Fapea Korin 2:17 - Buka Blahi Ka Cheke Holo

¹⁷ Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Fapea Korin 2:17 ပူးပေါင်းရင်းမြစ်များ

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Thakle 2:20

Nu kaisei glepo ngala te theome magnahagheni iara ka ghotilo na. Eigna ghotilo ne snakreni Jesebel ne eni unha te magnahagheni naꞌa na. Jesebel gne kaisei gaꞌase gnognoro fara nu naꞌa chaichaghi ne cheke eghu, ‘Iara kaisei nogna profet God.’ Tutuani, Jesebel gne ne korho fadeleidi nogu naikno iara re mala leghuni nogna farirhiu thegna te jafra fara na. Naꞌa baubatudi naiknore mala gnognoro nei ghamu gano teke fafara ka mumujure eghu.

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.

Taetus 1:11

Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.

Ululahu Korin 5:8

Eghume kate leghuni tahati Kraes ka nakarha majaghani na, theome tangomana tahati te edi nafnata nakhibo ba nafnata puhi te diꞌa teke edi tifa ra. Nu te edi tahati puhi tuare jateula isi te fabiꞌo bret ia eghu. Nu tahati mala jateula bret te theo kaisei isi ka noda Gaghamu Ghasa-Polho na ia eghu mala doglo nei cheke kate tutuani.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Mae Khuru 20:20

Ghotilo lasenihi te toutonuni iara ka ghotilo u Nonomho te Keli gne, eghuteuna iara farirhiu ghami ghotilo farihotei glalaba ka namono biꞌo ba ka sugami ghotilo ra. Kate eni gloku igne, iara theome ghatho peapea te chekeni ka ghotilo glepo te mala togho ghami ghotilo na.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Mae Khuru 20:27

Naugna iara la chekedihi ka ghotilo gobigna lepo te magnahaghedi God te mala lasedi ghotilo re.

Hibru 11:27

Mae Moses ne fatutuani ni God ne jifla Ijep. Naugna mana theome mhaghuni te diꞌatagna fara mae king gna Ijep. Nu mana kegra maku, naugna jateu mana la filonihi God mae ihei te theo kaisei naikno te filoni kau tathagna.

Fapea Korin 1:18

God na cheke tutuani koba eghuteuna iara jaola chekeni unha te tutuani ka ghotilo. Eghume nogu nhaꞌa cheke iara ka ghotilo na theome kaisei “Uve” nei theome kaisei “Theo” eghu kaisei fata ngala.

Fapea Korin 6:7

Ghehati tangomana te toutonuni u cheke te tutuani na, nei nogna nolaghi God na au ka ghehati. Ghehati tangomana te leghuni puhi te doglo ke ulugna God na, eigna tangomana te togho ghami ghehati te mala magrini mae naoka ka puhi te gnafa igre.

Fapea Korin 11:11

Iara chekeni igne ka ghotilo naugna te theome naba iara te hata nomi tothogho ghotilo na, ba iara ne theome namha ghami ghotilo? Theo! God lase ghau iara te namha ghami fara ghotilo na.

Fapea Korin 12:19

Ba, ne riso ari ghehati glepo igre mala tafra ghami ghehati themi neu si ghotilo ia? Theo! Ghehati chekedi glepo igre ka puhi te magnahagheni Kraes te mala eni ghehati ka tathagna God na. Eghuteuna gobigna lepo te risodi ghehati gre, kheraguro, mala tangomana te farhetadi nomi fatutuani ghotilo re.

Galesia 1:6

Iara jaglo nogu ka ghotilo te ghosei te figri tagruni God, mae ihei teke kilo ghami ka nogna khokofakasai mae Jisas Kraes. Gognaro na ghotilo figri mala fanomho ka keha nafnata Nonomho te Keli te nhogri.

Ululahu Tesalonika 2:4

Nu God neke fariuriu nei fatutuani ghami ghehati te mala toutonuni Nonomho te Keli gne. Kate toutonuni Nonomho te Keli na ghehati theome fariuriu mala keli tadi naiknore. Theo. Ghehati fariuriu mala keli tagna God, mae ihei te fariuriudi nagnafadare.

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.