Fapea Korin 3:7 - Buka Blahi Ka Cheke Holo

⁷ Nogna gloku vetula teke rioriso soru mare ke klignadi phei thina tataba igre tifa na, mala falehe naikno kolho. Eghuteuna vetula igne neke mei balu siasigla gna nogna nolaghi biꞌo God, neke siasigla mei ka thinigna mae Moses na. Eghuteuna, neuba siasigla igne ne thoghei ne tei dofini ka thinigna mana na, naiknodi Israel re neke theome tangomana te filo fabrahu ka thinigna mana na.

Fapea Korin 3:7 ပူးပေါင်းရင်းမြစ်များ

Ululahu Korin 13:10

Nu kate mei unha te klino fabrahu na, glepo te theome klino re ginauna na gnafa.

Letas Teke Riso Tei Mae Pol Ka Khiloau Rom 10:4

Nu Kraes la mei fagnagnafa u nogna vetula God na jateula kaisei nabrou te mala thokeni u thofno nakarha na. Eghuteuna iheire fateo te fatutuani ni mae Jisas, God ginauna toghodi mala naikno doglo.

Eksodas 31:18

Kate cheke te gnafa Lord balugna Moses ke kligna Thogele Sanai, Lord atha phei thina tataba tela riorisohi Nabotho Vetula tadi igre ne tusu lao ka Moses.

Fapea Korin 3:6

Tutuani, God neke eni kaisei nhaꞌa cheke majaghani baludi nogna naiknore. Mana ngala te fatangomana ghami ghehati te mala loku ranghini mana mala toutonu ka naiknore eigna nhaꞌa cheke majaghani na. Igne u nabrou teke eni mana mala fakarhidi mare. U nhaꞌa cheke majaghani igne theome glepo neke rioriso soru ka nogna vetula mae Moses nu nogna Tharunga te Blahi. Naugna vetula tuana mala faleheni naikno na, nu Tharunga te Blahi na mala tusu meini u karha na.

Fapea Korin 3:3

Eghuteuna naiknore thofno laseni igne, ghotilo jateula letas teke risoni Kraes hata teke ari ghehati ia eghu. Letas igne Kraes neke theome rioriso ka ink, nu ka Tharunga gna God mae ihei te karha te tifa teke rioriso na. Eghuteuna mana neke theome rioriso ke kligna thina te tataba, nu neke rioriso ke lamna nagnafami ghotilo re.

Eksodas 24:12

Ke leghugna igne, Lord ne cheke eghu ka mae Moses, “Iagho haghe ka thogele igne mala mei kegra rhegui iara. Iara ginauna tusu ari ka iagho phei thina tataba teke rioriso soru iara vetula ke klignadi igre mala tei iagho farirhiudi naikno ra.”

Letas Teke Riso Tei Mae Pol Ka Khiloau Rom 4:15

Tutuani nogna vetula mae Moses na ne cheke eghu, “God ginauna paradi naikno te theome leghuni u vetula na.” Nu jame te theo kaisei vetula na, naiknore ginauna jaola theome huhughuni vetula na.

Nodi Khoje Hatimare Mae Jiu 119:97

Funu hamerane te ghilei plulu naprai na, iara gaoghathodi nou cheke iagho ra, iara keli tagudi fara!

Letas Teke Riso Tei Mae Pol Ka Khiloau Rom 7:10

Eghuteuna iara ne lehe naugna nakhibo tuana. Tutuani fara, God neke lisei mei vetula na ka cheke igre mala togho ghau iara mala hatini iara u karha na neku, nu kate thakle ke lamnagu iara u cheke igre, iara filo glani glehegu na naugna iara ne fnota ka God.

Mae Khuru 6:15

Mae te gnafa te gnokro ke lamnagna u faidu igne, mare ne filo tutu ka mae Stivin. Eghuteuna kate filo mare ka tathagna nei foflogna teu mae Stivin re, mana ne siasigla jateula tathagna nei foflogna eghu kaisei engel.

Nodi Khoje Hatimare Mae Jiu 119:174

Lord God, iara magnahaghe nigho fara te mei fakarhi ghau na. Nou famane farirhiu iagho re faglealeꞌa ghau fara iara.

Diutronomi 9:15

“Aonu iara figri neke sukha funu ka thogele na kate dudulu teu khaꞌaghi na. Eghuteuna iara ne hata balugu phei thina nhaꞌa cheke igre.

Letas Teke Riso Tei Mae Pol Ka Khiloau Rom 7:22

Ka nagnafagu iara na, iara keli tagu ka nogna vetula God na nei iara magnahaghei te leghuni vetula na.

