Fapea Korin 5:15 - Buka Blahi Ka Cheke Holo

¹⁵ Kraes na neke lehe tughu ghita gnafa mala tangomana tahati te karha teu gre mala thosei leghudi gaoghathoda thedare. Tahati mala leghuni gaoghathogna Kraes mae ihei teke lehe tughu ghita nei ke karha fapulo teu gognaro gne.

Fapea Korin 5:15 ပူးပေါင်းရင်းမြစ်များ

Kolose 3:1

Ghotilo neke karha fapulohi balugna mae Kraes. Eghume, ghotilo magnahagheini fabrahu unha te au kligna na, aheva mae Kraes te gnokro soru ka sape nafnakno mala funei ka khame nhetagna God.

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Ululahu Jone 4:9

God fatakle nogna namha na ke lamnada kate kuru mei kaisei thofno Thugna ngala ka nauthoglu gne mala fakarhi ghita.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Galesia 5:25

Tharunga te Blahi na tusu mei karha ka tahati. Eghume tahati mala jaola leghuni nogna puhi mae Tharunga te Blahi na.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Ululahu Pita 4:6

Naugna igne u Nonomho te Keli gne jaola neke toutonu tifa ranghidi naikno tela lehehira. Tutuani fara, kani au teku ka nauthoglu igne, mare neke theome tangomana te fafraini glehe na. Eigna naikno te gnafare mala lehe. Neuba ngau u Nonomho te Keli na neke toutonu ka mare mala tangomana mare te hogri nagnafa na mala karha fabrahu balugna God ginauna.

Ululahu Tesalonika 5:10

Mae Jisas neke lehe eida tahati mala tangomana tahati te karha balugna mana tifa tifa, neubane karha neu ba lehehi kate mei mae Jisas na.

Letas Teke Riso Tei Mae Pol Ka Khiloau Rom 6:6

Tahati laseni fara igne. Nakarhada tifa na tahati jateula te tupijuru eghu balugna Kraes ke kligna gaju fafatha, mala tangomana God te roꞌeni nogna nolaghi nakhibo teke au ka nakarhada tifa na. Ka puhi igne nakhibo na theo kaisei nogna nolaghi te mala funei fruni ghita na.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Ululahu Korin 10:33

Ghotilo mala leghuni puhigu iara na. Naugna leuleghu fata na iara fariuriu toghodi keha naiknore te mala heta nodi fatutuani na. Iara theome hironi te mala fakeli ghau thegu na, nu ghathodi keha naiknore mala toghodi, nei mala tangomana God te fakarhidi.

Kolose 3:23

Ka gloku te gnafa te edi ghotilo igre, ghotilo loku fakeli ka thofno gaoghathomi. Naugna ghotilo theome thofno loku ranghini naikno kolho, nu loku ranghini Kraes noda Lord. Eghume ghotilo kafe laseni Lord ginauna taba ghami ghotilo, eigna ghotilo ginauna hata u karha majaghani teke kulu tarabana mana kligna maladi nogna naiknore.

Kolose 2:12

Kate apublahi na ghotilo kaisei ka mae Kraes, jateula mare te giugilu ghami nei ke karha fapulo ka glehe balugna mana. Igne tutuani fara ka ghotilo naugna nomi fatutuani ka nogna nolaghi biꞌo God teke fakarha fapuloni mana ka glehe.

Letas Teke Riso Tei Mae Pol Ka Khiloau Rom 8:6

Tutuani, jame kaisei mae te snakreni gaoghathogna te diꞌa nate mala batuni mana na, mana ginauna lehe ka igne. Nu jame te snakreni gaoghathogna mae Tharunga te Blahi na te mala batuni na, mana ginauna hata karha nei muana eghu ka igne.

Letas Teke Riso Tei Mae Pol Ka Khiloau Rom 8:2

Jaola naugna tahati kaisei balugna mae Jisas Kraes, nogna puhi te keli Tharunga te Blahi na tusu ranghi ghita karha te tutuani na. Eghuteuna mana ne hata fasnagla ghita ka puhi nakhibo te tangomana te falehe ghita.

Jone 6:57

Mae Kmagu iara mae ihei teke kuru mei ghau iara na, mana neke tusu mei u karha na. Eghuteuna u karha tuana au ka iara naugna mae Mama neke tusu mei ka iara. Jateula tuana eghu mae ihei te ghamu ghau iara na, mana na athini u karha tutuani na ka iara.

