Fapea Korin 5:20 - Buka Blahi Ka Cheke Holo

²⁰ Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Fapea Korin 5:20 ပူးပေါင်းရင်းမြစ်များ

Luku 14:23

“Mae funei na ne cheke eghu, ‘Ke tei sagho ka nabrou ke kosi namono are ba ka nabrou ikodi ke mata are mala hata mei keha naikno mala fodu nogu suga gne.

Efesus 6:20

Naugna iara mae gloku mala toutonuni u Nonomho te Keli igne, neubane au ka suga sosolo iara gognaro gne. Ghotilo tarai ghau iara mala theome mhaghu iara kate toutonuni Nonomho te Keli ka puhi te naba te mala eni iara na.

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Fapea Korin 5:11

Naugna igne ghehati tangomana te thofno ghatho tahuni Lord, nei fariuriu mala toghodi naiknore mala fatutuanidi nomi chekere eigna thofno karha. God na lase ghami farahi ghehati, eghuteuna te ghathoni iara na ghotilo jaola lase ghami fara ghehati.

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Fapea Korin 3:6

Tutuani, God neke eni kaisei nhaꞌa cheke majaghani baludi nogna naiknore. Mana ngala te fatangomana ghami ghehati te mala loku ranghini mana mala toutonu ka naiknore eigna nhaꞌa cheke majaghani na. Igne u nabrou teke eni mana mala fakarhidi mare. U nhaꞌa cheke majaghani igne theome glepo neke rioriso soru ka nogna vetula mae Moses nu nogna Tharunga te Blahi. Naugna vetula tuana mala faleheni naikno na, nu Tharunga te Blahi na mala tusu meini u karha na.

Luku 10:16

“Mae ihei te nomhidi nomi cheke ghotilo re, mana ginauna na nomhidi la nogu cheke iara re. Eghuteuna mae ihei te tirogna ghami ghotilo na, mana tirogna ghau la iara. Eghuteuna mae ihei te tirogna ghau iara na, mana ginauna na tirogna nila mae ihei teke kuru mei ghau iara na.”

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Profet Jeremaea 38:20

Mae Jeremaea ne cheke eghu, “Mare ginauna theome lisa lao nigho iagho ka khamedi mare. Nu igne unha te chekeni iara ka iagho na, jame te leghuni iagho nogna cheke Lord te chekeni iara igne na, iagho ginauna karha.

Thoutonu Eigna Mae Job 22:21

“Job, iagho mala kaisei gaoghatho balugna God mala au fakeli balugna mana, aonu glepo te keli re ginauna tangomana te thoke ka iagho.

Profet Isaia 27:5

Eghuteuna jame te magnahaghei ghau iara nodi naoka nogu naikno iara igre te mala reireghidi na, te keli na mare mei mala fadoglini balugu iara mala au ghehati kau pharikeli.”

Thoutonu Eigna Mae Job 33:23

Neubane kaisei thogha engel te au na, kaisei kolho nate toghoni mana na, eghuteuna cheke ranghini mana unha te doglo na.

Thoutonu Eigna Mae Job 33:6

Iagho jateula iara eghu kolho ka tathagna God na. God na jaola neke vuavuha ghau iara ka glose, jateula iagho eghu.

Fapea Kronikols 36:15

Lord nodi God kuꞌedi mare tifa ra, mana neke kuru meidi koba nogna profet ra mala cheke ka mare, naugna mana kokhoni nognadi mare, eghuteuna mana jaola ghatho tahuni nogna Sugablahi na.

Profet Jeremaea 44:4

Leuleghu fata na iara kurudi koba hatimare mae profet nogu mae gloku iara ra, mala mei cheke eghu ka mare, ‘Ghotilo thosei eni glepo te diꞌa te tiroguni fara iara igne!’

Proveb 13:17

Jame mae funei na kuru teini kaisei mae te lase cheke diꞌa na, mana tangomana te eni puhi te biꞌo na. Nu mae te doglo koba nogna chekere, mana toghodi naiknore mala au ka pharikeli.

Nehemaea 9:29

“Iagho neke cheke faheta ka mare mala leghudi mare nou cheke iaghore, nu mare fahaehaghe fara nei theome leghudi eghu nou cheke iagho re. Jame ihei te leghudi nou vetula iagho re, mana tangomana te hatini u nakarha te keli na. Nu neuba ngau, mare patugama fara, eghuteuna mare figri tagruni vetula igne, eghuteuna mare tirodi fanomho nei leghu nigho eghu.

Fapea Kings 17:13

Lord neke kuru fajifladi nogna mae profet mala tei cheke eghu ranghidi naiknodi Israel nei Juda, “Ghotilo lilisei puhimi te diꞌa re, eghuteuna leghuni nogu cheke iara te au ka nogu vetula iara teke tusu lao iara ka kuꞌemi ghotilo tifa ra, eghuteuna nogu mae gloku iara hatimare mae profet ra neke mei toutonuhi ka ghotilo.”

Letas Teke Riso Tei Mae Pol Ka Khiloau Rom 5:10

Ulu lahu na tahati neke jateula nogna naoka God neku. Nu ka glehegna Thugna na, God neke togho ghita mala kheragna thegna. Eghume, naugna gognaro na tahati la kheragnahi God, tahati thofno laseni God na ginauna fakarha ghita, naugna Kraes te karha gognaro gne.

Fapea Korin 12:10

Eghume iara gleale'a fara kate papara naugna iara nogna mae Kraes. Tutuani, kate nigra na, kate cheke fadiꞌa ghau na, ba ka vido te ninhigrana ba ka vido te au papara, ba ka thua nafnata hoholo fateo, iara gleale'a fara naugna ka vido igre Kraes tangomana te tusu mei ka iara nogna u nolaghi biꞌo na.

Kolose 1:20

Tifa na, tahati nei gobigna lepo te au ka nauthoglu igne ba kligna theome au ka pharikeli balugna God. Eghume God neke eni kaisei nabrou mala eꞌei pharikeli balugna mana kate snakreni mae Kraes mala lehe ka gaju fafatha jateula kaisei fafara. Ka nogna gloku mae Kraes, God neke salofodu gobigna lepo kligna ba pari mala ke kaisei fapulo ka thegna.