Fapea Korin 5:11 - Buka Blahi Ka Cheke Holo

¹¹ Naugna igne ghehati tangomana te thofno ghatho tahuni Lord, nei fariuriu mala toghodi naiknore mala fatutuanidi nomi chekere eigna thofno karha. God na lase ghami farahi ghehati, eghuteuna te ghathoni iara na ghotilo jaola lase ghami fara ghehati.

Fapea Korin 5:11 ပူးပေါင်းရင်းမြစ်များ

Hibru 10:31

Glepo mamhaghuana tulao jame kaisei mae te kegra ka fate ke ulugna God mae te karha na.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Mae Khuru 18:13

Mare ne cheke eghu ka mae Galio, “Ghema Primia, mae igne farirhiudi naiknore mala pogho soruni God ka puhi te blahi fara ka nomi vetula ghehati mae Jiu gre!”

Luku 12:5

Iara na falalase ari ka ghotilo unha nafnata mae te mala mhaghuni ghotilo na. Mae jame te mala mhaghuni ghotilo na God ngala, naugna mana au nolaghi te mala falehe ghami ghotilo na, nei jaola au nolaghi te mala koko lao ghami ghotilo Gehena. Uve, kaisei mana ngala jame te mala mhaghuni ghotilo na.

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Nodi Khoje Hatimare Mae Jiu 90:11

Theo kaisei naikno te filo glani u nolaghi te diꞌatamu iagho ka ghehati igne. Naugna nou nolaghi iagho na thono biꞌo fara. Uve, theo kaisei naikno te filo glani u namhagu nate thoke ghami ghehati kate diꞌatamu iagho ka ghehati ginauna.

Nodi Khoje Hatimare Mae Jiu 76:7

God, naikno te gnafare kafe mhaghu nigho iagho. Kate diꞌatamu iagho na, theo kaisei naikno te frane te ari kegra ke ulumu iagho na.

Thoutonu Eigna Mae Job 31:23

Iara theome magnahaghei te eni kaisei glepo te diꞌa ka naikno te kuma, naugna iara mhaghuni nogna nolaghi God na, eghuteuna iara nanga nogu glahu goigoni ghau mana.

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Mae Khuru 28:23

Aonu mae Pol nei hatimare mae Jiu teure ne vahini kaisei narane mala teke mei mare ka mae Pol na. Ka narane tuana kmana naikno te mei khapru ka suga te au mana na. Mae Pol ne funu cheke ka mare vuha hamerane ne ghilei thoke fei grafi, rurutha fakeli ka naiknore eigna u nakarha God te funei frunini. Mana ne cheke thakledi u cheke eigna mae Jisas te au ka nogna vetula mae Moses nei ka nodi grioriso hatimare mae Profet. Mana fariuriu fara ka mare mala fatutuani ni mae Jisas.

Mae Khuru 26:26

Mae King Agripa lasedi glepo igre. Iara theome mamaja te cheke ka mana na. Te laseni iara na mana kafe nomhidi glepo igre naugna glepo igre neke theome edi ka vido te poru.

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Mae Khuru 18:4

Leuleghu narane Sabat na mae Pol ne tei toutonu ranghidi mae Jiu nei mae Griki ka suga tharai na mala fatutuani ni mae Jisas.

Mae Khuru 13:43

Ka suga tharai na, jare kmana Jiu nei keha naikno teke theome Jiu tifa re, eghuteuna gognaro na mae Jiu kela pogho soru ranghini God. Ke leghugna tharai na, mare leghudi mae Pol ghe mae Banabas ne tei ka nabrou na. Phiamare ne cheke ranghidi mala leghuni fabrahu u nogna nabrou khokofakasai God na.

Luku 16:31

“Mae Ebraham ne cheke eghu ka mana, ‘Theo. Te theome fanomho la mare ka mae Moses nei ka hatimare mae profet teuna, mare na theome fanomho la ka mae iheire teke kegra fapulo ka glehe na.’ ”

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Nodi Khoje Hatimare Mae Jiu 73:19

Iagho ginauna ghosei goigonidi kolho naikno tuare, eghuteuna glehedire naikno tuare ginauna thono diꞌa fara.

Thoutonu Eigna Mae Job 18:11

Puhi biꞌo te mhaghudi mana igre au faligohonihi mana. Uve, puhi biꞌo igre leghuni mana ka vido te gnafa aheva te tei mana tagna na.

Thoutonu Eigna Mae Job 6:4

God mae ihei te au nolaghi te gnafa igne ne famei papara igne ka iara jateula te fada mei kaisei mae jata khaꞌaghi na ka nagnafagu iara na ia eghu. Jata khaꞌaghi igne tei lamna ka nakarhagu iara na. Iara mhaghu nogu fara te au papara ka puhi biꞌo te kuru mei God ka iara igre.

Jenesis 35:5

Ke leghugna igne mae Jekop nei nogna vike na ne jifla ne tei. Nu God ne famamhagudi mae te au ka namono rhegna Sekem igre mala theome tangomana mare te ngolhi leghudi re.

Profet Isaia 19:16

Ka narane tuana, naiknodi Ijep ginauna mhaghu jateula gaꞌase eghu kolho. Mare ginauna mhaghuni Lord mae ihei te au nolaghi fateote'o igne, naugna mana ginauna ngafa haghe khamegna na mala paradi mare.

Efesus 5:21

Lisa lao ghami fari themi naugna nomi ghatho tahu eigna Kraes.