Fapea Korin 2:14 - Buka Blahi Ka Cheke Holo

¹⁴ Nu ghehati ne cheke fakelini God, mae ihei te togho ghami fabrahu balugna Kraes te mala uluni ghehati u magra na ka vido aheva mana teke kuru lao ghami na. God ne loku ke lamnami ghehati mala tangomana glalase eigna Kraes na te tei tongana heva heva jateula insens te siri keligna fara.

Fapea Korin 2:14 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:37

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Letas Teke Riso Tei Mae Pol Ka Khiloau Rom 6:17

Tifa na, ghotilo neke loku ranghini nakhibo, nu gognaro na, ghotilo thofno leghudi cheke teke farirhiu ghami ghehati ra. Iara cheke fakelini God eigna igne!

Fapea Korin 9:15

Tahati mala cheke fakelini God eigna nogna namha ranghi ghita te theo ihei tangomana te ruthini!

Kolose 2:15

Mae Kraes neke hata koko fahui nodi nolaghi naitu te gnafa te mala funei fruni na. Ka gaju fafatha na, mae Kraes ne tapla faparidi nei famamajadi eghu mare fara ke uludi naiknore.

Famane Khoje 1:3

Iara magnahagheni fara sisirigna oel igne te famane sisiri fara ka thinimu iagho na. Eghuteuna nanghamu iagho na jaola famane nonomho gna na jateula te siri mamahegna oel igne eghu. Tutuani fara, gaꞌase gre tangomana te magnahaghei nigho iagho fara na!

Nodi Khoje Hatimare Mae Jiu 106:47

Lord, iagho nomi God ghehati! Fakarhi ghami nei atha fajifla ghami eghu khamedi naikno bongihehe gre. Atha fafigri ghami ka namonomi ra. Te eghu na, ghehati ginauna tegio ka iagho, nei ghehati na cheke fakelini nanghamu iagho te blahi na.

Letas Teke Riso Tei Mae Pol Ka Khiloau Rom 15:19

Mare ne leghuni God naugna mare neke filodi u fagaglana nei kofubobhoi balu nolaghi nogna Tharunga te Blahi. Iara toutonuni Nonomho te Keli na funu Jerusalem, iko tongana heva heva ghilei posa Ilirikam. Aonu iara ne toutonu fahui Nonomho te Keli eigna mae Jisas Kraes.

Thakle 7:12

ne cheke eghu, “Uve, tutuani! Nomi God, ghehati cheke fakeli nigho nei pala hagheni nanghamu na nei fafnakno nigho. Ghehati cheke fakeli nigho eidi nou gaoghatho te keli nei nou nolaghi te biꞌo nei nou nanheta te au fabrahu tifa tifa. Amen!”

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Nodi Khoje Hatimare Mae Jiu 148:14

Lord na reireghi fakeli ghita tahati nogna naikno Israel, eghume, tahati cheke fakelini mana! Mana namha ghita fara. Tahati kilo fnaknoni Lord!

Kolose 1:6

Nonomho te Keli te nomhini ghotilo igne mala toghoni nodi fatutuani naikno heva heva ka nauthoglu igne. Igne neke enila ka ghotilo, kate nomhini ghotilo u Nonomho te Keli igne nei thofno laseni gaoghathogna nogna khokofakasai God na.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Fapea Korin 8:16

Ghehati tegio ka God naugna mana ne snakreni mae Taetus u nagnafa namha jateula ghehati teu te togho ghami ghotilo.

Fapea Korin 1:11

naugna ghotilo togho ghami koba ka nomi tharaire. God ginauna nomhidi nodi tharai naikno te kmanare malami ghehati eghuteuna mana ginauna togho ghami ghehati. Aonu kmana naikno ginauna cheke fakelini God kate togho ghami ghehati mana na!

Ululahu Tesalonika 3:9

Tutuani fara, ghehati tangomana te cheke fakelini God eimi ghotilo. Nu nomi kilo fnakno ghehati na theome nabagna u gleale'a biꞌo ke ulugna noda God eimi ghotilo!

Ululahu Korin 15:37

Eghuteuna unha teke joꞌu iagho ke lamna glose na, na theome nanaba ka unha nate kotu haghe ke leghu na. Unha te joꞌu na kaisei sisi ngala, sisi wit ba keha nafnata sisi kolho.

Profet Esikiel 20:41

Ka teke hata fapulo ghami iara ka keha kantri aheva teke tei au tafri ghotilo tadira, iara ginauna kelitagu ka ghotilo jateula teke kelitagu iara ka teke gahu ghotilo insens te famane sisiri keligna fara kate mei tarai ghotilo ka iara. Eghuteuna naiknogna kantri igne ginauna filoni iara ngala te blahi na.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Letas Teke Riso Tei Mae Pol Ka Khiloau Rom 1:8

Ulu lahu na, iara cheke fakelini God eimi ghotilo ka nanghagna mae Jisas Kraes. Naugna naikno kmana heva heva ka nauthoglu igne nomhini nomi fatutuani ghotilo na.

Ululahu Korin 12:8

Tharunga te Blahi na tusu ranghini kaisei naikno glalase te mala toutonuni chekegna God na ka gaoghatho te keli, eghuteuna ka keha naikno na tusu ranghini nolaghi te mala cheke ka glalase te biꞌo fara mala toghodi naiknore.

Ululahu Korin 15:57

Nu tahati cheke fakelini God, eigna mana te tapla soruni u glehe na ranghi ghita naugna ka nogna gloku noda Lord Jisas Kraes!

Ululahu Tesalonika 1:8

Kmana kmana naikno te au ka Provins Masidonia nei ka Provins Akaia nomhinihi u Nonomho te Keli eigna mae Jisas Kraes teke toutonuni ghotilo. Nu nonomho gna nomi fatutuani ghotilo ka God na jaola tei tongana heva heva. Eghume ghehati theome tangomana te cheke eigna nomi fatutuani ghotilo na.

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.