Fapea Korin 6:4 - Buka Blahi Ka Cheke Holo

⁴ Nu ghehati falalase ghami themi te nogna mae gloku God na ka unha te edi ghehati re. Ghehati keli tami kolho te thafodi hoholo ba thua nafnata glepo te ninhigrana te mei ka ghehati.

Fapea Korin 6:4 ပူးပေါင်းရင်းမြစ်များ

Fapea Korin 12:10

Eghume iara gleale'a fara kate papara naugna iara nogna mae Kraes. Tutuani, kate nigra na, kate cheke fadiꞌa ghau na, ba ka vido te ninhigrana ba ka vido te au papara, ba ka thua nafnata hoholo fateo, iara gleale'a fara naugna ka vido igre Kraes tangomana te tusu mei ka iara nogna u nolaghi biꞌo na.

Fapea Korin 4:8

Kmana fata mare ei puhi biꞌo ka ghehati, nu mare theome tangomana te tapla fapari ghami ghehati na. Kmana fata ghehati nanga nomi fara, nu gaoghathomire theome babaꞌo.

Fapea Korin 11:27

Iara theome thuru ka gloku biꞌo nei nakmusa. Eghuteuna kmana fata iara rofo nei roi koꞌu. Kmana fata iara dangna nei reka nei theo pohe.

Fapea Korin 12:12

Kate loku ka ghotilo na, iara theome babaꞌo te edi keha fagaglana nei kofubobhoi te mala filoni ghotilo nogna nolaghi God na. Igre glepo teke edi iara re mala laseni ghotilo te thofno mae khuru iara na.

Fapea Korin 3:6

Tutuani, God neke eni kaisei nhaꞌa cheke majaghani baludi nogna naiknore. Mana ngala te fatangomana ghami ghehati te mala loku ranghini mana mala toutonu ka naiknore eigna nhaꞌa cheke majaghani na. Igne u nabrou teke eni mana mala fakarhidi mare. U nhaꞌa cheke majaghani igne theome glepo neke rioriso soru ka nogna vetula mae Moses nu nogna Tharunga te Blahi. Naugna vetula tuana mala faleheni naikno na, nu Tharunga te Blahi na mala tusu meini u karha na.

Ululahu Korin 3:5

Ba, mae ihei mae Apolosi na? Mana kaisei mae biꞌo? Theo! Ba, mae ihei mae Pol na? Iara na kaisei mae kolho. Ghepa mae Apolosi phei nogna mae gloku God kolho mala togho ghami ghotilo mala fatutuani ni God. Ghepa te gnafa na eni kolho gloku teke tusu ranghi ghami God na.

Profet Joel 2:17

Ghotilo mae pris te loku ranghini Lord ka sugagna mana ra, ghotilo mala diꞌanagnafa nei tanhi eghu fari hotei grengatha nei olta. Ghotilo tarai eghu ka Mana, “Lord God, kokhoni ghami, thosei snakredi naiknodi keha kantri igre mala cheke fapari ghami nei cheke fadiꞌa ghami eghu. Eigna thofno diꞌa fara te cheke eghu mare na, ‘Aheva gne nomi God ghotilo na?’ ”

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Ululahu Korin 4:1

Ghotilo mala ghatho ghami ghehati jateula nogna mae gloku Kraes eghu, eigna God vahi ghami ghehati mala toutonuni nogna cheke God teke poru tifa igne.

Hibru 12:1

Eghume kmana naikno te fatutuani ni God re au faligoho ghita. Naugna igne tahati mala lisei fadelei nakhibo te tangomana te fanogra ghita mala chari heta fabrahu ka fangenghele te au ke uluda na.

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Fapea Timoti 2:24

Te laseni tahati na, nogna mae gloku Lord na theome mala magra, nu mana mala keli ranghidi naikno te gnafare. Mana kaisei mae mala farirhiu, eghuteuna theome mala ghosei diꞌatagna.

Fapea Timoti 1:8

Eghume iagho thosei mamaja te toutonu ka naiknore eigna noda Lord Jisas Kraes. Eghuteuna iagho jaola thosei mamaja ghau iara te au ka suga sosolo malagna Lord, eigna iara ne loku ranghini mana. Iagho thosei mhaghudi iheire nate para nigho eigna iagho te toutonuni u Nonomho te Keli. God ginauna tusu ranghi nigho nolaghi te mala eni iagho gloku tuana.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Ululahu Timoti 4:6

Uve, iara magnahaghe nigho te chekedi glepo igre ka kherada naikno khiloau are. Te eni iagho igne, iagho ginauna kaisei nogna mae gloku keli mae Jisas Kraes. Eghuteuna iagho ginauna biꞌo haghe ka nogna farirhiu keli khiloau te leghudi te mei iagho ra.