Diutronomi 4:13

Eghuteuna mana neke eni nhaꞌa cheke igne baluda tahati, neke cheke ranghi ghita tahati mala leghudi Nabotho Cheke teke rioriso mana ka phei thina tataba igre.

Eksodas 34:1

Lord ne cheke eghu ka Moses, “Iagho sari phei thina tataba jateula teke phei ululahu ra eghu, eghuteuna iara ginauna nake rioriso ke klignadi cheke teke aula ka phei thina tataba teke rurhuja iagho ra.

Eksodas 32:19

Kate mei namo Moses ka vido te au teu naiknore tagna na, mana ne filo teidi naikno te ragi faligohoni teu mumuju buluka teke horo mare ka gol igne, mana thono diꞌatagna fara ne koko soru pari phei thina teke pala teke mei mana igre ne bruja ka phesigna thogele igne.

Jenesis 3:21

Ke leghugna igne Lord God ne hohoro pohe ka khakla sipu maladi Adam ghe khetogna.

Hibru 9:4

Ke lamnagna u chogho igne mare lilisei kaisei tevo te hohoro ka gol mala gahu insens ka God, nei kaisei bokis fagaglana gna nogna nhaꞌa cheke God na. U bokis tuana ghiha gol ke kosi. Ke lamnagna bokis na, au phei thabasoa teke riso soru God nogna vetula na. Jaola mare tathaji kaisei botol gol, ke lamnagna botol tuana au katha vido gano gna tifa teke mei funugna ka God te kiloi ‘manna’, nei nogna khodo mae Eron te kotu khakla na au la jare.

Nehemaea 9:13

“Iagho neke soru mei funu kligna ka Thogele Sanai neke cheke ka nou naiknore. Eghuteuna iagho neke tusu ranghidi cheke te doglo, nei Vetula te tutuani, nei famane farirhiu te keli.

Diutronomi 4:8

Eghuteuna keha kantri igre, neuba mare ne au nolaghi jateula unha neu, nu mare theome au kaisei vetula te thofno famane doglo jateula vetula te farirhiu ghami iara gognaro gre.

Diutronomi 5:22

Aonu mae Moses ne cheke eghu, “Igre unha teke chekedi Lord ka tahati re, kani teke salo fodu tahati ka pesigna thogele ia. Mana neke cheke faheta mei ka tahati ke lamna khaꞌaghi nei khoveo te thono romno fara. Vetula igre kolho teke chekedi mana ka narane tuana, aonu mana neke rioriso nogna chekere ke klignadi phei thina tataba neke tusu phei thina igre ka iara.”

Letas Teke Riso Tei Mae Pol Ka Khiloau Rom 5:20

God neke tusu mei ka mae Moses u vetula na mala thofno laseni naiknore nodi najafra biꞌo na. Kate edi kmana najafra naiknore, nogna khokofakasai God na biꞌo ne salaꞌui ranghidi naiknore.

Letas Teke Riso Tei Mae Pol Ka Khiloau Rom 7:5

Nu kani leghudi teku kolho tahati puhida theda te diꞌa fara tifa ra, tahati neke thofno magnahaghei te leghuni koba unha te blahi fara ka u vetula na. Eghume, tahati neke snakre lao ghita theda kolho ka puhi te diꞌa nabagna te mala lehe na.

Fapea Korin 3:8

Nu siasigla gna nogna nolaghi biꞌo God teke mei balugna nogna gloku Tharunga te Blahi na biꞌo uluni fara teke tifa na.

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”

Galesia 3:21

Ba, vetula na cheke faparini nogna nhaꞌa cheke God na sia? Theo fara! Nu jame neke tusu meihi God kaisei vetula te tangomana te mala hata meini thofno karha na ka naiknore meuna, naiknore tangomana hi te doglo na kate leghuni vetula igne.

Hibru 3:3

Nu te keli na tahati kafe ghatho tahuni mae Jisas, ke tulao gna mae Moses, jateula ngau naiknore ghatho tahuni mae ihei teke horo gna u suga na, ke tulao gna ghatho tahuni eigna suga na.

Hibru 12:18

Ghotilo theome jateula naiknodi Israel tifa teke tei ka Thogele Sanai ia eghu. Kaisei fata kate mei namo ka thogele na, mare neke filoni u khaꞌaghi biꞌo na neke dudulu kligna, eghuteuna ka vido te romno fara tuana, nuri blahi na jaola neke ghaghafa mei tagna.