Fapea Korin 12:17 - Buka Blahi Ka Cheke Holo

¹⁷ Ne faꞌunha? Ba, iara neke chaghi ghami ghotilo ka mae teke kuru ari iara ka ghotilo ra? Theo.

Fapea Korin 12:17 ပူးပေါင်းရင်းမြစ်များ

Fapea Korin 12:18

Iara neke toreni mae Taetus mala ari ka ghotilo, eghuteuna iara jaola neke kuru ari kaisei mae thabusigna balugna mana. Ba, mae Taetus neke chaghi ghami ghotilo? Theo! Ghotilo laseni ghepa mae Taetus au kaisei gaoghatho kolho nei leghuni kaisei puhi ngala eghu ka gloku na!

Fapea Korin 9:5

Eghume te ghathoni iara na, iara na toredi thilo mae thabusigna igre mala kulu ari ka ghotilo ame ari nga ghehati eghu, mala tarabana unha teke nhaꞌa chekehi ghotilo ra. Ghehati laseni te tufa ghotilo ra naugna ghotilo thofno magnahaghei te tufa ka namha, theome naugna te huhuruni ghehati ka ghotilo.

Ululahu Korin 16:10

Jame te ari mae Timoti ka ghotilo na, ghotilo mala reireghi fakelini mana naugna mana jateula iara eghu loku ranghini Lord.

Ululahu Korin 4:17

Naugna igne, iara kuru arini mae Timoti ka ghotilo. Iara namhani mana jateula thofno mae thugu eghu, naugna mana loku fakeli ranghini Lord. Mana ginauna farirhiu ghami ghotilo puhigna Kraes te leghuni iara gne, jateula iara te farirhiudi naikno khiloau ka namono te gnafa gre eghu.

Fapea Kings 5:16

Nu mae profet ne cheke eghu, “Theo. Iara nogna mae gloku Lord mae ihei te karha te tifa. Ka nanghagna mana, iara cheke kate tutuani, iara na theome hata kaisei glepo ka iagho.” Neuba Naman heta fara ka mae Elisa te mala hata namha na, nu mae Elisa ne theome magnahagheni ne theome hata.

Nonomho Te Keli Teke Risoi Mae Mak 5:26

Naꞌa au papara fara, eghuteuna kmana mae dokta fariuriu toghoni naꞌa. Naꞌa koko fahui nogna silenire ka mae dokta. Eghuteuna fogra na theome tangomana te gnafa na, nu naꞌa neke diꞌa ne diꞌa fara ngala.