Fapea Korin 7:9 - Buka Blahi Ka Cheke Holo

⁹ Nu iara gognaro na gleale'a. Theome eigna te fadiꞌa nagnafa ghami ghotilo, nu naugna nomi diꞌanagnafa ghotilo re mala ke tughu nagnafa. Ghotilo diꞌanagnafami ka puhi te magnahaghei God na, eghume nogu letas iara na theome goigoni ghami ghotilo.

Fapea Korin 7:9 ပူးပေါင်းရင်းမြစ်များ

Luku 15:7

Te chekeni iara na, jateula tuana eghu kligna na, naugna God nei hatimare mae engel kligna re ginauna na gleale'a ka mae ihei te hogri nagnafa na. Uve, nodi gleale'a mare balugna mana na ginauna uludi teke gleale'a fara mare baludi nhevasalei nheva naikno te keli te theome filo glanini gaoghathogna te mala hogri nagnafa na.”

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.

Eklesiasti 7:3

Jame te diꞌanagnafa tahati ka kaisei glepo na, thofno keli fara salaꞌuni te maꞌe fabrahu tahati na. Naugna thofno keli fara te haimini tahati te diꞌanagnafa ke lamna nagnafada na, naugna tangomana nate tusu ranghi ghita gaoghatho te keli.

Nodi Khoje Hatimare Mae Jiu 38:18

Iara cheke thakledi nakhibogu gre ka iagho, nei diꞌanagnafa eidi thua glepo te diꞌa teke edi iara ra.

Fapea Korin 2:16

Ka iheire te snivi fabrahu re, sisiri igne siri diꞌagna fara, eghuteuna hata mei glehe ka mare. Nu ka iheire teke fakarhidi God re u sisiri igne thofno keli fara eghuteuna hata mei karha ka mare. Eghume ihei te nabagna na gloku igne?! Iara theome nabagu!

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Matiu 3:8

Koko si ghotilo puhimi te diꞌare mala jateula sisi te keli eghu nakarhami re fagaglana gna nakarha majaghani na.

Fapea Korin 7:8

Neuba iara ne fadiꞌa nagnafa ghami ghotilo ka letas teke riso ari iara tifa ia, gognaro na iara theome diꞌanagnafani tuana. Tutuani, iara laseni te fadiꞌa nagnafa ghami iara na eghuteuna iara neke diꞌanagnafa eigna tuana tifa. Nu ghotilo diꞌanagnafa katha vido kmoꞌei kolho.