Fapea Korin 12:15 - Buka Blahi Ka Cheke Holo

¹⁵ Eghume iara thofno gleale'a fara te tusu ari ranghi ghami gobigna lepo te au ka iara igre nei jaola snakreni thinigu na mala togho ghami ghotilo. Ba, ghotilo ginauna namha faꞌikoi ghau iara kolho, naugna te namha ghami fabiꞌo fara iara gne?

Fapea Korin 12:15 ပူးပေါင်းရင်းမြစ်များ

Ululahu Tesalonika 2:8

Naugna ka nomi namha biꞌo ranghi ghami ghotilo ia ghehati keli tami fara te falase ari ka ghotilo Nonomho te Keli eigna mae Jisas Kraes. Theome tuana kolho. Nu ghehati jaola keli tami mala lehe eimi ghotilo.

Filipae 2:17

Nomi fatutuani ghotilo na jateula kaisei fafara te tusu lao tahati ka God ia eghu. Nu jame falehe ghau iara mare na, dadaragu iara na ginauna thofa jateula kaisei fafara te salofodu baludi nomi fatutuani ghotilo ra eghu. Iara ginauna gleale'a fara kolho balumi ghotilo.

Fapea Korin 1:6

Eghuteuna God togho ghami ghehati kate au papara eimi ghotilo na. Kate togho ghami ghehati God na, mana jaola farerheta ghami nei togho ghami ghotilo mala hatini u thofno karha na, neuba ghotilo ne papara jateula te eni ghehati gognaro gne neu.

Kolose 1:24

Gognaro na iara keli tagu fara neubane au papara, naugna naꞌau papara te eni iara igne mala togho ghami ghotilo. Tifa na mae Kraes neke papara fara mala toghoni khiloau, thinigna mana na. Eghuteuna, iara jaola au papara ka thinigu na mala fakhaputu nogna gloku mae Kraes te theome gnafa nga teu.

Fapea Timoti 2:10

Eghume iara heta ghegu kolho neuba mare ne para ghau. Naugna iara magnahaghei te toghodi naikno teke vavahi God re mala nogna naikno mae Jisas Kraes. Ka puhi igne God ginauna fakarhidi, eghuteuna mare ginauna hatini u karha fei tifa na.

Fapea Korin 2:3

Ka gaoghatho tuana teke riso arini iara letas na ka ghotilo tifa ia. Neuba iara neke magnahaghei te ari filo ghami ghotilo na, iara theome magnahaghe ghami ghotilo naikno te tangomana te mala faglealeꞌa ghau iara ra te fadiꞌa nagnafa ghau iara na. Te thofno ghathoni iara na, ghotilo te gnafa na mala gleale'a balugu iara.

Hibru 13:17

Hatimare nomi mae mala baubatu ghotilo re reireghidi nakarhamire. Mare ginauna na kegra ke ulugna God mala toutonu ka mana eigna nodi gloku teke eni mare ka nauthoglu igne. Eghume ghotilo leghudi nei ghatho tahudi eghu mare mala tangomana te gleale'a ka nodi glokure. Te loku balu diꞌanagnafa mare na, igne ginauna na theome togho ghami ghotilo.

Fapea Korin 12:14

Iara gognaro na tarabana mala fatilo ari sigho ghami ghotilo, nu iara na theome toreni kaisei glepo ka ghotilo. Naugna iara magnahaghe ghami kolho ghotilo. Ghotilo laseni, goro suare theome tangomana te mala reireghi idodi nei kmadi teure, nu idodi nei kmadi teure te mala reireghi thudire.

Fapea Korin 12:9

Nu Lord neke cheke eghu ka iara, “Nogu khokofakasai iara igne ngala te nabamu iagho na, naugna kate nigra iagho na, nogu nolaghi iara na heta fara!” Eghume iara gleale'a fara te cheke fahaehaghe eigna nogu nanigra na, eghuteuna nogna nolaghi Kraes na tangomana te au balugu iara na.

Fapea Korin 7:3

Iara theome chekeni igne mala cheke faparidi puhimi ghotilo re. Theo. Iara neke chekehi ka ghotilo, ghehati namha ghami ghotilo fara, eghuteuna neuba tahati ne karha fodu ba ne lehe fodu tahati ginauna kaisei fabrahu ngala.

Galesia 4:10

Leghu fata na ghotilo tathaji u narane tuthuana, khafa majaghani nei keha nafnata narane ulu ka finogha.

Fapea Samuel 18:33

King nomhini igne ne thono diꞌanagnafa gna fara. Mana kegra haghe ne tei ruma ka kaisei chogho kligna ka grengathagna bara thina na ne tanhi eghu fabiꞌo, “Thuguo Absalom! Thuguo Absalom! Te keli na jame iara nga teke lehe tughu nigho iagho na. Theome iagho, thuguo Absalom!”

Fapea Samuel 13:39

Eghuteuna kate gnafa nogna diꞌanagnafa eigna mae Amnon na, mae Devet magnahaghei fara teke filoni mae Absalom.

Fapea Korin 7:2

Ghotilo mala falalaseni te namha ghami ghehati na. Ghehati theome eni kaisei najafra ranghini kaisei naikno. Ghehati theome goigonini kaisei naikno, nei ghehati theome chaichaghini kaisei naikno.

Fapea Korin 11:11

Iara chekeni igne ka ghotilo naugna te theome naba iara te hata nomi tothogho ghotilo na, ba iara ne theome namha ghami ghotilo? Theo! God lase ghau iara te namha ghami fara ghotilo na.

Fapea Korin 4:12

Neuba ghehati namo lehe koba kate toutonuni u Nonomho te Keli igne, ghotilo tangomana te hatani u thofno karha na.