Fapea Korin 3:12 - Buka Blahi Ka Cheke Holo

¹² Eghume naugna ghehati thofno laseni nogna nolaghi biꞌo God te au fabrahu, ghehati theome tangomana te mhaghu kate loku ranghini Lord na.

Fapea Korin 3:12 ပူးပေါင်းရင်းမြစ်များ

Fapea Korin 7:4

Tutuani fara, iara theo kaisei ghatho peapea eimi ghotilo. Iara jaola fahaehaghe ghami fara ghotilo. Neuba thua nafnata puhi gre ne mei ka ghehati, iara thofno gleale'a fara ka vido tuana.

Filipae 1:20

Iara thono theome magnahaghei te eni kaisei glepo te mala famamaja ghau thegu ke ulugna mae Kraes. Nu iara magnahaghedi naiknore te filo glani ka iara nogna nolaghi biꞌo mae Kraes. Neuba mare ne falehe ghau iara ginauna, iara magnahaghedi naikno khiloaure te mala kilo fnaknoni fabrahu mae Kraes.

Mae Khuru 4:13

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Jone 16:29

Aonu nogna mae fanomho mana re ne cheke eghu ka mana, “Tutuani fara, gognaro na iagho la cheke thaklenihi ka ghehati, la theome toutonuhi ka cheke naba.

Ululahu Timoti 3:13

Ihei te loku fakeli ka gloku blahi igne na keha naikno khiloaure ginauna ghatho tahuni mana, eghuteuna mana ginauna tangomana te au heta mala toutonu eigna nogna fatutuani biꞌo ka mae Jisas Kraes.

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.

Kolose 4:4

Ghotilo toreni God mala totogho ghau iara mala tangomana iara te cheke fakeli ka naiknore eigna cheke igne, naugna unha te mala eni iara na.

Fapea Korin 10:1

Keha naikno ka ghotilo cheke eghu, “Kate au teu delei na mae Pol gne cheke faheta fara ka tahati, nu kate mei agne na mana mhaghu te cheke fabiꞌo na!” Fanomho ka iara. Uve, Kraes na mae keli, eghuteuna mana theome ghosei diꞌatagna. Iara leghuni puhigna mana na. Eghume te chekeni iara ka ghotilo na,

Fapea Korin 4:13

Grioriso te blahi na ne cheke eghu, “Iara neke cheke naugna iara neke fatutuani.” Nomi fatutuani ghehati na kaisei nanaba ka tuana. Eghume ghehati toutonu eigna Kraes naugna ghehati ne fatutuani ni mana.

Ululahu Korin 14:19

Nu kate au iara baludi ka khiloau na, iara magnahaghei te farirhiudi. Eghume, neuba iara ne cheke kolho kaisei ba phei cheke te naba nomhini mare na, tuana te keli uluni jame te chekedi iara niha thogha cheke ka nafnata cheke igre.

Mae Khuru 14:3

Nu mae Pol ghe mae Banabas ne au faraugha Aekoniam, eghuteuna phiamare ne theome mhaghu te toutonuni chekegna Lord na. Aonu Lord ne falalase ka naiknore te tutuani nogna cheke na. Naugna mana ne tusu ranghidi phiamare nolaghi te mala edi kofubobhoi nei fagaglana.

Mae Khuru 9:29

Mae Sol jaola ne cheke koba nei fapoaphola eghu baludi tothoghei mae Jiu te lase cheke Griki re. Nu mare ne tirodini mana ne hirodi keha puhi mala faleheni mana.

Mae Khuru 9:27

Nu mae Banabas ne toghoni mana ne tathalei ne tei ka mae khurure. Mae Banabas ne toutonu ka mare eigna mae Sol teke filoni Lord ka nabrou na, nei Lord neke cheke balugna mana. Mana jaola ne cheke ranghidi u thoutonu te nolaghi teke edi mae Sol Damaskas ka nanghagna mae Jisas.

Jone 16:25

Aonu, mana ne cheke eghu ka mare, “Glepo te chekedi iara ka ghotilo igre, iara toutonu kau cheke naba. Nu narane na ginauna mei nate theome cheke naba iara ka ghotilo na. Nu iara ginauna cheke fadoglo eigna mae Mama ka ghotilo.

Jone 10:24

Hatimare mae Jiu ne kafe khapru mei ka mae Jisas ne cheke eghu ka mana, “Ghema, iagho faraugha ghami ghehati. Faghose cheke mei sagho mala lase nigho ghehati. Iagho ngala si mae Kraes na ia, ba theo?”

Fapea Korin 3:11

Eghuteuna nogna gloku vetula theome tangomana te au fabrahu na, nu neuba, tifa na au tagna siasigla gna nogna nolaghi biꞌo God. Eghume nogna gloku Tharunga te Blahi na ginauna au fabrahu, eigna au tagna siasigla nogna nolaghi biꞌo God te uluni fara tifa ia!

Filipae 1:14

Kate lase ghau iara te au ka suga sosolo gognaro gne, kmana naikno ka khiloau gne mare la frane fara te toutonuni nogna u Nonomho te Keli mae Jisas Kraes.

Filimon 1:8

Gognaro na iara magnahaghei toreni ka iagho kaisei glepo te keli. Iara magnahagheni igne naugna glepo doglo te mala eni iagho na. Neuba iara ne au nolaghi te mala huhuru nigho ka nanghagna mae Kraes te mala eni igne, iara namha nigho nei tore nigho mala eni igne kolho. Uve, iara mae Pol, eghuteuna iara la mae khueku'ehi gognaro agne ka sosolo malagna mae Jisas Kraes.