Fapea Korin 5:1 - Buka Blahi Ka Cheke Holo

¹ Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Fapea Korin 5:1 ပူးပေါင်းရင်းမြစ်များ

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Fapea Korin 4:7

Nu neuba ghehati ne hatini gloku te mala toutonu u Nonomho te Keli na, ghehati tharuma naikno kolho jateula dis te hohoro ka glose ia eghu kolho. Eghume naikno te gnafare kafe laseni u nolaghi biꞌo te mala laseni gloku igne neke mei funu ka God, theome neke mei funu ka ghehati.

Hibru 9:11

Nu mae Kraes mae pris biꞌo na hata la meihi glepo te keli ka tahati gognaro gne. Mana rumahi ka chogho te blahi fara teke theome horo naikno nei theome nogna nauthoglu igne. U chogho tuana te au ka suga tapuale gna kligna te ulu nei klino ke tulao gna suga tapuale tifa na.

Thoutonu Eigna Mae Job 4:19

Ba, na rouronudi Lord naikno teke horo kolho ka glose igre neu sagho ia? Theo! Mana theome tangomana te rouronuni naikno teke jifla mei kolho ka gaughavu na. Naikno na ghosei lehe kolho jateula kaisei sua naꞌalo te aknu falehe naiknora eghu kolho.

Ululahu Pita 1:4

Gognaro na tahati rouronu fara eigna u thofno karha te ofo ghita teu kligna te theome tangomana te boto ba te diꞌa.

Fapea Korin 5:4

Nu tahati au ngau ka thinida ka nauthoglu igne eghuteuna thini igre tahu nei hongo ghitani eghu, nu tahati theome magnahaghei te koko thini igre. Theo. Tahati magnahagheni ngala thinigna kligna na te mei toku tafru ghita, eghuteuna thini te lehe igre ginauna thafru kau karha.

Nonomho Te Keli Teke Risoi Mae Mak 14:58

“Ghehati nomhini mae igne neke cheke eghu, ‘Iara ginauna na paꞌe Sugablahi teke hohoro kolho naikno igne. Eghuteuna ke leghu thilo narane, iara ginauna nake hohoro fapulo kaisei Sugablahi majaghani teke theome hohoro naikno na.’ ”

Fapea Pita 3:11

Eghume gobigna lepo ka nauthoglu gne ginauna groꞌe dofidi, na unha nafnata naikno ghotilo gognaro na? Ghotilo mala au blahi nei au ka nafnata nakarha te magnahagheni God.

Kolose 2:11

Kate mei ghotilo te kaisei balugna mae Kraes na, mana ne hata fasnagla ghami ka gaoghatho te diꞌa. Kraes neke tohi fagaglana ghami ghotilo, theome tohi fagaglana fei thini nu fei tharunga.

Ululahu Jone 3:19

Eghume, ka puhi tuana tahati laseni te leghuni nabrou te tutuani na. Eghuteuna kate laseni tahati te eni unha te diꞌa ranghini kherada fofodu na ka nagnafadare, tahati tangomana te au teu ngala ka pharikeli ke ulugna God. Naugna nogna namha God na thofno biꞌo fara, eghuteuna mana lasedi gobigna lepore.

Ululahu Jone 3:14

Tahati laseni tela tei kokonihi glehe na eghuteuna mei rumahi kau karha. Tahati laseni igne naugna tahati namhani kherada fofodu na balugna mae Kraes. Ihei te theome namhani kheragna fofodu na mana au ngala ka glehe.

Hibru 11:10

Mae Ebraham ofo mala tei au ka namono biꞌo teke tarabana nei hohoro teku God te kegra maku fabrahu te theo ka grofo gna.

Ululahu Korin 3:9

Eigna ghepa kafe loku ranghini God ngala te mala togho ghami ghotilo, eghuteuna ghotilo jateula nogna nagare eghu mana. Eghuteuna ghotilo jaola jateu kaisei suga teke horo God eghu.

Nodi Khoje Hatimare Mae Jiu 56:9

Tutuani, ka narane nate kilo nigho iara na, iagho ginauna na bruedi nogu naoka iara gre mala rikha tei mare delei. Kate filoni iara te rikha mare na iara na laseni iagho togho ghau iara na.

Thoutonu Eigna Mae Job 30:22

Iagho snakreni nuri mala pala ghau tei. Eghuteuna iagho koko haghe ghau kligna mala pala tafri ghau ke lamna kaisei maraghata biꞌo.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Profet Isaia 38:12

Finoghagu re la salaꞌuhi, la hata fadeleihi ka iara, jateula mae greireghi sipu te hata fadelei nogna suga tapuale ra eghu. Uve, te chekeni iara na, nakarhagu na la gnafahi, jateula mae teke susuki vido pohe, tela gnafahi nogna gloku ra eghu, gnafa teuna mana kusu ka masin me lolhopo nga teura eghu. Lord, bongi narane na, iagho fagnafani nakarhagu iara na.

Mae Khuru 7:48

“Nu God te au kligna na theome au ka suga te hohoro naiknore. Igne unha teke chekeni kaisei mae profet na,