Fapea Korin 7:8 - Buka Blahi Ka Cheke Holo8 Neuba iara ne fadiꞌa nagnafa ghami ghotilo ka letas teke riso ari iara tifa ia, gognaro na iara theome diꞌanagnafani tuana. Tutuani, iara laseni te fadiꞌa nagnafa ghami iara na eghuteuna iara neke diꞌanagnafa eigna tuana tifa. Nu ghotilo diꞌanagnafa katha vido kmoꞌei kolho. အခန်းကိုကြည့်ပါ။ |
Fapea Korin 7:8
15 ပူးပေါင်းရင်းမြစ်များ
Kate ghathoni ghotilo unha te diꞌanagnafani ghotilo na, ghotilo lasenihi puhi tuana mei ka ghotilo leghuni unha te magnahagheni God na. Tutuani, puhi tuana togho ghami ghotilo mala fariuriu fara te eni glepo te keli na. Diꞌanagnafa tuana jaola tangomana te falalaseni te theome jafra ghotilo na, nei falalase diꞌatami na ka mae ihei te eꞌei puhi na. Puhi tuana neke togho ghami mala mhaghuni God, mala magnahaghei fara te filo ghau iara, mala au nomi gaoghatho faheta ka God, nei mala fateni ihei te tapla jafra. Ka gobigna lepo te edi ghotilo re, ghotilo neke falalasenihi te theome jafra ghotilo ka puhi igne na.
Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”
Theome eigna te mei mae Taetus agne na kolho te gleale'ani ghehati na, nu jaola eigna ghotilo te fakelini nagnafagna mana na. Uve, kate mei posa agne na, mana neke mei toutonu ka ghehati thilo glepo: eigna ghotilo magnahaghei ghau iara fara te ari filo ghami, nei ghotilo diꞌanagnafa fara te ei puhi ranghi ghau iara nei magnahaghei te kegra balugu gognaro. Eghume iara thofno gleale'a gognaro na.
ကြော်ငြာတွေ