Fapea Korin 5:16 - Buka Blahi Ka Cheke Holo

¹⁶ Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Fapea Korin 5:16 ပူးပေါင်းရင်းမြစ်များ

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Jone 2:4

Mae Jisas ne cheke eghu ka idogna na, “Ido, thosei cheke ka iara unha te mala eni gognarona, naugna nogu narane iara te mala fatakleni nogna nolaghi God na theome thoke mei ngau.”

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Fapea Korin 11:18

Kmana naikno cheke fahaehaghe leghuni kolho gaoghathogna nauthoglu gne, eghume iara tangomana te cheke fahaehaghe jateula tuana teuna.

Ululahu Samuel 2:29

Naugna unha si ghotilo te theome ghatho tahudi fafara te edi naiknore ka iara igrea? Naugna unha sagho te ghatho tahudi phei mae thumu igre ke tulaogu iarai gnea? Tuana unha te eni iagho kate snakredi phei mae thumu gre tela blokha fara are, naugna phiamare ne hata fajifla vido nafnahi te keli re ka nodi fafara naiknore.

Diutronomi 33:9

Eghuteuna keha fata na, ghotilo faꞌuveni Lord neke theome nangadi idomi kmami ra, ba kherami ba thumi teu ghotilo ra. Ghotilo neke reireghini kolho nogna nhaꞌa cheke Lord.

Jone 8:15

Ghotilo khogla fate leghuni kolho gaoghathogna naiknogna u nauthoglu igne kolho, eghuteuna iara theome fateni kaisei naikno jateula te eni ghotilo tuana eghu.

Filipae 3:4

Eghume neubane leghu fakelidi koba iara kastom igre, iara theome fatutuanidi glepo igre nate fakarha ghau iara na. Jame kaisei mae cheke eghu, “Iara fatutuanidi kolho glepo fei thini gre.” Nu te chekeni iara ka ghotilo na, iara mae ao nga jame te uluni nogna fatutuani mana ka glepo igre.

Naba 10:30

Nu mae Hobab ne cheke eghu, “Theo, iara ginauna au kolho ka nogu vido gne baludi thabuknagu thegu gre.”