Fapea Korin 6:11 - Buka Blahi Ka Cheke Holo

¹¹ Uve kheraguro ka namono Korin! Ghehati cheke ari ka ghotilo gaoghathomi te gnafare, eghuteuna ghehati thofno namha ghami ghotilo ka nagnafamire.

Fapea Korin 6:11 ပူးပေါင်းရင်းမြစ်များ

Filipae 1:8

God na lase ghau iara te thono magnahaghei filo ghami ghotilo na. Naugna iara namha ghami ghotilo ka nogna namha mae Jisas Kraes.

Fapea Korin 12:15

Eghume iara thofno gleale'a fara te tusu ari ranghi ghami gobigna lepo te au ka iara igre nei jaola snakreni thinigu na mala togho ghami ghotilo. Ba, ghotilo ginauna namha faꞌikoi ghau iara kolho, naugna te namha ghami fabiꞌo fara iara gne?

Nodi Khoje Hatimare Mae Jiu 119:32

Iara magnahaghei fara te leghudi nou cheke iagho ra, naugna iagho ginauna togho ghau iara mala lase fakelidi iara.

Fapea Korin 2:4

Tutuani fara, kate riorisoni letas tifa ia, iara neke diꞌanagnafa fara balu tanhi fabiꞌo kolho. Eghuteuna iara neke theome risoni letas tuana mala diꞌanagnafa ghotilo neku, nu mala laseni ghotilo hui te thofno namha ghami fara iara na kolho.

Thakle 22:12

Mae Jisas ne cheke eghu, “Iagho fanomho fakeli! Iara ginauna theome raugha nake pulo mei! Iara ginauna hata mei balugu taba te mala tabadi nogu naiknore. Tutuani, iara ginauna tabadi leghuni unha teke eni mare na.

Filipae 4:15

Ghotilo naikno khiloau Filipae ra lasenihi igne ka teke funu toutonuni iara u Nonomho te Keli na jare ia, nei ke leghugna tuana kate jifla Provins Masidonia, theo kaisei khiloau jare teke togho ghau iara na. Nu ghotilo ngala teke ghatho ghau nei togho ghau teku iara ka sileni na.

Galesia 3:1

Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re!

Ululahu Samuel 2:1

Aonu Hana ne tarai eghu: “Lord na pala haghe ghau iara! Iara thofno glealeꞌa fara ka glepo te eni iagho igne! Gognarona iara tangomana te maꞌe kolho ka nogu naoka re, naugna iagho ne togho ghau iara.

Efesus 6:8

Ghotilo te gnafa na laseni igne, eigna Lord thegna ginauna tabadi iheire te loku fakelire, neubane mae sneka ba theome mae sneka.

Profet Habaku 2:5

Uve, naikno te fahaehaghe fara igre magnahaghei dedei fara kolho. Nu mare ginauna na theome gle'ani kolho unha te au tadi na, eghuteuna puhi te magnahaghei glepo kmana mare igne theome gnafa jateula beku te thora fabrahu malagna ihei te lehe ra eghu. Naugna igne te uludi mare keha kantri igre na.”

Nodi Khoje Hatimare Mae Jiu 51:15

Lord, togho ghau iara mala cheke eigna iara magnahaghei te cheke fakeli nigho na.

Thoutonu Eigna Mae Job 32:20

Iara rogu cheke, mala keli gaoghathogu na.

Profet Isaia 60:5

Kate filoni ghotilo igne, ghotilo ginauna na glealeꞌa fara. Naugna mare ginauna atha mei dedei funudi ka keha kantri delei. Tutuani, mare ginauna atha mei ka ghotilo famane glepo te ninhigrana fara folidi re.

Profet Esikiel 33:22

Ka grafi ame thoke mei nga mae igne ka sugagu iara teuna, Lord ne habo ghau iara ka nogna nolaghi na. Aonu kate mei mae igne hamerane ka keha narane na, Lord ne fasnaglini glapigu iara na ne tangomana iara te cheke na.

Mae Khuru 18:1

Ke leghugna igne, mae Pol jifla Atens ne tei ka namono Korin.

Mae Khuru 18:8

Mae biꞌogna suga tharai igne, nanghagna na mae Krispasi, mana baludi naikno te gnafa te au ka tharaknagna mana na ne kafe fatutuani ni Lord. Eghuteuna kmana naikno langau Korin ne fanomho ka mae Pol. Mare fatutuani ni mae Jisas ne apublahi.

Galesia 4:12

Kheraguro, iara neke jateula ghotilo neku. Eghume iara tore ghami fara mala leghuni puhigu iara gne. Ghotilo neke theome eni kaisei najafra ranghi ghau iara tifa na.

Efesus 6:19

Eghuteuna ghotilo jaola tarai ghau iara, mala tangomana God te tusu mei ka iara cheke te mala toutonuni iara na. Tarai ghau iara te mala theome mhaghuni te mala toutonu cheke te tutuani eigna Nonomho te Keli na.