Fapea Korin 13:9 - Buka Blahi Ka Cheke Holo

⁹ Ghehati gleale'a fara jame te kegra heta ghotilo ka puhi te doglo na, neuba ghehati ne jateula te nigra neu kolho. Eghume ghehati tarai mala tangomana ghotilo te thofno naikno keli fara ke ulugna God na.

Fapea Korin 13:9 ပူးပေါင်းရင်းမြစ်များ

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Ululahu Korin 4:10

Tore! Gaoghathodi naiknore ghehati gne jateula mae te meomekro eghu, naugna ghehati nogna Kraes. Nu ghotilo la lasenihi, eigna ghotilo nogna Kraes! Ghehati theome heta, nu ghotilo heta fara! Naiknore filo fapari ghami koba ghehati eghuteuna mare ghatho tahu ghami ghotilo!

Ululahu Tesalonika 3:10

Eghuteuna ghehati tarai heta fabrahu eimi ghotilo bongi narane. Ghehati tarai mala tangomana teke filo ghami nei tusu ari tami gobigna lepo te nabami ghotilo mala farhetadi nomi fatutuani.

Ululahu Pita 5:10

Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Hibru 12:23

Ghotilo mei mala salo fodu nei gleale'a eghu baludi bukrei naikno fatutuani gre. God ghatho tahudi jateula goro thugna teke karha ulu lahu. Nanghadire la riso soruhi ka buka kligna. Ghotilo mei ka God, mae ihei nate fatedi naikno te gnafare. Eghuteuna ghotilo mei ka naikno te keli tela lehehi nu iheire God teke faklinodi.

Hibru 6:1

Naugna igne tahati mala tei faꞌulu ka farirhiu jateula gano te maku eghu eigna mae Kraes te nabadi goro naikno biꞌo. Eghuteuna lisa lao u nafnata farirhiu eigna mae Jisas Kraes jateula chuꞌu teu te nabadi goro sua kolho. Na eghunu farirhiudi koba tahati unha teke edihi tifeiro ra eghu. Tulao, lisa laodi u nafnata farirhiu te mala hogri nagnafa eidi glepo te mala batu ghita kau glehe, nei farirhiu te mala fatutuani ni God

Fapea Timoti 3:17

Ka puhi igne tahati nogna naikno God ra ginauna nabada fara te edi gloku te keli fateote'o.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Fapea Korin 11:30

Jame te cheke fahaehaghe iara gognaro na, iara ginauna cheke fahaehaghe eidi kolho glepo te falaseni te nigra iara na.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Letas Teke Riso Tei Mae Pol Ka Khiloau Rom 15:2

Tutuani, tahati te gnafa na mala ghathodi kherada fofodu ka khiloau gne, eghuteuna mala edi glepo te keli ranghidi te magnahaghe tahati te eni. Kate eni tahati igne na, nodi fatutuani ginauna heta fara.

Ululahu Korin 1:10

Kheraguro, gognaro na iara cheke heta ka nanghagna noda Lord Jisas Kraes. Iara tore ghami fara ghotilo mala thosei eni ghotilo nafnata puhi te fnota tafri ghotilo igne. Te keli na ghotilo jame ke funu loku fodu ka kaisei nagnafa nei kaisei gaoghatho ngala.

Ululahu Korin 2:3

Kani teke ari posa iara ka ghotilo mala toutonu teku ia, iara neke nigra fara nei mhaghu neku eigna glahula theome magnahaghei ghau iara ghotilo.

Fapea Korin 13:4

Tutuani mana neke nigra ka teke tupijuruni mare ke kligna gaju fafatha na, nu gognaro na mana karha ka nogna nolaghi God. Tutuani ghehati nogna mae gloku Kraes gre jaola nigra. Nu ghehati karha balugna mana ka nogna nolaghi God. Eghuteuna ghehati ginauna ari jare mala fadogli ghami ghotilo ka nolaghi igne.

Fapea Korin 4:12

Neuba ghehati namo lehe koba kate toutonuni u Nonomho te Keli igne, ghotilo tangomana te hatani u thofno karha na.