Fapea Korin 7:15 - Buka Blahi Ka Cheke Holo

¹⁵ Nogna namha mae Taetus gognaro na biꞌo fara ranghi ghami naugna mana ghatho fapuloni eigna ghotilo te tarabana mala leghuni mana na. Tutuani, ghotilo tajini nei ghatho tahuni eghu mana balu mhaghu.

Fapea Korin 7:15 ပူးပေါင်းရင်းမြစ်များ

Filipae 2:12

Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.

Fapea Korin 2:9

Iara neke riso ari kaisei letas ka ghotilo tifei naugna iara neke magnahaghei fariuriu ghami ghotilo mala laseni te leghudi koba ghotilo unha te chekedi iara ka ghotilo ra.

Ululahu Jone 3:17

Jame kaisei naikno khiloau dedei eghuteuna filoni mae kheragna fofodu ka khiloau te kmoꞌei ka glepo na, eghuteuna theome kokhonini mae kheragna na teuna, nogna namha God na theo kolho ka nagnafagna naikno khiloau te dedei tuana.

Fapea Tesalonika 3:14

Jame ihei ka ghotilo te tirogna leghudi cheke te riso ari ghehati ka ghotilo igre, ghotilo filo glani mae tuana. Thosei fofodu ka mana mala mamaja mana ka puhigna thegna re.

Kolose 3:12

God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Filipae 1:8

God na lase ghau iara te thono magnahaghei filo ghami ghotilo na. Naugna iara namha ghami ghotilo ka nogna namha mae Jisas Kraes.

Fapea Korin 6:12

Jame te mei kegra fanogra kaisei glepo ka noda namha na, glepo igne mei funu ka ghotilo. Naugna iara thofno laseni eigna ghehati theome gnafa te namha ghami ghotilo na!

Mae Khuru 16:29

Mae greireghi suga sosolo na ne ehadi keha naiknore mala hata mei juta. Aonu mana chari ne tei lamna suga sosolo ne tuturupuku soru balu fififri ke uludi mae Pol ghe mae Silas naugna mana ne thono mhaghu nogna fara.

Profet Hosia 13:1

Tifa na kaisei vikegna mae Ifreim kolho teke mala cheke na. Eghuteuna keha nabotho kaisei vikere neke mhaghu neke ghatho tahudi mae igre, naugna mare mae nheta fara. Nu mae igre gognarona tapla jafra ka nakhibo naugna mare pogho soru ka mumuju Baal. Naugna igne, mare jateula mae tela lehehi ra eghu.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Famane Khoje 5:4

Kheragu iara na raꞌu lao khamegna na ka khoragna grengatha igne, mala keli gaoghathogu fara iara.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Nodi Khoje Hatimare Mae Jiu 2:11

Ghotilo mala pogho soru ranghini Lord, nei fafnaknoni eghu mana.

Thoutonu Eigna Mae Job 21:6

Iara jaola mhaghu nei rhana eghu ka glepo te thoke ghau iara igre.

Esra 10:9

Ka thilo narane igre, mae iheire teke au ka phei nohidi Juda ghe Benjamin igre ne mei Jerusalem. Ka fatilo narane, ka varadaki naranegna faheva nhigra, mae te gnafa igre ne khapru mei ne gnokro soru pari ka glalaba ke ulugna nogna Sugablahi God. Nakhete biꞌo ne soru mei ka mare, mala buebugne mare, eghuteuna mare jaola ne fififri eigna gaoghathogna teke kilodi mare teke mei ka faidu igne.

Esra 9:4

Iara gnokro neu balu diꞌanagnafa ne ghilei thokeni vido mala fafara fei grafi na. Eghuteuna naikno te ghatho tahudi nogna cheke nomi God ghehati igne ne mhaghu nodi fara ka unha nate thoke mei naugna nakhibo te edi iheire teke pulo mei funudi Babilonia te theome leghudi nogna cheke God igre.

Efesus 6:5

Ghotilo naikno sneka ra, leghudi nomi funei ka nauthoglu gne balu mhaghu nei ghatho tahu eghu. Eghuteuna gaoghathomi ghotilo re mala au doglo, eigna ghotilo leghudi mare jateula ghotilo te leghuni Kraes.

Ululahu Kings 3:26

Nu gaꞌase te thofno idogna sua igne ne kokhoni ni fara thugna na ne cheke eghu, “King, thosei faleheni. Iagho tusu lao ka naꞌa sua na!” Nu keha gaꞌase na ne cheke eghu, “Theo kaisei ka ghepa nate hata sua igne. Lisa lao ka mare mala alha pea sua tuana!”

Jenesis 43:30

Mae Josep ne diꞌanagnafa fara ka mae tahigna na ne namo tanhi fabiꞌo, aonu mana ghosei ne jifla kokodi mare ne tei ka nogna chogho na ne tanhi poru neu jare.

Jone 16:21

Ghathoni igne. Kate namo karha sua na, gaꞌase na ginauna diꞌanagnafa naugna la thokenihi u narane te mala kabru naꞌa na. Nu kate karha thugna na, naꞌa ginauna nake ghatho ihoni narane teke khabru na, naugna naꞌa ne gleꞌani thugna te karha majaghani.

Ululahu Korin 2:3

Kani teke ari posa iara ka ghotilo mala toutonu teku ia, iara neke nigra fara nei mhaghu neku eigna glahula theome magnahaghei ghau iara ghotilo.