Fapea Korin 12:20 - Buka Blahi Ka Cheke Holo

²⁰ Eigna iara nanga nogu mala ari posa ka ghotilo, na eghunu jafra ghotilo ka unha te magnahaghei filoni iara ka ghotilo na eghu. Jame te eghu na, iara ginauna jaola na jafra ka unha te magnahagheni ghotilo na. Kate ari posa iara ka ghotilo na, theome keli te filoni iara ke lamnami te magra, goghotu, diꞌatami faghose, ghatho ghami themi kolho, nhagho, buiburi naikno, fahaehaghe, nei theome au fodu.

Fapea Korin 12:20 ပူးပေါင်းရင်းမြစ်များ

Ululahu Pita 2:1

Eghume, thosei nomire eghudi puhi te diꞌare. Thosei chaghidi naiknore. Thosei goghotu ba cheke fadiꞌadi keha naiknore.

Galesia 5:15

Nu jame diꞌatami fabrahu nei magra teu ghotilo fari themi na, fiofilo ghami, na eghunu roꞌe fahui ghami themi ghotilo ginauna eghu.

Ululahu Korin 1:11

Kheraguro, keha naikno ka tharaknagna Kloe te toutonu ka iara na ghotilo magra koba.

Letas Teke Riso Tei Mae Pol Ka Khiloau Rom 1:29

Mare fodu ka puhi te diꞌa, eghuteuna mare magnahaghei te hata glepo maladi thedi kolho, eghuteuna mare thono lalamadi fara naiknore. Mare fodu ka goghotu, falehe naikno, magra, saosagro, ghaoghatho fadiꞌani koba ihei, nei cheke pouporuni ihei.

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Proveb 16:28

Mae te diꞌa na faꞌeiꞌei puhi mala faripholai ka keha naiknore. Eghuteuna mae te cheke faꞌikoi na mala fasopa gaghadi kheragna re.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Fapea Korin 12:21

Iara nanga nogu fara te mala ari posa ka ghotilo na, naugna theome keli glepo teke edi tifa ra jaola teke edi ghotilo ginauna. Jame te eghu na, God ginauna te famamaja ghau iara eigna unha teke eni ghotilo. Iara ginauna diꞌanagnafagu fara eidi naikno kmana te tapla jafra ka nakhibo teke edi la tifa ra. Tutuani iara ginauna jaola diꞌanagnafagu naugna mare ne tirodi tughu nagnafa ka puhi te gnognoro, eni puhi te diꞌa, nei keha glepo te famamaja ikno.

Nodi Khoje Hatimare Mae Jiu 41:7

Mae te theome magnahaghei ghau iara igre mare cheke faꞌikoi fari thedi eigna fogra iara igne. Nei keli tadi fara ka nonomho te diꞌa eigu iara na.

Fapea Korin 13:2

Ka fapea fata teke ari posa iara ka ghotilo ia, iara neke cheke faheta farahi ka naikno teke tapla jafra ka nakhibora. Eghuteuna gognaro na iara theome au balumi ghotilo, nu iara cheke ka naikno tuare baludi keha naikno ke lamnami ghotilo te tapla jafra ka nakhibo gognaro gre. Kate ari iara ginau ka ghotilo na, iara ginauna kafe fatedi gnafa naikno tuare.

Fapea Korin 10:6

Kate laseni ghehati te thofno leghuni ghotilo Kraes na, ghehati ginauna kaikaliti mala fateni ihei te tirogna leghuni mana.

Fapea Korin 10:2

ghotilo thosei huhuru ghau iara mala cheke faheta ka ghotilo hui kate ari posa iara na. Nu iara ginauna cheke faheta ka iheire ne leghuni kolho ghehati puhigna nauthoglu na teuna.

Fapea Korin 1:23

God laseni unha te chekeni iara ka ghotilo igne thofno tutuani fara, naugna mana thofno laseni nagnafagu iara na. Tutuani, iara theome ariu ka ghotilo Korin, naugna iara theome magnahaghei te para ghami ghotilo na.

Ululahu Korin 14:33

Naugna God theome magnahaghei ghita te fiti reꞌe teu ka glepodi khiloaure, nu magnahaghei ghita te loku fakeli nei au ka pharikeli. Igne tutuani fara ka nogna naikno God ka khiloau te gnafa gre.

Letas Teke Riso Tei Mae Pol Ka Khiloau Rom 1:30

Mare tirodini God, nei cheke fadiꞌadi nanghadi keha naiknore, fahaehaghe nei fakliaklignadi thedi eghu kolho. Mare jaola ghathodi kmana nafnata puhi te mala eni unha puhi te diꞌa, nei theome ghatho tahudi idodi kmadire.

Letas Teke Riso Tei Mae Pol Ka Khiloau Rom 2:8

Nu iheire te ghathodi thedi kolho re, nei theome magnahagheni unha te thofno tutuani na, nu leghudi kolho puhi te diꞌare teuna, God ginauna diꞌatagna fara nei mana ginauna fatedi mare.

Ululahu Korin 5:2

Tore! Ghotilo theome tangomana te cheke fahaehaghe ghami themi na. Ghotilo jame diꞌanagnafa balu mamaja, eghuteuna mae ihei te eni nakhibo tuana nabagna na mala au kosi.

Fapea Korin 2:1

Eghume te ghathoni iara eigna igne na, iara na theome ariu ka ghotilo naugna iara neke theome magnahaghei mala ke fadiꞌa nagnafami ghotilo.

Jemes 4:11

Kheraguro, thosei cheke fadiꞌani ihei, naugna mae ihei te cheke fadiꞌani mae kheragna fofodu na, mana jaola cheke fadiꞌani nogna vetula God na. Eghuteuna mae ihei te fateni mae kheragna fofodu na nei nhaꞌa faparini mana teuna, mana nhaꞌa fapari nila nogna vetula God na. Te eghu ghotilo na, ghotilo theome leghuni nogna vetula God na, nu ghotilo nhaꞌa fahaghe ghami themi ke kligna gna u vetula na.