Fapea Korin 11:31 - Buka Blahi Ka Cheke Holo

³¹ God nei Kmagna noda Lord Jisas Kraes laseni te theome chaichaghi iara na. Tahati cheke fakelini nanghagna mana na tifa tifa!

Fapea Korin 11:31 ပူးပေါင်းရင်းမြစ်များ

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Kolose 1:3

Ka nomi tharai eimi ghotilo na ghehati cheke fakelini God fabrahu, Kmagna noda Lord Jisas Kraes.

Fapea Korin 1:3

Tahati mala cheke fakelini God nei Kmagna noda Lord Jisas Kraes! Mae ihei te kokhonidi nei tarabana mala toghodi teu naikno te gnafare.

Letas Teke Riso Tei Mae Pol Ka Khiloau Rom 15:6

Ka puhi igne, ghotilo te gnafa na ginauna mala kaisei nagnafa ngala mala kilo fnaknoni God Kmagna noda Lord Jisas Kraes.

Letas Teke Riso Tei Mae Pol Ka Khiloau Rom 1:25

Mare tirodi fatutuani ni chekegna God te tutuani na, eghuteuna mare fatutuanidi kolho thoutonu te chaichaghire. Jaola, mare tufru sorudi nei loku ranghidi eghu glepo teke vuavuha God re. Nu mare ghatho ihoni te tufru soruni nei loku ranghini teu God mae ihei teke vuavuhadi gobigna lepo igre. God mae ihei naiknore naba te cheke fakelini tifa te tifa. Amen.

Jone 10:30

Uve, ghepa mae Mama na kaisei ngala.”

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Ululahu Timoti 1:17

Nafnakno nei siasigla ranghini mae King te funei fabrahu tifa tifa! Mana theome tangomana te lehe eghuteuna tahati theome tangomana te filoni mana, eghuteuna kaisei mana ngala God na. Tahati ginauna na ghatho tahuni nei cheke fakelini nanghagna mana na tifa tifa. Amen.

Ululahu Timoti 1:11

Tuana farirhiu leghuni u Nonomho te Keli God teke tusu mei ka iara mala toutonu iara. Nonomho te Keli igne siasigla balu nolaghi biꞌo neke mei funu ka God mae ihei te blahi fara.

Efesus 3:14

Eghume gognaro na iara tarai ke ulugna Kmada kligna.

Fapea Korin 11:11

Iara chekeni igne ka ghotilo naugna te theome naba iara te hata nomi tothogho ghotilo na, ba iara ne theome namha ghami ghotilo? Theo! God lase ghau iara te namha ghami fara ghotilo na.

Fapea Korin 1:23

God laseni unha te chekeni iara ka ghotilo igne thofno tutuani fara, naugna mana thofno laseni nagnafagu iara na. Tutuani, iara theome ariu ka ghotilo Korin, naugna iara theome magnahaghei te para ghami ghotilo na.

Letas Teke Riso Tei Mae Pol Ka Khiloau Rom 9:1

Iara cheke kate tutuani fara, naugna iara nogna naikno Kraes. Eghuteuna Tharunga te Blahi te au ke balugu iara na funei frunini gaoghathogu iara na. Mana na cheke faheta ka gaoghathogu iara na eidi cheke nate edi iara gre tutuani fara.

Letas Teke Riso Tei Mae Pol Ka Khiloau Rom 1:9

Iara loku ranghini God balu nagnafagu fateo mala toutonuni u Nonomho te Keli eigna Thugna God. Eghuteuna God lase ghau iara te ghatho ghami ghotilo koba ka nogu tharaire.

Jone 20:17

Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Nehemaea 9:5

Eghuteuna keha tothoghei ka mae Livaet igre na nanghadire mae Jesu, nei mae Kadmiel, nei mae Bani, nei mae Hasabnea, nei mae Serebaea, nei mae Hodaea, nei mae Sebanaea, nei mae Petahaea, mae igre ne eha eghu fabiꞌo, “Tahati kafe kegra haghe cheke fakelini noda Lord God mae ihei te karha fabrahu tifa te tifa!” “God! Ghehati magnahaghei te pala hagheni nanghamu iagho na. Nu nomi glealeꞌa ghehati igne theo nafugna kolho. Nanghamu iagho na biꞌo fara, eghume nomi glealeꞌa ghehati igne theome naba ka tathamu iagho na.

Ululahu Tesalonika 2:5

Ghotilo laseni igne, ghehati theome cheke famaemahe mala hata ghami ghotilo, ba saosagro mala hata sileni ka ghotilo. Theo. Ghehati theome poruni khiri na ka ghotilo, God laseni igne tutuani fara.

Nodi Khoje Hatimare Mae Jiu 41:13

Tahati cheke fakelini Lord, eigna mana noda God tahati naiknoda Israel. Tahati cheke fakelini mana fabrahu tifa tifa. Amen. Amen.

Galesia 1:20

Iara cheke tutuani, eigna God laseni unha te riso ari iara ka ghotilo igre thofno tutuani fara.