Fapea Korin 7:11 - Buka Blahi Ka Cheke Holo

¹¹ Kate ghathoni ghotilo unha te diꞌanagnafani ghotilo na, ghotilo lasenihi puhi tuana mei ka ghotilo leghuni unha te magnahagheni God na. Tutuani, puhi tuana togho ghami ghotilo mala fariuriu fara te eni glepo te keli na. Diꞌanagnafa tuana jaola tangomana te falalaseni te theome jafra ghotilo na, nei falalase diꞌatami na ka mae ihei te eꞌei puhi na. Puhi tuana neke togho ghami mala mhaghuni God, mala magnahaghei fara te filo ghau iara, mala au nomi gaoghatho faheta ka God, nei mala fateni ihei te tapla jafra. Ka gobigna lepo te edi ghotilo re, ghotilo neke falalasenihi te theome jafra ghotilo ka puhi igne na.

Fapea Korin 7:11 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 14:18

Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.

Fapea Timoti 2:15

Hati nhetamu na mala kaisei mae gloku keli, eghuteuna God ginauna keli tagna ka nou gloku iagho na. Iagho famane farirhiu thofno chekegna God na ka puhi te doglo mala theome mamaja nou ke ulugna mana.

Fapea Korin 7:7

Theome eigna te mei mae Taetus agne na kolho te gleale'ani ghehati na, nu jaola eigna ghotilo te fakelini nagnafagna mana na. Uve, kate mei posa agne na, mana neke mei toutonu ka ghehati thilo glepo: eigna ghotilo magnahaghei ghau iara fara te ari filo ghami, nei ghotilo diꞌanagnafa fara te ei puhi ranghi ghau iara nei magnahaghei te kegra balugu gognaro. Eghume iara thofno gleale'a gognaro na.

Nodi Khoje Hatimare Mae Jiu 2:11

Ghotilo mala pogho soru ranghini Lord, nei fafnaknoni eghu mana.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Ululahu Pita 2:2

Nu ghotilo mala jateula sua gegeꞌe te karha majaghani te magnahaghei chuꞌu ia eghu kolho. Naugna ghotilo nabami na magnahaghei farirhiu te famane klino nei bligi eghu kolho. Eghuteuna ghotilo ginauna tangomana te kotu haghe ka farirhiu igne nei ginauna hata u thofno nakarha eghu.

Ululahu Pita 1:17

Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.

Hibru 4:1

Tutuani fara, God neke nhaꞌa soru nhaꞌa cheke igne mala tei gnafa tahati balugna mana. Eghume fiofilo ghitai eghu, na eghunu keha ka ghotilo theome ari thokeni namono mala gnafa na jateula mae Israel tifa ra eghu.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Filipae 2:12

Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Efesus 4:26

Ne diꞌa tamu nganu, thosei snakreni diꞌa tamu na mala eni kaisei najafra. Thosei diꞌatami fabrahu ghilei plulu naprai na.

Fapea Korin 13:7

Ghehati toreni God mala togho ghami ghotilo mala thosei eni kaisei najafra. Ghehati theome eni igne mala thakle ka ghotilo te mae gloku keli ghehati na. Theo. Ghehati magnahaghe ghami ghotilo te kegra heta ka puhi te keli, neuba naiknore ne chekeni ne theome kegra heta ghehati kau fariuriu teuna.

Fapea Korin 9:2

Iara laseni, eigna ghotilo magnahaghei te totogho. Eghuteuna iara cheke fahaehaghe eigna igne ka naikno te au Masidonia. Iara neke cheke eimi ghotilo te au ka Provins Akaia teke tarabanahi u sileni igne funu ka finogha te aria. Eghuteuna ka nomi sasaꞌa ghotilo na, kmana naikno agne Masidonia jaola magnahaghei salo keha sileni.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Fapea Korin 6:4

Nu ghehati falalase ghami themi te nogna mae gloku God na ka unha te edi ghehati re. Ghehati keli tami kolho te thafodi hoholo ba thua nafnata glepo te ninhigrana te mei ka ghehati.

Fapea Korin 2:6

Puhi te eni ghotilo naikno kmana ranghini mae tuana la nabagnahi.

Ululahu Korin 12:25

Eghume ka puhi igne, soasopai vido igre na theome fnota, nu mare te gnafa na tangomana te ghathodi kehare.

Ululahu Korin 5:2

Tore! Ghotilo theome tangomana te cheke fahaehaghe ghami themi na. Ghotilo jame diꞌanagnafa balu mamaja, eghuteuna mae ihei te eni nakhibo tuana nabagna na mala au kosi.

Letas Teke Riso Tei Mae Pol Ka Khiloau Rom 11:20

Tuana tutuani fara. Nu God neke kato koko grege tuare naugna mare ne theome fatutuani ni mae Jisas. Eghuteuna ghotilo mala kaisei vidogna thofno gaju oliv igne fabrahu, naugna ghotilo ne fatutuani. Ghotilo mala thosei fahaehaghe ghami eigna igne, nu fiofilo ghami eghu.

