Fapea Korin 3:10 - Buka Blahi Ka Cheke Holo

¹⁰ Eghume u siasigla teke filoni naiknore tifa ka nogna vetula mae Moses na tuana la sala'uhi gognaro na, naugna siasigla gna nogna gloku Tharunga te Blahi na thofno biꞌo fara.

Fapea Korin 3:10 ပူးပေါင်းရင်းမြစ်များ

Fapea Pita 1:17

Eghuteuna ka narane tuana God Kmada neke fafnaknoni nanghagna mae Jisas na, eghuteuna fasiasiglani mana ka nogna nolaghi te biꞌo na. Naugna God mae te nolaghi fara kligna lahu na neke cheke eghu mei, “Igne thofno mae Thugu iara na. Iara namhani mana nei keli taguni eghu mana.”

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Mae Khuru 26:13

Ghema King Agripa, farihotei aublatha, iara megei nga ne filoni kaisei naphae ka maloa na. Naphae tuana siasigla fara uluni naprai na ne siasigla faligoho ghau iara nei mae iheire teke tei balugu iara re.

Profet Hagae 2:3

Mae ihei ka ghotilo te ghatho fapuloni teu nogu Sugablahi iara tifa te pukuni keli fara igne? Gognaro na ghotilo jateula te fiti naikno ra eghu kolho. Ghotilo gaoghathomi na Sugablahi majaghani igne jateula te theo nafugna eghu kolho.

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Thoutonu Eigna Mae Job 25:5

Kate filo God ka glaba nei nathunu teu igre, tuare theome agha fakeli ka tathagna mana na.

Fapea Korin 3:9

Tutuani, nogna gloku vetula na au tagna siasigla nogna nolaghi biꞌo God na, neuba, nogna gloku vetula na mala fate falehedi naiknore. Eghuteuna nogna gloku Tharunga te Blahi na mala fadoglodi naiknore ke ulugna God. Igne au siasigla nogna nolaghi biꞌo God te keli fara ulu tulao gna tifa ia.

Fapea Korin 3:11

Eghuteuna nogna gloku vetula theome tangomana te au fabrahu na, nu neuba, tifa na au tagna siasigla gna nogna nolaghi biꞌo God. Eghume nogna gloku Tharunga te Blahi na ginauna au fabrahu, eigna au tagna siasigla nogna nolaghi biꞌo God te uluni fara tifa ia!