Fapea Korin 7:10 - Buka Blahi Ka Cheke Holo

¹⁰ Mae ihei te diꞌanagnafa leghuni u puhi te magnahagheni God na, mana tangomana te tughu nagnafa na, eghuteuna God tangomana te fakarhini mana na. Eghume tahati theome tangomana te diꞌa tada ka nafnata puhi tuana. Nu mae ihei te diꞌanagnafa leghuni nogna puhi naikno kolho na, mana tangomana te leheni na.

Fapea Korin 7:10 ပူးပေါင်းရင်းမြစ်များ

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Fapea Samuel 12:13

Mae Devet nomhini igne ne cheke eghu, “Iara la thofno tapla jafra ke ulugna Lord.” Mae Natan ne cheke eghu ka mana, “Lord ginauna hata fadelei nakhibo teke eni iagho igne. Eghuteuna iagho na theome lehe eigna nakhibo igne.

Luku 18:13

“Nu mae mala salo takis gne kegra neu delei. Kate tarai na mana tirogna filo haghe kligna. Mana ne tutini babangogna na, naugna mana ne diꞌanagnafadi fara nakhibognare ne tarai eghu, ‘God kokhoni ghau iara, mae te diꞌa gne.’ ”

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Profet Jona 3:10

God filoni te tughu nakarha naiknore. Aonu mana kokhonidi naiknore ne theome paradi leghuni unha teke chekeni mana tifa na.

Hibru 12:17

Ghotilo laseni igne, ke leghugna mae Isak te fablahini mae Jekop na, mae Iso magnahagheni mae kmagna na te fablahini. Nu neuba ne tanhi fabiꞌo mana ka mae kmagna na mala fablahini neu, mae kmagna na ne tirognani mana. Eghuteuna mae Iso theome tangomana te filoni kaisei puhi te mala tughu najafra teke eni mana na.

Proveb 17:22

Nakarhagna mae te gleale'a na, thofno keli fara. Nakarhagna mae te diꞌanagnafa na, thono diꞌa fara.

Profet Jona 4:9

Lord ne cheke eghu ka mana, “Ba, doglou kolho te diꞌatamu iagho eigna gaju vaen igne na?” Mae Jona ne cheke eghu, “Uve, doglou kolho te diꞌatagu iara na, eghume iara magnahaghei lehe nogu kolho!”

Ululahu Samuel 30:6

Kate dofidi khetodire ka namono na, nogna soldia mae Devet igre ne diꞌa tadi fara ne rodi fada thina ni mana. Nu Lord, nogna God mae Devet igne ne farerheta gaoghathogna mana na.

Fapea Korin 12:21

Iara nanga nogu fara te mala ari posa ka ghotilo na, naugna theome keli glepo teke edi tifa ra jaola teke edi ghotilo ginauna. Jame te eghu na, God ginauna te famamaja ghau iara eigna unha teke eni ghotilo. Iara ginauna diꞌanagnafagu fara eidi naikno kmana te tapla jafra ka nakhibo teke edi la tifa ra. Tutuani iara ginauna jaola diꞌanagnafagu naugna mare ne tirodi tughu nagnafa ka puhi te gnognoro, eni puhi te diꞌa, nei keha glepo te famamaja ikno.

Matiu 26:75

Aonu mae Pita neke ghathoni unha teke cheke eghu mae Jisas ia, “Ame taitanhi nga khokorako na teuna, iagho ginauna thilo fata chekeni ne theome lase ghau iara teuna.” Aonu mae Pita jifla kosi ne tanhi ne srudu balu diꞌanagnafa.

Profet Jona 3:8

Tahati mala pipichi pohe thona, eghuteuna haru tafru ka pohe thona noda buluka ra. Eghuteuna tahati te gnafa na mala tarai heta ka God, eghuteuna tahati mala koko puhida te diꞌa gre.

Profet Esikiel 7:16

Eghuteuna iheire te karha nga teure, ginauna rikha tei holo ka thogele ro, eghuteuna mare ginauna tanhi jateula balhu te tanhi ka gloha ra eghu ka diꞌanagnafa edi nakhibodi re.

Profet Jeremaea 31:9

Ka narane te atha fajifladi iara re, naikno igre ginauna tanhi nei tarai eghu ka iara nake pulo mei. Iara ginauna na baubatudi mei ka vido te au khoꞌu te keli, eghuteuna iara ginauna atha meidi ka nabrou te doglo mala theome uka mare. Iara ginauna eni igne, naugna iara jateula kmadi eghu vikegna Israel, eghuteuna vikegna Israel igne jateula thugu nalhaꞌu teke kulu karha ra eghu iara.

Proveb 18:14

Jame mana fogra, eghuteuna nheta gaoghathogna na teuna, mana ginauna uluni fogra igne. Nu jame te theome doglo mana gaoghathogna na, faꞌunha eghu ke keli fapulo si mana gnea?

Proveb 15:15

Mae te sokmo ka glepo, ba gano na, mana ginauna au fadiꞌa nei au diꞌanagnafa eghu fabrahu. Nu mae te fodu ka gleale'a nakarhagna na, narane igre ginauna jateula narane gaghamu eghu fabrahu.

Proveb 15:13

Tathagna nei foflogna teu mae te gleale'a na, ginauna famane maꞌe muhi fara. Nu mae te diꞌanagnafa na, ginauna diꞌa fara.

Ululahu Kings 21:4

Aonu king Ehab neke pulo ka suga na, eghuteuna mana ne diꞌanagnafa gna fara ka nogna cheke mae Nebot igre. Eghuteuna mana tei ne thuru ka nogna sape na ne figri lao fei gringni na, ne tirogna ghamu.

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Fapea Samuel 13:4

Aonu mae Jonadab ne cheke eghu ka mana, “Thabusigna! Iagho thugna king. Naugna unha sagho te au diꞌanagnafa te theome gleale'a leuleghu narane gnea?” Mae Amnon ne cheke eghu ka mana, “Iara magnahagheni fara Tama greghagna mae Absalom igne.”

Jenesis 30:1

Kate laseni Resel te khara te theo thugna na, naꞌa ne diꞌatagna fara ka Lea ne cheke eghu, ka mae Jekop, “Fabukla ghau iara sagho. Te theo iagho na, iara ginauna na lehe nogu.”

Nodi Khoje Hatimare Mae Jiu 38:18

Iara cheke thakledi nakhibogu gre ka iagho, nei diꞌanagnafa eidi thua glepo te diꞌa teke edi iara ra.

Eklesiasti 7:3

Jame te diꞌanagnafa tahati ka kaisei glepo na, thofno keli fara salaꞌuni te maꞌe fabrahu tahati na. Naugna thofno keli fara te haimini tahati te diꞌanagnafa ke lamna nagnafada na, naugna tangomana nate tusu ranghi ghita gaoghatho te keli.

Fapea Korin 7:9

Nu iara gognaro na gleale'a. Theome eigna te fadiꞌa nagnafa ghami ghotilo, nu naugna nomi diꞌanagnafa ghotilo re mala ke tughu nagnafa. Ghotilo diꞌanagnafami ka puhi te magnahaghei God na, eghume nogu letas iara na theome goigoni ghami ghotilo.