Mae Khuru 17:16

Kate ofodi mae Silas ghe mae Timoti teu Atens na, mae Pol ne diꞌanagnafa fara, naugna mana laseni namono igne fodu ka mumuju.

Jone 2:17

Kate chekeni mana igne, mae fanomhore neke ghatho fapuloni unha te cheke eghu ka grioriso te blahi na ia, “God, leghu fata na iara ghatho tahuni koba nou suga iagho gne.”

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Profet Daniel 6:14

King nomhini igne ne thofno diꞌanagnafa fara. Aonu mana ne fariu riu kaisei narane thongana mala filoni kaisei nabrou aheva te mala fakarhini mae Daniel.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Profet Isaia 26:8

Uve, ghehati thofno leghuni fara nou vetula iagho na. Glepo ulu te magnahagheni ghehati na, naiknore mala ghatho tahuni nanghamu iagho na.

Famane Khoje 8:6

Iagho those ghathodi keha gaꞌasei. Iagho lisei ghau iara thegu kolho lamna ka nagnafamu na. Jateula te theome tangomana kaisei naikno te fanogrini glehe na, theome kaisei naikno tangomana te fanogrini noda namha tapa igne. Puhi te fari magnahaghei fara tapa igne, theome tangomana te gnafa na, jateula naikno na theome tangomana te rikhani Beku na. Uve, noda namha tapa na jateula kaisei khaꞌaghi biꞌo te dudulu fabiꞌo fara ra eghu.

Proveb 28:14

Mae te ghatho tahuni Lord na, mana ginauna glealeꞌa fara. Nu ihei te patugama na ginauna thokeni puhi biꞌo.

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Nodi Khoje Hatimare Mae Jiu 130:6

Iara ofoniu nogu Lord, eigna iara magnahaghei fara te filoni mana te mala togho ghau ke tulao gnai mae ihei te dofra bongiro te magnahaghei te ghosei te phage naprai na ia eghu.

Nodi Khoje Hatimare Mae Jiu 119:139

Iara thono diꞌatagu fara kate filodi hatimare mae naoka te tirodi leghudi nou cheke iagho te tutuani fara re.

Nodi Khoje Hatimare Mae Jiu 69:9

God, leuleghu fata na iara thono ghatho tahuni fara nou Sugablahi iagho gne, eghuteuna leuleghu fata na gaoghatho igne loku fabrahu ke lamnagu iara jateula khaꞌaghi eghu. Thua cheke te diꞌa te edi mare ranghi nigho iagho igre, fadiꞌa ghau iara.

Nodi Khoje Hatimare Mae Jiu 42:1

God, iara magnahaghei fara te pogho soru nigho. Uve, iara thofno magnahagheni fara te eni igne, jateula kaisei nanigot te magnahaghei mei koꞌu ka khoꞌura eghu.

Nodi Khoje Hatimare Mae Jiu 38:9

Lord, iagho laseni te magnahaghei mafo iara na. Iagho nomhidi te tanhi iara kate kabru ghegu gre.

Nodi Khoje Hatimare Mae Jiu 35:13

Nu iara theome jateula mare eghu. Thono theo fara. Kate fogra mare na iara pipichi pohe thona nei theome ghamu eghu, fagaglanagna nogu diꞌanagnafa eidi mare na. Eghuteuna iara neke tore nigho iagho mala toghodi mare.

Nehemaea 13:25

Iara cheke faheta ka naikno igre ne kilo mei puhi biꞌo mala thokedi mare. Kehare iara puphuri, eghuteuna kehare iara korho koko khakladire mala mamaja nodi mare. Iara huhurudi mare mala nhaꞌa cheke ka nanghagna God, mala thosei snakredi mare thudi gaꞌasere mala tolaghi ka thudi nalhaꞌu mae bongihehe, eghuteuna mare mala thosei hata thudi gaꞌase naikno bongihehe igre mala tolaghi ka thudi nalhaꞌu mare re.

Fapea Korin 7:9

Nu iara gognaro na gleale'a. Theome eigna te fadiꞌa nagnafa ghami ghotilo, nu naugna nomi diꞌanagnafa ghotilo re mala ke tughu nagnafa. Ghotilo diꞌanagnafami ka puhi te magnahaghei God na, eghume nogu letas iara na theome goigoni ghami ghotilo.

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Letas Teke Riso Tei Mae Pol Ka Khiloau Rom 3:5

Keha naiknore cheke eghu, “Kate eni tahati puhi te diꞌa na, tahati falalase ranghidi naiknore puhigna God te doglo fara. Eghume tahati laseni God te theome doglo na naugna mana ne para ghita kate leghuni puhi te diꞌa na!” Keha naiknore ne cheke eghu agne kate leghuni kolho mare gaoghathogna naikno na.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Ululahu Timoti 5:20

Nu jame kaisei mae biꞌo ka khiloau tapla jafra ka nakhibo, iagho cheke faheta fara ka mana kate kafe au fodu teu naikno khiloaure mala mhaghu keha naiknore mala thosei ke enila najafra tuana.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.