Ululahu Timoti 2:15

Nu God ginauna fakarhidi gaꞌasere kate fakarha sua na. Tutuani, God ginauna fakarhidi reꞌe eghu te fatutuani fabrahu, namha, klino, nei au fakeli fabrahu teu reꞌe ka nakarhadire.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Ululahu Tesalonika 3:7

Eghume kheraguro, nonomho te keli teke nomhini ghehati eigna nomi fatutuani na fameomego ghami farihoteidi puhi biꞌo nei naꞌau papara gre. Naugna gognaro na ghehati laseni ghotilo thofno kegra maku ka nomi fatutuani na.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Fapea Korin 11:23

Mare chekeni koba ne nogna mae gloku Kraes teuna, nu iara jaola nogna mae gloku keli Kraes uludi mare eghu. Iara cheke fara jateu kaisei mae te fameomekro eghu tutuani! Iara loku heta ke tulaodi marei. Iara au ka suga sosolo kmana fata ke tulaodi marei. Naiknore puri ghau ke tulaodi marei. Iara namo lehe kmana fata ke tulaodi marei.

Fapea Korin 11:9

Eghuteuna kani teke au iara balumi ghotilo ia iara neke ari neke kmo'e ka glepo, eghuteuna iara neke theome chekeni kaisei naikno ka ghotilo. Hatimare mae thabusigna teke mei funu ka namono Masidonia, mare hata neke mei gobigna lepo teke kmo'edi iara re. Eghume iara neke theome fagloku biꞌo ghami ghotilo ka kaisei glepo tifa na, eghuteuna iara ginauna jaola theome fagloku biꞌo ghami ke leghu na.

Fapea Korin 7:11

Kate ghathoni ghotilo unha te diꞌanagnafani ghotilo na, ghotilo lasenihi puhi tuana mei ka ghotilo leghuni unha te magnahagheni God na. Tutuani, puhi tuana togho ghami ghotilo mala fariuriu fara te eni glepo te keli na. Diꞌanagnafa tuana jaola tangomana te falalaseni te theome jafra ghotilo na, nei falalase diꞌatami na ka mae ihei te eꞌei puhi na. Puhi tuana neke togho ghami mala mhaghuni God, mala magnahaghei fara te filo ghau iara, mala au nomi gaoghatho faheta ka God, nei mala fateni ihei te tapla jafra. Ka gobigna lepo te edi ghotilo re, ghotilo neke falalasenihi te theome jafra ghotilo ka puhi igne na.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Ululahu Korin 9:11

Ghehati mae khuru gre joꞌu sisi malagna te famane kotu haghe nakarhami ghotilo re ka khiloau gne. Eghume ghotilo nabami te mala togho ghami ghehati fei thini na.

Letas Teke Riso Tei Mae Pol Ka Khiloau Rom 16:10

Eghuteuna ghotilo kubaeni mae Apeli. Kate fariuriuni mare na, mana falasenihi te thofno leghuni Kraes na. Eghuteuna ghotilo kubaeni tharaknagna mae Aristobula.

Letas Teke Riso Tei Mae Pol Ka Khiloau Rom 14:18

Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.

Letas Teke Riso Tei Mae Pol Ka Khiloau Rom 5:8

Neubane au neu tahati ka nakhibo, God neke fatakle ranghi ghita u nogna namha biꞌo na kate kuru meini Kraes mala lehe tughu ghita na.

Mae Khuru 20:34

Eghuteuna ghotilo themi lase nila, iara thegu loku heta ka khamegu igre mala ludedi gobigna lepo te magnahaghedi iara ba te magnahaghedi kheragu fofodure.

Mae Khuru 9:16

Eghuteuna iara thegu ginauna na falaseni mana niha nafnata naꞌau papara nate thokeni mana kate toutonu thakleni nanghagu iara na.”

Mae Khuru 2:22

“Ghotilo naiknomi Israel, fanomho fakeli kau cheke igre! God neke kuru meini mae Jisas gna Nasaret gne ka ghotilo, eghuteuna mana neke thofno falalase igne ka ghotilo kau gloku te nolaghi, nei u kofubobhoi, nei u fagaglana. Naugna God neke edi igre ka mana la filodihi ghotilo.

Luku 21:19

Ghotilo ginauna hatini thofno nakarha na kate kegra maku fabrahu ghotilo ka nomi fatutuani na.”

Profet Joel 1:9

Gognaro na theo kaisei gano, ba waen te mala fafara ka sugagna Lord. Igne te diꞌanagnafani nei tanhini teu mae pris te loku ka Sugablahi igne.

Profet Isaia 61:6

Naikno te gnafa igre ginauna lase ghami ghotilo te nogna pris Lord, eghuteuna ghotilo nogna mae gloku mana. Ghotilo ginauna atha nodi glepo te keli keha kantri are, eghuteuna ghotilo ginauna gleale'a, naugna ghotilo ne khotodi nodi dedei mare re.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Letas Teke Riso Tei Mae Pol Ka Khiloau Rom 3:5

Keha naiknore cheke eghu, “Kate eni tahati puhi te diꞌa na, tahati falalase ranghidi naiknore puhigna God te doglo fara. Eghume tahati laseni God te theome doglo na naugna mana ne para ghita kate leghuni puhi te diꞌa na!” Keha naiknore ne cheke eghu agne kate leghuni kolho mare gaoghathogna naikno na.