Fapea Korin 5:6 - Buka Blahi Ka Cheke Holo

^6-7 Eghume tahati theome nanga noda kolho, neuba unha ne eni ranghini ghita. Eigna nakarhada tahati na u nakarha fatutuani, theome leghuni unha te filodi tahatire. Naugna tahati laseni te au teu tahati ke lamnadi u thini igre, tahati theome thofno namo ka Lord ka vido aheva te au mana na.

Fapea Korin 5:6 ပူးပေါင်းရင်းမြစ်များ

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Hibru 10:35

Eghume, thosei ghatho peapea naugna God ginauna thofno tabadi iheire te loku famaku ka nodi fatutuani na te ghilei thoke ka narane leghu lahu.

Fapea Korin 5:8

Uve, tahati theome nanga noda. Tutuani, tahati magnahagheni fara te tei kokodi thini igre mala au balugna Lord.

Profet Isaia 36:4

Mae komanda gna Asiria igne ne cheke eghu ka thilo mare, “Ghotilo hata tei ka King Hesekaea nogna cheke king biꞌogna Asiria igne: “ ‘Ghema Hesekaea, naugna unha sagho te theome ke tughu gaoghathomu na gnea?

Profet Isaia 30:15

Lord nodi God maedi Israel te blahi igne, mana cheke eghu fabrahu, “Jame te koko ghotilo puhimi te diꞌare teke figri mei ka iara na, iara ginauna na fakarhi ghami ghotilo. Uve, jame te fatutuani ghau iara ghotilo te au kmu ka puhigu iara na, iara ginauna na farerheta ghami ghotilo. Nu ghotilo tiromi te eni igne na!

Proveb 14:26

Mae te ghatho tahuni Lord na, mana au vido keli mala poru, eghuteuna thugna manare ginauna jaola au fakeli.

Nodi Khoje Hatimare Mae Jiu 119:19

Iara gne au ka nauthoglu igne katha vido kmo'ei kolho, eghume iagho falase mei ranghi ghau chekemu iagho re.

Nodi Khoje Hatimare Mae Jiu 39:12

“Lord, fanomho fakeli ka nogu tharai gre, mala mei togho ghau. Eigna iara gne jateula teke edi mae kmagu tifara eghu au katha vido kmo'ei kolho balumu iagho ka nauthoglu igne.

Ululahu Kronikols 29:15

Lord, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na.

Hibru 13:14

Naugna theo kaisei namono nate au fabrahu ka nauthoglu igne te mala au te tifa tahati na, nu tahati magnahaghei te tei thoke ka namono te mala au nathuꞌu nauriha na.