Fapea Korin 12:21 - Buka Blahi Ka Cheke Holo

²¹ Iara nanga nogu fara te mala ari posa ka ghotilo na, naugna theome keli glepo teke edi tifa ra jaola teke edi ghotilo ginauna. Jame te eghu na, God ginauna te famamaja ghau iara eigna unha teke eni ghotilo. Iara ginauna diꞌanagnafagu fara eidi naikno kmana te tapla jafra ka nakhibo teke edi la tifa ra. Tutuani iara ginauna jaola diꞌanagnafagu naugna mare ne tirodi tughu nagnafa ka puhi te gnognoro, eni puhi te diꞌa, nei keha glepo te famamaja ikno.

Fapea Korin 12:21 ပူးပေါင်းရင်းမြစ်များ

Fapea Korin 13:2

Ka fapea fata teke ari posa iara ka ghotilo ia, iara neke cheke faheta farahi ka naikno teke tapla jafra ka nakhibora. Eghuteuna gognaro na iara theome au balumi ghotilo, nu iara cheke ka naikno tuare baludi keha naikno ke lamnami ghotilo te tapla jafra ka nakhibo gognaro gre. Kate ari iara ginau ka ghotilo na, iara ginauna kafe fatedi gnafa naikno tuare.

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.

Galesia 5:19

Naugna unha te thofno magnahagheni naiknogna nauthoglu na, glepo igre na thakle mei ka unha te edi mana re: mhala, nakarha thona, gnognoro,

Ululahu Korin 5:1

Iara nomhini kaisei thoutonu tutuani eigna kaisei mae ka ghotilo eni kaisei puhi te diꞌa fara. Kaisei mae jare thuru fodu ka khetogna mae thofno kmagna na. Eigna neubane mae bongihehe, mare theome tangomana te eni na glepo te diꞌa fara tuana.

Thakle 22:20

Jisas mae ihei teke chekedi gobigna lepo te au ke lamnagna buka igne na ne cheke eghu, “Uve, tutuani fara. Iara ginauna theome raugha ke pulo mei.” Amen. Lord Jisas, mei!

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Letas Teke Rioriso Mae Jud 1:7

Ghotilo jaola ke ghatho fapulodi phei namono biꞌo Sodom ghe Gomora nei keha namono te au faligohodi phei namono biꞌo tuare. Naiknodi namono igre neke jafra jateula engel te jafra teke theome leghuni God igre neku. Naugna namono igre fodu ka gnognoro, eghuteuna mae nalha'udire neke gnognoro fari thedi. Aonu mare neke au papara ka khaꞌaghi te theo ka glehegna na. Eghume mae igre kaisei fagaglana mala filoni tahati hui.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Fapea Korin 12:7

Kaisei khabru te thoke ghau iara na jateula kaisei nila eghu ka thinigu iara na. Khabru igne jateula nogna mae gloku Satan te puri ghau iara eghu. Naugna igne iara theome tangomana te fahaehaghe fara eidi glepo biꞌo te fatakle meidi God ka iara gre.

Fapea Korin 10:6

Kate laseni ghehati te thofno leghuni ghotilo Kraes na, ghehati ginauna kaikaliti mala fateni ihei te tirogna leghuni mana.

Fapea Korin 8:24

Ghotilo mala thofno namhadi thilo mae igre, mala nomhidi khiloau gre puhimi ghotilo na nei mala laseni mare eigna ghehati doglo te fahaehaghe ghami ghotilo na.

Letas Teke Riso Tei Mae Pol Ka Khiloau Rom 13:13

Tahati mala au fabrahu ka puhi te doglo jateula naikno te au fabrahu kate phae eghu. Theome mala edi gaghamu te diꞌa ba koꞌu mala dranga, ba gnognoro, ba leghudi keha puhi te diꞌa, theome mala magra ba goghotu.

Letas Teke Riso Tei Mae Pol Ka Khiloau Rom 9:2

Igne te chekeni iara na. Iara tahu fara gaoghathogu na, eghuteuna iara diꞌanagnafagu koba naugna mae Jiu, mae ihei te kheragu thofno iara nei thofno vikegu iara teuna, theome fatutuani ni mae Jisas. Iara magnahagheni God te mala para ghau iara nei hata fajifla ghau ka Kraes, jame tangomana te toghodi mae Jiu gre mala fatutuani ni mana.

Profet Jeremaea 13:17

Nu jame te theome nomhini ghotilo cheke igne na, iara ginauna tei ka vido aheva nate theo kaisei naikno te filo ghau iara na mala tanhi ghami ghotilo. Naugna ghotilo ne fahaehaghe fara. Iara ginauna tanhi nogu fara, eghuteuna kholodi phei tathagu iara igre ginauna oro soru ka tathagu nei foflogu teu iara gre, naugna noda naoka tahatire ginauna mei ulu ghita tahati, eghuteuna mare ginauna atha fajifla ghita ka noda namono igne mala tei au ka keha kantri delei.

Profet Jeremaea 9:1

Te keli na phaꞌugu iara gne mala jateula kaisei seu te fodu ka khoꞌu ra eghu. Eghuteuna tathagu iara gre mala jateula kaisei glokha khoꞌu eghu. Eghuteuna bongi narane na, iara tanhidi kheragu teke lehe ka mae naoka ra.

Nodi Khoje Hatimare Mae Jiu 119:136

Kate filodi iara naikno te theome leghudi nou famane farirhiu iagho re, iara ne diꞌa nagnafagu fara ne tanhi.

Esra 10:1

Pris Esra tuturupuku soru ke kosigna grengathagna nogna Sugablahi God na ne tarai balu diꞌanagnafa ne tanhi neu, eghuteuna mana ne cheke thakledi nakhibodi naiknodi Israel re. Ka narane igne, kmana nalhaꞌu nei gaꞌase, goro sua eghudi Israel gre mei khapru faligohoni mana, eghuteuna naikno igre jaola ne tanhi fara.

Esra 9:3

Kate nomhini igne, iara thono diꞌanagnafagu fara ne rerheku nogu pohe na, eghuteuna iara rarathu khakladi phaꞌugu nei gremohogu teure, aonu iara tei ne gnokro pari naugna iara ne thono faꞌiho ghau fara.

Ululahu Samuel 15:35

Eghuteuna funu ka narane igne te ghilei thoke ka narane te lehe mae Samuel na, mana ne theome tei filoni mae Sol. Nu leuleghu fata na, mae Samuel neke diꞌanagnafa gna fara ka king, eghuteuna Lord neke diꞌanagnafa gna fara naugna mae Samuel neke fablahi ni mae Sol mala king gna Israel.

Diutronomi 9:25

“Aonu iara ne thuru sukha pari ke ulugna Lord nabagna phiatutu narane nei phiatutu bongi, naugna iara laseni mana neke chekeni te mala falehe ghami ghotilo na.

Diutronomi 9:15

“Aonu iara figri neke sukha funu ka thogele na kate dudulu teu khaꞌaghi na. Eghuteuna iara ne hata balugu phei thina nhaꞌa cheke igre.

Eksodas 32:31

Aonu Moses neke puloi ka thogele na mala cheke balugna Lord, mala cheke eghu ka mana, “Lord! Nakhibodi mare igne thono diꞌa fara! Mare neke horo kaisei god ka gol neke tarai tagna.