Fapea Korin 4:7 - Buka Blahi Ka Cheke Holo

⁷ Nu neuba ghehati ne hatini gloku te mala toutonu u Nonomho te Keli na, ghehati tharuma naikno kolho jateula dis te hohoro ka glose ia eghu kolho. Eghume naikno te gnafare kafe laseni u nolaghi biꞌo te mala laseni gloku igne neke mei funu ka God, theome neke mei funu ka ghehati.

Fapea Korin 4:7 ပူးပေါင်းရင်းမြစ်များ

Fapea Korin 5:1

Tahati laseni kate lehe kau nauthoglu gne tahati tangomana te tei au ka thini majaghani te tusu ranghi ghita God kligna na. God ginauna nake vuavuha thini tahati gne mala au fabrahu. Naikno na theome tangomana te vuavuha thini tuana.

Ululahu Korin 1:28

Eghuteuna mana jaola vahidi iheire te pari fara nei diꞌa fara nei fiti naikno kolho teu naiknogna nauthoglu igne mala tapla sorudi iheire te fnakno fara mala theo nafudi ka nauthoglu igne.

Kolose 2:3

Eghuteuna mae Kraes ne tothora ranghidi naikno te gnafare nogna gaoghatho te keli nei glalase eghu God teke au poru funu tifa.

Lamentations 4:2

Mae majaghanidi Jerusalem, mare neke keli fara jateula gol ra neku. Nu gognarona naiknore ghatho faparidi mare, jateula suspen te theo nafudi ra eghu kolho.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Fapea Korin 10:10

Kaisei naikno jame cheke eghu, “Mae Pol gne nogna letas re nolaghi fara. Nu kate au baluda tahati na mana theome nheta, eghuteuna nogna cheke mana re theo nafudi kolho!”

Matiu 13:44

Mae Jisas jaola ne cheke eghu, “Kate funei frunidi God nogna naiknore jateula kaisei glepo te keli fara teke pophoru kaisei mae ke lamna glose ia eghu. Kaisei narane kaisei mae ne filo deni glepo tuana. Aonu mana gleale'a fara! Mana ghosei ne tatafru fapulo glepo te keli tuana ne tei fofoli fahui nogna gobigna lepore, mala foli vido glose tuana.

Fapea Timoti 2:20

Keha tapera te au ka suga biꞌo na mare horo ka gol ba silva, eghuteuna keha tapera re mare horo ka gaju ba glose. Kehare maladi narane te ulu, eghuteuna kehare maladi fiti narane kolho.

Fapea Korin 4:1

God kokhoni ghami ghehati neke tusu mei gloku blahi igne, eghume ghehati theome tangomana te babaꞌo ka gloku igne na.

Kolose 2:12

Kate apublahi na ghotilo kaisei ka mae Kraes, jateula mare te giugilu ghami nei ke karha fapulo ka glehe balugna mana. Igne tutuani fara ka ghotilo naugna nomi fatutuani ka nogna nolaghi biꞌo God teke fakarha fapuloni mana ka glehe.

Thoutonu Eigna Mae Job 4:19

Ba, na rouronudi Lord naikno teke horo kolho ka glose igre neu sagho ia? Theo! Mana theome tangomana te rouronuni naikno teke jifla mei kolho ka gaughavu na. Naikno na ghosei lehe kolho jateula kaisei sua naꞌalo te aknu falehe naiknora eghu kolho.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Efesus 2:5

Kate au tahati ka glehe eigna te huhughuni nogna cheke na, God neke fakarhi ghita balugna Kraes. Eghume ghotilo karha ka nogna khokofakasai God.

Fapea Korin 13:4

Tutuani mana neke nigra ka teke tupijuruni mare ke kligna gaju fafatha na, nu gognaro na mana karha ka nogna nolaghi God. Tutuani ghehati nogna mae gloku Kraes gre jaola nigra. Nu ghehati karha balugna mana ka nogna nolaghi God. Eghuteuna ghehati ginauna ari jare mala fadogli ghami ghotilo ka nolaghi igne.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Matiu 13:52

Aonu mae Jisas neke cheke eghu ka mare, “Hatimare mae velepuhigna vetula nogna mae Moses gre au fari hoteidi naikno God te funei frunidire. Mare jateula mae khoto suga te hata fajifla glepo te majaghani ba glepo te tiatifa ka nogna chogho te au nogna glepo te keli ra eghu.”

Thoutonu Eigna Mae Job 10:9

Iagho ghathoni, eigna iagho neke vuavuha ghau iara ka glose. Ba, iagho ginauna nake figri fapulo ghau iara ka glose?

Thoutonu Eigna Mae Job 33:6

Iagho jateula iara eghu kolho ka tathagna God na. God na jaola neke vuavuha ghau iara ka glose, jateula iagho eghu.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Ululahu Tesalonika 4:4

God magnahaghei ghami ghotilo mae nalha'ura te sopa ghatho tahudi khetomi are ka puhi te thofno blahi fara.