Fapea Korin 10:8 - Buka Blahi Ka Cheke Holo

⁸ Tutuani fara, Lord neke tusu mei ka ghehati u nolaghi te mala mae khuru na. Nu mana neke tusu mei ka ghehati nolaghi igne mala farerheta ghami ghotilo, theome mala goigoni ghami ghotilo. Eghume iara theome mamaja te cheke fahaehagheni fara u nolaghi igne.

Fapea Korin 10:8 ပူးပေါင်းရင်းမြစ်များ

Fapea Korin 13:10

Iara riso ari letas igne kate theome au teu balumi ghotilo naugna kate ari iara te posa ka ghotilo na, iara theome magnahaghei te cheke faheta ranghi ghami ka nolaghi biꞌo teke tusu mei Lord ka iara igne. Mana neke tusu mei ka iara nolaghi igne mala toghodi nomi fatutuani ghotilo re mala heta, theome mala goigoni ghami ghotilo.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Galesia 1:1

Mae Jisas Kraes nei God Kmada neke vahi ghau iara mae Pol mala kaisei nogna mae khuru. Naiknore neke theome vahi ghau iara, eghuteuna theo kaisei naikno teke tusu mei ka iara u nolaghi te mala loku jateula mae khuru. Nu God mae ihei teke fakarha fapuloni mae Jisas kau glehe ia teke eni igne ka iara na.

Fapea Korin 13:8

Naugna ghehati theome tangomana te eni kaisei glepo te mala fanograni cheke te tutuani igne, nu ghehati tangomana te mala toghoni kolho cheke te tutuani igne.

Fapea Korin 12:6

Neuba iara ne cheke fahaehaghe eidi mifi igre, iara theome mae meomekro, naugna iara tangomana te chekedi kolho glepo te tutuani re. Nu iara ginauna theome cheke fahaehaghe, naugna iara theome magnahagheni kaisei naikno te ghatho tahu ghau iara fara uluni unha te eni iara na, ba unha te chekeni iara na.

Fapea Korin 1:24

Ghehati theome magnahagheni te sagheleghudi nomi fatutuani ghotilo re, naugna ghehati lase ghami ghotilo tela kegra hetahi ka nomi fatutuani na ka God. Nu ghehati magnahagheni te loku balumi ghotilo mala tangomana ghotilo te gleale'a na.

Fapea Korin 7:14

Iara neke cheke fahaehaghe eimi ghotilo ka mae Taetus. Tutuani, ghotilo theome neke famamaja ghami ghehati naugna gobigna lepo teke chekedi ghehati eimi ghotilo ka mana igre tutuani fara. Jaola gobigna lepo teke chekedi ghehati ka ghotilo ra tutuani fara.

Fapea Korin 7:4

Tutuani fara, iara theo kaisei ghatho peapea eimi ghotilo. Iara jaola fahaehaghe ghami fara ghotilo. Neuba thua nafnata puhi gre ne mei ka ghehati, iara thofno gleale'a fara ka vido tuana.

Fapea Korin 10:4

Glepo mala magra te hata ghehati gre theome nogna nauthoglu igne. Theo. Nu glepo neke mei funu ka God te au nolaghi biꞌo te mala tangomana ghehati te tapla sorudi nogna gloku mae Satan re. Eghume ghehati tangomana te tapla sorudi thua nafnata gaoghatho te theome tutuani.

Fapea Korin 10:9

Tutuani, iara theome magnahaghe ghami te ghatho ghau iara kaisei mae te mala famhaghu ghami ghotilo ka nogu letas re.

Fapea Korin 12:19

Ba, ne riso ari ghehati glepo igre mala tafra ghami ghehati themi neu si ghotilo ia? Theo! Ghehati chekedi glepo igre ka puhi te magnahagheni Kraes te mala eni ghehati ka tathagna God na. Eghuteuna gobigna lepo te risodi ghehati gre, kheraguro, mala tangomana te farhetadi nomi fatutuani ghotilo re.