Fapea Korin 12:7 - Buka Blahi Ka Cheke Holo

⁷ Kaisei khabru te thoke ghau iara na jateula kaisei nila eghu ka thinigu iara na. Khabru igne jateula nogna mae gloku Satan te puri ghau iara eghu. Naugna igne iara theome tangomana te fahaehaghe fara eidi glepo biꞌo te fatakle meidi God ka iara gre.

Fapea Korin 12:7 ပူးပေါင်းရင်းမြစ်များ

Naba 33:55

“Nu jame te theome brue fajifla ghotilo naikno te gnafa ka vido tuana na, mare ginauna edi kmana puhi ka ghotilo. Mare jateula gaju ikodi te tangomana juru ka tathami ghotilo ra eghu, ba jateula buburu fajujuru te tangomana juru ka thinimi ghotilo re eghu. Leuleghu fata na mare ginauna edi kmana hoholo fabrahu ka ghotilo.

Jajis 2:3

Eghume iara na cheke fadoglo ari ka ghotilo gognarona, jame te tei magra ghotilo ka naikno te au agne Kenan igre, iara ginauna na theome togho ghami ghotilo mala uludi mare. Nu mare ginauna goigoni ghami ghotilo, eghuteuna nodi god mare igre ginauna jateula kaisei phighoro eghu mala khale ghotilo tagna.”

Galesia 4:13

Ghotilo laseni eigna thinigu iara gne neke fogra fara, naugna igne iara neke kulu toutonuni u Nonomho te Keli na ka ghotilo.

Profet Daniel 5:20

Nu mae kuꞌemu iagho igne kaisei mae fahaehaghe fara, eghuteuna patugama fara, eghuteuna mana paradi koba naiknore. Naugna igne, God neke hata fadelei ka mana nolaghi te mala funei frunidi naiknore. Eghuteuna theo kaisei naikno te ghatho tahuni mana na.

Ululahu Korin 5:5

Ka narane te salo fodu tuana, tahati lisa laoni mana ka khamegna mae Satan mala roꞌeni thinigna mana na. Ka puhi igne God ginauna tangomana te fakarhini tharunga gna mana na ka narane gna noda Lord na.

Jenesis 32:31

Naprai na la haghehi kate jifla mana Peniel na. Mae Jekop ne theome nonolo fakeli naugna nhubra ghahegna na la klasuhi la.

Thoutonu Eigna Mae Job 2:7

Aonu Satan jifla ne tei, eghuteuna mana ne edi thua nafnata thubu te diꞌa ka thinigna mae Job, funu ka phaꞌu tei posa ka ghahegna ro.

Ululahu Timoti 3:6

Nu mae mala baubatu na theome mae ihei teke ruma meila ka khiloau, na eghunu fahaehaghe fara mana eghu, eghuteuna God ginauna fate faleheni mana jateula teke eni tifa ka mae Satan ia eghu.

Fapea Kronikols 26:16

Nu kate haghe te rheta fara mana te fnakno nanghagna na, mana ne funu fahaehaghe fara ne ghilei groꞌe mana. Mana tapla jafra ka nakhibo ranghini Lord nogna God na kate tei ruma mana lamna ka nogna Sugablahi Lord na ne gahu insens ka Olta mala Gahu Insens.

Diutronomi 8:14

Jame te theome filo fakeli ghotilo na, ghotilo tangomana te ghatho tahu ghami themi, eghuteuna ghotilo ginauna ghatho ihoni Lord nomi God. Mae ihei teke hata fajifla ghami ka naꞌau papara Ijep kani teke au sneka jare ia.

Jenesis 32:25

Mae ihei te magra balugna mae Jekop igne mana laseni na te theome tangomana te uluni mae Jekop na. Aonu mana ne loku lao ka thudu sorogna mae Jekop na ne fablughuni ghahegna mana na.

Fapea Korin 11:20

Tutuani, ghotilo gleale'a kolho ka mare, neuba mare ne huju ghami tafri ba chaichaghi ghami ba saosagro ghami ba filo fapari ghami ba tapo ghami.

Ululahu Korin 4:11

Mei te posa gognaro gne, ghehati kmoꞌei ka ghemi gano ba khoꞌu ba pohe. Naiknore puri ghami koba, eghuteuna kate tei heva heva na ghehati theo nomi suga.

Profet Esikiel 28:24

Lord neke cheke eghu, “Naiknodi kantri te namo Israel te theome gnafa te susukuni mana na, mare jateula gnarho fachuchuru te fakabru naiknora eghu. Nu ginauna na theo kaisei ka mare nate mei te falehedi naiknodi Israel igre. Naugna igne, mare ginauna thofno laseni te iara Lord God.”

Fapea Kronikols 32:31

Kate nomhini king gna Babilonia thoutonu eigna God te eni fagaglana igne Juda na, mana ne kurudi keha nogna mae biꞌo mala tei hironi gaoghathogna fagaglana igne. Nu ka narane tuare, God magnahaghei te fariuriuni King Hesekaea mala hironi gaoghathogna unha teke eni mana na, aonu mana ne snakreni Hesekaea mala leghuni gaoghathogna thegna na.

Diutronomi 17:20

Ka puhi igne mana ginauna theome fahaehaghe nei theome ghathoni ne keli fara thegna ne salaꞌudi kheragna Israel igre teuna. Eghuteuna mana ginauna theome ghatho ihoni nogna vetula Lord na. Jame te ghatho tahuni Lord mana na, mana ginauna king fabrahu kmana finogha, eghuteuna vikegna mana re ginauna jaola king fabrahu Israel.”

Fapea Korin 10:5

Eghuteuna ghehati tangomana te tapla sorudi thua nafnata cheke fahaehaghe te edi naiknore eigna thofno glalase nogna God. Ghehati fariuriu mala tuthughu gaoghathodi naiknore, mala thofno leghuni Kraes.

Luku 13:16

Gaꞌase igne neke karha ka vikegna mae kuꞌeda Ebraham. Nu mae Satan neke loku famakuni naꞌa nabotho nhana finogha. Eghume theome diꞌa teke fasnaglini iara ka fogra teke keli fapulo naꞌa kau narane Sabat gne.”

Matiu 26:67

Naiknore ne kmisu ka tathagna manare, nei tutini mana. Aonu keha naiknore ne taponi mana.

Thoutonu Eigna Mae Job 2:6

Lord ne cheke eghu ka mana, “Uve, mana ka khamemu iagho gognaro na, nu iagho thosei faleheni mana.”

Profet Hosia 2:6

Eghume, iara ginauna hata gnarho phono mala bara fanogra nabrou te tei koba naꞌa igne mala theome tei naꞌa ka mae nalhaꞌu te magnahaghedi te tei koba naꞌa are.

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Fapea Korin 10:10

Kaisei naikno jame cheke eghu, “Mae Pol gne nogna letas re nolaghi fara. Nu kate au baluda tahati na mana theome nheta, eghuteuna nogna cheke mana re theo nafudi kolho!”

Fapea Korin 12:1

Iara mala cheke fahaehaghe fabrahu, neubane theome tangomana te togho ghita na. Iara na chekedi mifi nei glepo teke poru eghu te fatakle Lord ranghi ghau iara re.