Fapea Korin 4:3 - Buka Blahi Ka Cheke Holo

³ Eghuteuna jame te theome fakakhana ka naikno u Nonomho te Keli te toutonuni ghehati igne na, u Nonomho te Keli igne na theome kakhana kolho ka naikno te snivi fabrahu re.

Fapea Korin 4:3 ပူးပေါင်းရင်းမြစ်များ

Fapea Korin 3:14

Nu gaoghathodire neke thono romno fara tifa na. Neuba gognaro gne, kate iu'ijuni naiknore u nogna vetula mae Moses na, gaoghathodire romnou ngala. Tutuani, Kraes na ngala te hata fadelei gaoghatho te faromnodi mare igne kate kaisei mare balugna mana na.

Ululahu Korin 1:18

Thoutonu eigna glehegna Kraes ka gaju fafatha na igne theo gaoghathogna ka iheire te leghuni nabrou te mala lehe tifa te tifa. Nu tahati te karha ka God na, u thoutonu igne nogna nolaghi God mala fakarha ghita.

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Letas Teke Riso Tei Mae Pol Ka Khiloau Rom 2:16

God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.

Ululahu Timoti 1:11

Tuana farirhiu leghuni u Nonomho te Keli God teke tusu mei ka iara mala toutonu iara. Nonomho te Keli igne siasigla balu nolaghi biꞌo neke mei funu ka God mae ihei te blahi fara.

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Fapea Korin 2:12

Kate posa iara Troas te toutonuni u Nonomho te Keli eigna Kraes na, iara laseni Lord na neke tarabana kaisei nabrou malagu iara te togho ghau mala edi kmana gloku te keli jare.

Ululahu Korin 2:6

Tutuani, u cheke glalase te farirhiu iara ranghidi iheire te kotu haghe tela biꞌohi nakarhadire ka khiloau na igne theome nodi glalase iheire te lalase fara kau nauthoglu igne nei nodi iheire mae te nolaghi te funei frunini nauthoglu igne. Eghuteuna mare ginauna na ari luvu kolho.