Fapea Korin 7:5 - Buka Blahi Ka Cheke Holo

⁵ Kate tei posa ghehati Masidonia na, ghehati neke theome gnafa. Naugna thua nafnata puhi te edi ka vido tuana. Naiknore mei fapoaphola balumi ghehati eghuteuna ghehati themi na nanga nomi fara.

Fapea Korin 7:5 ပူးပေါင်းရင်းမြစ်များ

Fapea Korin 2:13

Nu iara neke thono nanga nogu fara, naugna iara neke theome ludeni mae kherada Taetus. Aonu iara kubaedi kolho naiknore doglo nga me mei Masidonia.

Diutronomi 32:25

Ka nabrou are naoka ginauna mei akni falehedi thumi nalhaꞌu majaghani nei gaꞌase majaghani teu ghotilo are. Eghuteuna ka suga re naiknore ginauna kafe mhaghu nodi fara. Mae majaghani, nei gaꞌase majaghani, goro sua nei naikno biꞌo teu are ginauna kafe lehe.

Mae Khuru 20:1

Kate gnafa puhi igne, mae Pol ne kilo fodudi naikno khiloau re ne cheke ranghidi mala kegra maku ka nafnata puhi te edi igre. Ke leghugna te cheke ranghidi naiknore, mae Pol kubae ne jifla ne tei Masidonia.

Ululahu Tesalonika 3:5

Naugna igne, iara kuru arini mae Timoti ka ghotilo mala tangomana iara te laseni nomi fatutuani ghotilo na. Iara kuru arini mana kate theome tangomana ofo te raugha. Te mhaghuni iara na mae Satan jame neke fariuriu ghami ghotilo, eghuteuna nakmusa fateo te edi tahati igre ginauna na theo nafudi kolho.

Galesia 4:11

Iara thofno nanga nogu ghami ghotilo, na eghunu fiti fagloku biꞌo ghau thegu kolho iara ka ghotilo eghu.

Fapea Korin 2:9

Iara neke riso ari kaisei letas ka ghotilo tifei naugna iara neke magnahaghei fariuriu ghami ghotilo mala laseni te leghudi koba ghotilo unha te chekedi iara ka ghotilo ra.

Fapea Korin 2:3

Ka gaoghatho tuana teke riso arini iara letas na ka ghotilo tifa ia. Neuba iara neke magnahaghei te ari filo ghami ghotilo na, iara theome magnahaghe ghami ghotilo naikno te tangomana te mala faglealeꞌa ghau iara ra te fadiꞌa nagnafa ghau iara na. Te thofno ghathoni iara na, ghotilo te gnafa na mala gleale'a balugu iara.

Ululahu Korin 16:5

Iara ginauna ari posa ka ghotilo ke leghugna te ari sala'u iara ka Provins Masidonia na.

Ululahu Korin 15:31

Tutuani fara kheraguro, iara au papara malagna Kraes leuleghu narane. Nu iara jaola gleale'a ka ghotilo kate ghathoni te kaisei tahati balugna Kraes na.

Profet Jeremaea 45:3

Naugna iagho neke cheke eghu, ‘Iara thofno diꞌa nagnafagu fara, naugna Lord ne ei puhi biꞌo ranghi ghau iara fabrahu! Iara gne la ghilei babaꞌo, naugna naꞌau papara te eni iara igne theome gnafa.’

Profet Jeremaea 20:10

Iara nomhidi naiknore buiburi eghu eigu iara, “Mae profet igne chekedi koba glepo te mhaghudi tahati te au falithui ghita igre. Tahati na kiloni mana ka nangha igne, Namhaghu na Aufalithui Heva Heva! Tahati na tei cheke ka mae biꞌo ra!” Mae kheragu iara gre jaola ofo ghau iara te mala eni iara unha glepo te jafra na ne cheke eghu fabrahu, “Tahati na saosagroni mana mala tangomana tahati te uluni mana na, eghuteuna ke tughu fapulo unha teke edi mana ka tahati ra eghu.”

Profet Jeremaea 8:18

Mae profet ne cheke eghu, “Iara diꞌanagnafagu fara la ghilei thofno glaꞌe soru gaoghathogu na.

Profet Jeremaea 6:25

Tahati theome tangomana te jifla kosi na, ba te tei ka nabrou na, naugna mae naoka igre la tarabanahi te mala falehe ghita na. Uve, kmana glepo fara te au falithui ghita te mhaghudi tahati re.”

Profet Isaia 33:12

Iara ginauna goigoni ghami ghotilo mala jateula glaje te ghamu khaꞌaghi te vuhai kheru ra eghu, ba gnarho fachuchuru te gnhubra te vuhai nakrofu ra eghu kolho.”

Thoutonu Eigna Mae Job 18:11

Puhi biꞌo te mhaghudi mana igre au faligohonihi mana. Uve, puhi biꞌo igre leghuni mana ka vido te gnafa aheva te tei mana tagna na.

Jenesis 8:9

Nu nanghaji na ne theome filoni kaisei vido aheva na te mala togha te gnafa na, naugna glose na ne thafru ngau ka khoꞌu na. Nanghaji na flalo neke pulo mei ka vaka na, eghuteuna mae Noa ne ngafa fajifla khamegna na ka wida neke hata fapulo nanghaji na.

Letas Teke Riso Tei Mae Pol Ka Khiloau Rom 15:26

Naikno khiloau ka namono Masidonia nei Akaia keli tadi ka iara te tusu lao iara keha sileni mala toghodi naikno khiloau te kuma ka namono Jerusalem.