Fapea Korin 12:2 - Buka Blahi Ka Cheke Holo

² Iara laseni God hata ghau iara neke haghe kligna ka nabotho fati finogha te liu ra. Iara theome raꞌe laseni jame teke eni tutuani ka thinigu iara na ba neke khogla ka mifi kolho, nu God ngala te laseni na.

Fapea Korin 12:2 ပူးပေါင်းရင်းမြစ်များ

Mae Khuru 22:17

“Ke leghugna igne, iara neke pulo Jerusalem. Kaisei narane kate tarai teu iara ka Sugablahi na, iara ne filoni kaisei mifi.

Thakle 4:2

Aonu nogna nolaghi Tharunga te Blahi na ne ghosei ne mei ka iara mala batuni gaoghathogu iara na. Eghuteuna iara ne filoni kaisei nogna sape nafnakno mae King te au kligna te gnokro teu kaisei mae tagna na.

Ululahu Tesalonika 4:17

Ke leghugna igne, tahati karha au teu ka nauthoglu igne God ginauna salo fodu haghe ghita baludi mare ke lamna grokho mala thafoni Lord ka maloa. Eghuteuna tahati ginauna au balugna Lord tifa tifa.

Fapea Korin 11:11

Iara chekeni igne ka ghotilo naugna te theome naba iara te hata nomi tothogho ghotilo na, ba iara ne theome namha ghami ghotilo? Theo! God lase ghau iara te namha ghami fara ghotilo na.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Ululahu Kings 18:12

Iara theome laseni aheva Tharunga gna Lord nate hata nigho te tei kate jifla koko nigho iara na. Jame te tei cheke iara ka King Ehab, eghuteuna theome filo nigho mana teuna, mana ginauna falehe ghau iara. Neuba, iara ghatho tahuni nei pogho soruni eghu koba Lord funu suagu.

Thakle 12:5

Aonu gaꞌase na ne fakakarha kaisei mae sua nalhaꞌu. Mae sua nalhaꞌu igne mala funei frunidi namono te gnafa ka nauthoglu gne balu nolaghi biꞌo. Nu kate karha sua na, mare hatani ne haghe ka God ka nogna sape nafnakno na.

Profet Esikiel 11:24

Aonu nogna nolaghi God ne pala haghe ghau iara, hata ghau iara neke pulo ka vido aheva teke hata mare maedi Israel teke huhurudi teke tei au Babilonia. Ka narane tuana, mifi igne tei ne dofini.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Hibru 9:24

Mae Kraes theome ruma ka suga tapuale teke hohoro kolho ka khame naikno te thotoghale gna kolho chogho aheva te au God na. Theo. Nu mana gognaro na la rumahi kligna ka vido aheva te au God mala cheke ka God eida tahati.

Efesus 4:10

Tutuani fara, Jisas mae ihei teke soru mei, eghuteuna mana la mae ihei teke haghe na. Mana haghe ne tei sala'uni maloa gne. Mana neke eni igne mala au heva heva ka gobigna lepo fateore.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Galesia 1:22

Nu naikno khiloau te au ka Provins Judia, mare theome filoniu thinigu iara na.

Fapea Korin 5:17

Tutuani fara, ihei te nogna Kraes na, mana kaisei naikno majaghani. Glepo te thonare la theohi ka mana, eghuteuna glepo te majaghanire teke mei au ka mana re.

Letas Teke Riso Tei Mae Pol Ka Khiloau Rom 16:7

Eghuteuna ghotilo kubaedi mae Adronika ghe mae Junia, eigna phiamare mae Jiu, jateula iara eghu, eghuteuna phiamare neke au balugu iara ka suga sosolo. Hatimare mae khuru filo faꞌuludi phiamare ke lamnadi mae khuru, eghuteuna phiamare neke kulu fatutuani ni Kraes ke ulugu iara.

Letas Teke Riso Tei Mae Pol Ka Khiloau Rom 8:1

Gognaro na tahati kaisei balugna Jisas Kraes mala theome tangomana God te fate falehe ghita na.

Mae Khuru 14:6

Kate nomhini phiamare groghe igne, phiamare ne rikha ne tei Listra nei Debi phei namono igre au ka provins Likonia, nei phiamare ne tei tongana ke lamnagna nohi tuana.

Jone 6:56

Mae ihei te ghamuni thinigu iara na nei ko'uni dadaragu iara na teuna, mana na au balugu iara, eghuteuna iara na au balugna mana.

Luku 24:51

Kate fablahidi mare na, mana jifla kokodi mare, eghuteuna God ne hatani mana ne haghe kligna.

Nodi Khoje Hatimare Mae Jiu 148:4

Maloa, iagho kilo fnaknoni mana, nei khoꞌu te au ka maloa klignara, ghotilo kilo fnaknoni mana.

Thakle 1:10

Ka kaisei narane Sade, nogna nolaghi Tharunga te Blahi na neke mei ka iara mala batuni gaoghathogu iara na. Ka narane tuana iara neke nomhini naoglagna God te cheke fabiꞌo ke leghugu iara jateula kaisei khufli neu.

Fapea Korin 13:5

Ghotilo mala fariuriu ghami themi koba mala laseni ghotilo te thofno fatutuani ni Kraes ba theo. Tutuani, ghotilo thofno laseni mae Jisas Kraes te au ke lamnami na, na eghunu theome fatutuani ni mana ghotilo eghu!

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Fapea Kings 2:16

Eghuteuna mare ne cheke eghu ka mae Elisa, “Ghehati glimafulu mae nheta. Eghuteuna ghehati magnahaghei te tei hironi nou mae funei iagho na. Glahula mei Tharunga gna Lord na hata tei liseini mana ka kaisei thogele ba ka kaisei glogu.” Nu mae Elisa ne cheke eghu ka mare, “Theo, ghotilo thosei tei.”

Diutronomi 10:14

“Kligna nei nauthoglu nei gobigna lepo fateote'o te au ke lamnadi teu igre nogna Lord nomi God ghotilo khotodi re.

Profet Esikiel 43:5

Aonu nogna nolaghi God igne ne pala ghau iara ne tei ke lamnagna glalaba ikoi te au rhegna Sugablahi na, eghuteuna iara ne filoni Sugablahi igne fodu ka siasiglagna nogna nolaghi biꞌo Lord.

Letas Teke Riso Tei Mae Pol Ka Khiloau Rom 16:3

Ghotilo kubaedi Prisila ghe mae Akuila, eigna repa neke loku balugu iara malagna mae Jisas Kraes.

Letas Teke Riso Tei Mae Pol Ka Khiloau Rom 16:9

Eghuteuna ghotilo kubaeni mae Abana, mana kaisei mae nogna gloku Kraes baluda tahati. Eghuteuna ghotilo jaola kubaeni mae kheragu keli iara mae Staki.

Letas Teke Riso Tei Mae Pol Ka Khiloau Rom 16:10

Eghuteuna ghotilo kubaeni mae Apeli. Kate fariuriuni mare na, mana falasenihi te thofno leghuni Kraes na. Eghuteuna ghotilo kubaeni tharaknagna mae Aristobula.

Hibru 4:14

Eghume, tahati mala loku famaku ka noda fatutuani na. Naugna tahati au kaisei noda mae pris biꞌo te togho ghita. Mae pris biꞌo igne mae Jisas Kraes Thugna God tela haghehi kligna.