Fapea Korin 11:18 - Buka Blahi Ka Cheke Holo

¹⁸ Kmana naikno cheke fahaehaghe leghuni kolho gaoghathogna nauthoglu gne, eghume iara tangomana te cheke fahaehaghe jateula tuana teuna.

Fapea Korin 11:18 ပူးပေါင်းရင်းမြစ်များ

Ululahu Pita 1:24

Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Fapea Korin 12:11

Iara cheke jateula kaisei mae te fameomekro eghu, nu ghotilo huhuru ghau iara mala eni igne. Nabami ghotilo te mala chekedi nogu gloku te keli te edi iara gre. Iara laseni te fiti mae kolho iara na, neuba, iara theome au ke paridi mae iheire te kilodi ghotilo “Hatimare mae khuru keli fara.”

Fapea Korin 12:9

Nu Lord neke cheke eghu ka iara, “Nogu khokofakasai iara igne ngala te nabamu iagho na, naugna kate nigra iagho na, nogu nolaghi iara na heta fara!” Eghume iara gleale'a fara te cheke fahaehaghe eigna nogu nanigra na, eghuteuna nogna nolaghi Kraes na tangomana te au balugu iara na.

Fapea Korin 11:12

Keha naiknore magnahaghei fara te mala fahaehaghedi thedi nei chekeni koba nodi glokure te kaisei nanaba ka ghehati mae khuru gre teuna. Nu iara magnahaghei te mala fanogradi mare ka igne. Naugna igne, iara leghuni fabrahu kolho puhigu thegu na.

Ululahu Korin 4:10

Tore! Gaoghathodi naiknore ghehati gne jateula mae te meomekro eghu, naugna ghehati nogna Kraes. Nu ghotilo la lasenihi, eigna ghotilo nogna Kraes! Ghehati theome heta, nu ghotilo heta fara! Naiknore filo fapari ghami koba ghehati eghuteuna mare ghatho tahu ghami ghotilo!

Fapea Korin 1:17

Ba, kate tughu iara gaoghathogu na ne cheke kolho iara naugna ne theome leghuni unha teke kulu ghathoni iara na neu si ghotilo ia? Theo, iara theome edi gaoghatho igre mala leghudi kolho unha te magnahaghedi thegure, nei iara theome nafnata naikno te kaisei fata chekedi ngala “Uve” ghe “Theo” gne.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.

Fapea Korin 12:1

Iara mala cheke fahaehaghe fabrahu, neubane theome tangomana te togho ghita na. Iara na chekedi mifi nei glepo teke poru eghu te fatakle Lord ranghi ghau iara re.