Efesus 4:17

Ka nanghagna Lord, iara magnahaghei te cheke heta ka ghotilo, thosei au fabrahu jateula naikno te theome fatutuani ni God eghu. Gaoghathodire theo nafudi kolho.

Fapea Korin 3:6

Tutuani, God neke eni kaisei nhaꞌa cheke majaghani baludi nogna naiknore. Mana ngala te fatangomana ghami ghehati te mala loku ranghini mana mala toutonu ka naiknore eigna nhaꞌa cheke majaghani na. Igne u nabrou teke eni mana mala fakarhidi mare. U nhaꞌa cheke majaghani igne theome glepo neke rioriso soru ka nogna vetula mae Moses nu nogna Tharunga te Blahi. Naugna vetula tuana mala faleheni naikno na, nu Tharunga te Blahi na mala tusu meini u karha na.

Profet Sekaraea 10:9

Neuba iara ne lisa laodi ne tei au tafri ka keha kantri delei, nu mare ginauna ghatho ghau iara kolho. Eghuteuna mare baludi thudi re, mare ginauna tangomana te karha teu na teke pulo mei ka thofno nodi namono re.

Profet Habaku 2:4

“Igne nogu cheke iara na: Naikno te fahaehaghe igre theome magnahagheni kaisei glepo te doglo. Nu naikno te doglore ginauna au kau karha, naugna mare ne ghatho fobo ghau iara ne leghu ghau iara fabrahu.

Letas Teke Riso Tei Mae Pol Ka Khiloau Rom 8:10

Thinimi ghotilo re ginauna lehe ka nakhibomire. Nu naugna Kraes te au ke lamnami, Tharunga te Blahi na ginauna tusu ranghi ghami u thofno nakarha na, naugna Kraes la fadogli ghamihi ka tathagna God na.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Profet Esikiel 37:14

Iara ginauna lilisei tharungagu na ke lamnami ghotilo mala ke karha fapulo ghotilo. Eghuteuna iara ginauna snakre ghami ghotilo mala ke figri ka nomi namono na. Eghuteuna ghotilo ginauna lasedi gobigna lepo te nhaꞌa chekedi iara Lord igre, iara ginauna ediu. Igne nogu cheke iara Lord.’ ”

Letas Teke Riso Tei Mae Pol Ka Khiloau Rom 6:2

Theo fara! Tahati jateula mae te lehehira eghu theome eni kaisei nakhibo. Teuna, faꞌunha si tahati te au fabrahu teu ka nafnata puhi igne?

Profet Esikiel 37:9

Lord ne cheke eghu, “Maegna ka nauthoglu. Iagho mala cheke eghu ka nuri, ‘Lord God cheke ranghi nigho iagho mala ghaghafa mei ka vido te gnafa ke maghati, ke mosu, ke raru, ke mata eghu mala phanga lao karha na ka nhubra igre, mala ke karha fapulo mare.’ ”

Profet Esikiel 16:6

“ ‘Aonu iara Lord neke tei salaꞌu ka vido igne, eghuteuna iara filo nigho iagho te fariuriu fara te mala tugha falamna ka dadara teke jifla mei balumu kani teke karha meimu na. Dadara igne neke toku tafru nigho iagho, nu iara neke theome snakre nigho iagho te lehe na.

Fapea Kings 5:17

Aonu mae Naman ne cheke eghu, “Jame te eghu na, iagho snakre ghau iara mala fafodu keha glose ka baeg biꞌo ka vido igne nabadi phei dongki igre teke pala teke pulo ka namono na mala horo olta ke klignadi. Eghuteuna funu gognarogne, iara ginauna na theome tangomana te fafara ka keha god delei na, nu iara ginauna na fafara ka Lord kolho.

Letas Teke Riso Tei Mae Pol Ka Khiloau Rom 4:25

God neke snakreni noda Lord Jisas mala lehe eidi nakhiboda. Eghuteuna God fakarha fapuloni mana kau glehe mala tangomana tahati te au doglo ka tathagna God na.

Fapea Korin 12:10

Eghume iara gleale'a fara kate papara naugna iara nogna mae Kraes. Tutuani, kate nigra na, kate cheke fadiꞌa ghau na, ba ka vido te ninhigrana ba ka vido te au papara, ba ka thua nafnata hoholo fateo, iara gleale'a fara naugna ka vido igre Kraes tangomana te tusu mei ka iara nogna u nolaghi biꞌo na.