Fapea Korin 10:1 - Buka Blahi Ka Cheke Holo

¹ Keha naikno ka ghotilo cheke eghu, “Kate au teu delei na mae Pol gne cheke faheta fara ka tahati, nu kate mei agne na mana mhaghu te cheke fabiꞌo na!” Fanomho ka iara. Uve, Kraes na mae keli, eghuteuna mana theome ghosei diꞌatagna. Iara leghuni puhigna mana na. Eghume te chekeni iara ka ghotilo na,

Fapea Korin 10:1 ပူးပေါင်းရင်းမြစ်များ

Fapea Korin 10:10

Kaisei naikno jame cheke eghu, “Mae Pol gne nogna letas re nolaghi fara. Nu kate au baluda tahati na mana theome nheta, eghuteuna nogna cheke mana re theo nafudi kolho!”

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Galesia 5:2

Fanomho ka iara. Jame kaisei mae cheke eghu, “Te leghuni iara u puhi te mala vahe na, iara ginauna doglo ke ulugna God.” Mae Kraes ginauna theome toghoni mae tuana.

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Fapea Korin 11:30

Jame te cheke fahaehaghe iara gognaro na, iara ginauna cheke fahaehaghe eidi kolho glepo te falaseni te nigra iara na.

Ululahu Korin 2:3

Kani teke ari posa iara ka ghotilo mala toutonu teku ia, iara neke nigra fara nei mhaghu neku eigna glahula theome magnahaghei ghau iara ghotilo.

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Ululahu Pita 2:11

Uve kheraguro, ghotilo jateula naikno fasigho nei mae phosa eghu ka nauthoglu igne naugna ghotilo theo kaisei namono ka nauthoglu gne te thofno namonomi ghotilo na. Eghume, iara thofno tore ghami ghotilo mala au fadelei ka glepo te diꞌa te magnahaghedi thinimire. Naugna glepo te diꞌa igre magra ka nakarhami ghotilo re.

Fapea Tesalonika 3:17

Iara mae Pol riso kubae ranghi ghami ghotilo ka khamegu thegu. Nogu letas te gnafare iara saen nanghagu na leghu lahu mala laseni teke funu ka iara. Igne puhi te eni koba iara na.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Galesia 4:13

Ghotilo laseni eigna thinigu iara gne neke fogra fara, naugna igne iara neke kulu toutonuni u Nonomho te Keli na ka ghotilo.

Fapea Korin 12:5

Eghume iara na cheke fahaehaghe ka unha teke eni ka iara na. Nu iara ginauna theome cheke fahaehaghedi kmana glepo teke edi ka nakarhagu na nu iara ginauna cheke fahaehaghedi glepo te falaseni te mae nigra kolho iara na.

Fapea Korin 11:21

Iara gleale'a eigna te chekeni iara na, ghehati neke theome eni kaisei glepo te diꞌa jateula mare eghu ka ghotilo! Iara frane te mala cheke fahaehaghe ka unha te cheke fahaehagheni mae ihei na, neuba iara ne cheke jateula kaisei mae te fameomekro neu.

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.

Fapea Korin 10:2

ghotilo thosei huhuru ghau iara mala cheke faheta ka ghotilo hui kate ari posa iara na. Nu iara ginauna cheke faheta ka iheire ne leghuni kolho ghehati puhigna nauthoglu na teuna.

Fapea Korin 7:4

Tutuani fara, iara theo kaisei ghatho peapea eimi ghotilo. Iara jaola fahaehaghe ghami fara ghotilo. Neuba thua nafnata puhi gre ne mei ka ghehati, iara thofno gleale'a fara ka vido tuana.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Fapea Korin 3:12

Eghume naugna ghehati thofno laseni nogna nolaghi biꞌo God te au fabrahu, ghehati theome tangomana te mhaghu kate loku ranghini Lord na.

Ululahu Korin 4:10

Tore! Gaoghathodi naiknore ghehati gne jateula mae te meomekro eghu, naugna ghehati nogna Kraes. Nu ghotilo la lasenihi, eigna ghotilo nogna Kraes! Ghehati theome heta, nu ghotilo heta fara! Naiknore filo fapari ghami koba ghehati eghuteuna mare ghatho tahu ghami ghotilo!

Letas Teke Riso Tei Mae Pol Ka Khiloau Rom 15:15

Nu neuba ngau, iara frane te mala riso ari eidi keha glepo ka letas igne ka ghotilo mala ke ghatho fapulodi ghotilo glepo teke lasedihi ghotilo ra. Naugna God neke tusu mei khokofakasai igne ka iara mala kaisei nogna mae gloku Jisas Kraes mala toghodi naikno te theome Jiu. Iara loku ranghini God jateula kaisei mae te kegra fari hoteidi God ghe naikno kate toutonuni chekegna God na. Iara eni igne mala tangomana iheire te theome Jiure te mei ka God na eghuteuna mana ginauna hatadi mare jateula kaisei fafara, nei mare tangomana te blahi ka nogna nolaghi Tharunga te Blahi na.

Letas Teke Riso Tei Mae Pol Ka Khiloau Rom 10:20

Mae Isaia frane fara neke cheke eghu chekegna God na, “Iheire teke theome hiro ghau iara re mare nake filo deni ghau iara. Iara neke falalase ghau thegu ka iheire te theome ghusna ghau iara te mala toghodire.”

Mae Khuru 8:32

Igne u phugra cheke blahi teke iu'ijuni mae biꞌo na, “Mana jateula kaisei sipu te hata te tei mare te mala falelehe ia eghu. Mana au kmu jateula kaisei sipu te theome tanhi kate kuchi mare khaklagna na. Mana theome chekeni kaisei cheke.

Matiu 21:5

“Cheke ka naiknodi Jerusalem, ‘Filo si ghotilo nomi King ghotilo na la mei ka ghotilo. Mana nhaꞌa faparini thegna la saghe ka dongki na. Mana saghe ka sua dongki na.’ ”

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Nodi Khoje Hatimare Mae Jiu 45:4

King, iagho na fnakno fara nanghamu na. Iagho saghe ka hose te tei magra! Iagho ginauna na uluni magra na ka nou nolaghi te biꞌo fara. Eghume, ka puhi igne iagho na kafe toghodi nou naikno te leghudi thofno chekemu te tutuani nei puhimu te thofno doglo fara, nei farirhiudi mala namhadi nei taegodi eghu keha naiknore.

Ululahu Korin 4:21

Eghume filo fakelidi puhimire mala theome ari para ghami iara. Tutuani, iara magnahaghei ari te mala filodi puhimi te kelire nei te falaseni nogu namha na ka ghotilo. Naugna iara magnahaghei te togho ghami ghotilo fara ka puhi te keli.

Efesus 3:1

Naugna igne, iara mae Pol te au ka suga sosolo eigna iara ne leghuni mae Jisas Kraes. Iara tarai ghami ka God. U gaoghathogna te sosoloni iara gne naugna iara ne toutonuni chekegna God na ka ghotilo iheire te theome Jiu.

Filipae 4:5

Kafe lolokelidi naikno te gnafare, naugna Lord na la namo meihi.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Filimon 1:19

Iara mae Pol te rioriso soru cheke igre ka khamegu thegu. Iara ginauna nake tughudi nogna kaoni mana re. Nu iagho jame theome ghatho ihodila teke kaoni nakarhamu themu na ka iara ia.