Fapea Korin 5:9 - Buka Blahi Ka Cheke Holo

⁹ Nu igne kaisei glepo te ulu na, neuba tahati ne au ka nauthoglu igne ba namono kligna, tahati magnahagheni Lord te gleale'a ka unha te edi tahatire.

Fapea Korin 5:9 ပူးပေါင်းရင်းမြစ်များ

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Letas Teke Riso Tei Mae Pol Ka Khiloau Rom 14:18

Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.

Fapea Pita 3:14

Uve kheraguro, kate ofoni teu ghotilo narane tuana, hatini nhetami na mala au ka pharikeli balugna God. Nakarhami ghotilo re mala keli fara, eghuteuna ghotilo mala doglo fara ke ulugna mana.

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.

Ululahu Tesalonika 4:11

Hati nhetami na au ka nakarha te muana. Loku fakelidi nomi gloku themi are, nei loku ka khamemi themi are. Naugna ghehati neke kulu chekehi ka ghotilo te mala edi glepo igre.

Jenesis 4:7

Jame te loku fakeli iagho na, iara ginauna na ghatho tahu nigho, nu jame te loku fadiꞌa iagho na, u nakhibo na ginauna na kaikalitiu te mala goigoni nigho iagho na. Eigna u nakhibo na magnahaghei te tapla fapari nigho iagho. Nu thosei snakreni nakhibo na me mala funei fruni nigho eghu.”

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Letas Teke Riso Tei Mae Pol Ka Khiloau Rom 15:20

Iara magnahagheni fara te toutonuni fabrahu u Nonomho te Keli igne ka namono aheva naiknore te theome nomhi nga teu Kraes. Iara magnahaghei eni igne naugna iara theome magnahaghei te loku ranghini God ka namono aheva tela kulu lokuhi keha mae jare ka khiloau.

Letas Teke Riso Tei Mae Pol Ka Khiloau Rom 14:8

Kate karha teu tahati na, tahati karha mala fafnaknoni Lord. Eghuteuna kate lehe tahati na, tahati jaola mala fafnaknoni Lord. Eghume neubane lehe ba karha tahati, tahati nogna Lord ngala.

Mae Khuru 10:35

Nu God keli tagna fara ngala ka vike ba ka kokholo te ghatho tahuni ba te eni unha te doglo na. Tuana ngala te magnahagheni mana na.

Profet Isaia 56:7

Iara ginauna atha mei ghami ghotilo ka nogu Thogele Blahi iara Saion. Iara ginauna fagleꞌa ghami ghotilo ke lamnagna nogu suga tharai na. Eghuteuna iara ginauna keli tagu ka fafara te edi ghotilo ke kligna gna nogu olta iara na. Naugna nogu Sugablahi iara igne suga tharai mala tarai naikno te gnafa ka kantri te gnafa igre.

Hibru 12:28

Eghume tahati mala cheke fakelini God naugna tahati au noda namono te au fabrahu tifa tifa. Eghuteuna tahati mala loku ranghini mana balu mhaghu mala eni fabrahu unha te gleale'ani mana na. Naugna noda God te ghatho tahuni tahati gne jateula khaꞌaghi biꞌo te gnubra fateo gobigna lepo te diꞌa ra eghu.

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.

Kolose 1:29

Te mala eni igne na iara loku heta fara. Iara loku heta, eigna iara loku ka nolaghi teke tusu ranghi ghau mae Kraes.

Fapea Korin 5:8

Uve, tahati theome nanga noda. Tutuani, tahati magnahagheni fara te tei kokodi thini igre mala au balugna Lord.

Fapea Korin 5:6

Eghume tahati theome nanga noda kolho, neuba unha ne eni ranghini ghita. Eigna nakarhada tahati na u nakarha fatutuani, theome leghuni unha te filodi tahatire. Naugna tahati laseni te au teu tahati ke lamnadi u thini igre, tahati theome thofno namo ka Lord ka vido aheva te au mana na.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.