Nu mae Kraes neke kuru meini mae Tharunga te Blahi na ka ghotilo. Mae Tharunga te Blahi gne au ngala balumi ghotilo mala farirhiu ghami gobigna lepore. Eghume ghotilo theome magnahagheni kaisei mae velepuhi delei te mala farirhiu ghami na. Mae Tharunga te Blahi gne tutuani fara, theome chaichaghi. Eghume heta ghemi au balugna mae Kraes, jateula mae Tharunga te Blahi teke farirhiu ghami ghotilo ia eghu.
Fapea Korin 1:21 - Buka Blahi Ka Cheke Holo21 God thegna te togho ghami ghotilo nei togho ghami ghehati teu te mala au rheta noda fatutuani na ka Kraes. God thegna neke vahi ghita mala nogna naikno mana. အခန်းကိုကြည့်ပါ။ |
Fapea Korin 1:21
28 ပူးပေါင်းရင်းမြစ်များ
Uve, leghu fata na God togho ghami ghotilo ka nogna khokofakasai te biꞌo. Eghuteuna naugna ghotilo te nogna mae Kraes na, mana kilo ghami ghotilo mala hata balugna nafnakno biꞌo te au fabrahu tifa te tifa. Gognaro na ghotilo au papara katha vido kmoꞌei kolho, nu God ginauna togho ghami mala ke majaghani fapulo nakarhamire nei fadodoglo nomi fatutuani ghotilo na. Eghuteuna mana ginauna jaola tusu ranghi ghami nolaghi mala tangomana ghotilo te au heta fabrahu na.
Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.
Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.
Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.
“Igne nogu nhaꞌa cheke iara na: Iara lisei soru Tharungagu na ka ghotilo, eghuteuna iara neke tusu arihi ka ghotilo nogu farirhiu ra. Eghuteuna phei glepo igre, Tharunga ghe Farirhiu ginauna au fabrahu balumi ghotilo. Phei glepo igre ginauna na au fabrahu baludi thumi ghotilore, eghuteuna jaola au baludi iheire nate karha mei ke leghumi ghotilore tifa tifa.” Igne chekegna Lord.
Lord ne cheke eghu ka nogna naiknore, “Iagho nogu mae gloku iara. Ka narane te mala fakarhi nigho na, iara ginauna kokhoni nigho na nomhini nou tharai iagho na. Iara ginauna reireghi fakeli nigho mala theo kaisei hoholo te thoke nigho na, eghuteuna iara ginauna vahi nigho mala jateula kaisei nhaꞌa cheke eghu ka naikno te gnafa ka nauthoglu igne. Eghuteuna iara ginauna snakre nigho mala eꞌei nodi namono nogu naikno iara igre ka nodi namono naikno te thono diꞌa fara gognaro gre.
Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.
Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.
ကြော်ငြာတွေ