magnahaghei te totogho. Eghuteuna iara cheke fahaehaghe eigna igne ka naikno te au Masidonia. Iara neke cheke eimi ghotilo te au ka Provins Akaia teke tarabanahi u sileni igne funu ka finogha te aria. Eghuteuna ka nomi sasaꞌa ghotilo na, kmana naikno agne Masidonia jaola magnahaghei salo keha sileni.

Ululahu Korin 7:40

Nu gaoghathogu iara na, naꞌa ginauna gleale'a fara jame te theome fapea tolaghi na. Eghuteuna kate cheke ranghi ghami eigna puhi igne, iara fatutuani ni Tharunga gna God na au balugu iara mala batuni gaoghathogu na.

Ululahu Korin 7:25

Gognaro na iara cheke eidi iheire te theome tolaghi ra. Iara theo kaisei nogu vetula funu ka Lord eigna igne, nu iara na cheke arini gaoghathogu thegu na. Tutuani, ghotilo tangomana te rouronu ghau iara na, naugna Lord neke lolokeli ranghi ghau iara nei toghoni gaoghathogu na.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Filipae 4:17

Nu iara theome magnahaghei te fiti hata thotogho kolho ka ghotilo. Theo. Iara magnahaghei ghami ghotilo nga te mala hata u taba biꞌo te mei funu ka God na.

Fapea Korin 8:8

Iara theome lisei soru kaisei vetula ranghi ghami. Nu kate toutonu ka ghotilo na iara eni igne mala laseni ghotilo eidi naikno khiloau te au Masidonia, mare magnahaghei fara te toghodi keha naiknore. Uve, iara neke eni igne naugna iara magnahaghei te filoni glahula te au thofno namha na ka ghotilo nanaba ka mare.

Ululahu Korin 16:2

Leuleghu narane Sade na ghotilo te gnafa na mala lilisei fadelei keha sileni nihai teke thokeni ghotilo ka nomi gloku na mala theome ke salo ghotilo ke leghugna te posa ari iara ka ghotilo na eghu.

Fapea Korin 12:1

Iara mala cheke fahaehaghe fabrahu, neubane theome tangomana te togho ghita na. Iara na chekedi mifi nei glepo teke poru eghu te fatakle Lord ranghi ghau iara re.

Jone 11:50

Te keli na mala kaisei mae te mala lehe tughudi naiknore, mala theome kafe lehe naikno te gnafare.”

Matiu 10:42

Tutuani fara, te chekeni iara ka ghotilo na. Ihei te tufa kaisei glepo ikoi te jateula kaisei kapu khoꞌu teu ka kaisei nogu mae fanomho iara te theome biꞌo ka tathadi naiknore igne, God ginauna tabani mana.”

Ululahu Korin 10:23

Tutuani fara keha naikno ka ghotilo cheke eghu, “Iara tangomana te eni unha te magnahagheni thegu na.” Nu gobigna lepo igre theome tangomana te mala togho ghita nei mala fakeli ghita teuna.

Ululahu Korin 6:12

Keha ka ghotilo cheke eghu, “Naugna iara leghuni Kraes, iara tangomana te eni unha te magnahagheni thegu na.” Igne tutuani, nu gobigna lepore theome mala togho nigho eghu. Eghume, neuba iara ne tangomana te edi gobigna lepore, iara theome snakreni kaisei puhi te mala funei fruni ghau na.

Jone 18:14

Mae Kaefas gne kaisei mae neke cheke eghu tifa ka mae Jiu, “Te keli na kaisei mae mala lehe tughudi naikno te gnafare.”

Jone 16:7

Nu tutuani fara te chekeni iara ka ghotilo na. Te mala kelimi ghotilo na iara ginauna tei koko ghami ghotilo, naugna jame te theome tei iara na, mae mala totogho, mae Tharunga te Blahi na theome mei ka ghotilo. Nu jame te tei iara na, iara ginauna kuru meini mana ka ghotilo.

Fapea Korin 8:6

Mae Taetus neke fufunu gloku igne ke lamnami ghotilo mala salo keha sileni ka namha. Eghume ghehati toreni mana mala loku fahui gloku igne.